ಗೂಡಿಂದ ಗೂಡಿಗೆ

ನಿನ್ನೆ ಮೊನ್ನೆಯೇ ಮದುವೆಯಾದಂತಿದೆ
ಆಕೆಯ ಕೈಮೇಲಿನ ಮೆಹೆಂದಿ, ಹಸಿರುಬಳೆ
ಕಾಲುಂಗುರ ಗರಿಗರಿಯಾದ ಸೀರೆ-
ಆತನ ಮುಂಗೈ ರೇಶ್ಮೆದಾರ
ಮದುವೆಯ ಥ್ರೀ ಪೀಸ್ ಸೂಟು.

ಹನಿಮೂನಿಗೆ ಸಮಯವೇ ಇಲ್ಲವೆಂದಾಗಿದ್ದರೆ
ಇಲ್ಲಾದರೂ ಒಂದಿಷ್ಟು ಪ್ರೀತಿ ಮಾತು
ಮುತ್ತು ನಗು ಕೊಡಬಹುದಾಗಿತ್ತೇನೋ
ಹೇಳುತ್ತಲೇ ಇದ್ದಾನೆ ತನಗರಿವಿಲ್ಲದಂತೆ
ಅಮೆರಿಕದ ಗಡಿಬಿಡಿ ಜೀವನ
ಆಫೀಸು, ಶಾಪಿಂಗು, ಮನೆಗೆಲಸ
ಡ್ರೆಸ್ಸು, ಫುಡ್ಡು, ನೇಬರು ಎಂದೇನೆಲ್ಲ…..
ಆಶ್ಚರ್ಯ ಭಯ ಕಾತರದ ಆ ಹುಡುಗಿ
ಹೂಂ ಗುಡುತ್ತಲೇ ಅಮೆರಿಕದ ಕನಸಿನಲ್ಲಿ
ಹುಬ್ಬುಗಳೊಳಗೇ ಕಳವಳದ ಮಾತುಗಳು.

ನಾಚಿಕೆಯ ಅವಳ ಕೆನ್ನೆಯ ಗುಳಿ
ನಗು ನೋಡಬೇಕೆಂದ ನಾನು…..
ಆತ ನ್ಯೂಯಾರ್ಕಿನ ತನ್ನ
ವೇಳಾಪತ್ರಿಕೆ ಸಿಸ್ತು ಅದೂ ಇದೂ ಹೇಳಿ
ಸುಸ್ತಾಗಿಸಿದ್ದ ಆಕೆಗೆ ನಾಳೆ ಬೆಳಿಗ್ಗೆಯೇ
ಆಫೀಸಿನಲ್ಲಿರಬೇಕೆಂದು ಹೇಳಿ
ಅವಳಿಗೆ ಹೊದೆಸಿ ತಾನೂ ಸೀಟಿಗೊರಗಿದ
ಗೂಡಿಗಿನ್ನೂ ತಲುಪದ ಹುಡುಗಿಯ
ವಿದೇಶಿ ಕನಸು….
ಬಿಟ್ಟ ಕಣ್ಣು ಬಿಟ್ಟಂತೆಯೇ ಆತಂಕದ ಹುಡುಗಿ
ನಿರ್ಣಯ ಸರಿಯೋ ತಪ್ಪೊ…..
ಬೆವರೊರೆಸುತ ಸೀಟಿಗೊರಗಿದಳು.
*****

Leave a Reply

 Click this button or press Ctrl+G to toggle between Kannada and English

Your email address will not be published. Required fields are marked *

Previous post ಎಚ್ಚರ!
Next post ಪೂಜೆ ಪ್ರಸಾದ

ಸಣ್ಣ ಕತೆ

  • ಮಿಂಚು

    "ಸಾವಿತ್ರಿ, ಇದು ಏನು? ನನ್ನಾಣೆಯಾಗಿದೆ. ಹೀಗೆ ಮಾಡಬೇಡ! ಇದು ಒಳ್ಳೆಯದಲ್ಲ. ಬಿಡು, ಬಿಡು...! ನಾಲ್ಕು ಜನ ನೋಡಿದರೆ ಏನು ಅಂದಾರು?" ಅನ್ನಲಿ ಏನೇ ಅನ್ನಲಿ ನಾನು ಯಾವ… Read more…

  • ಬಾಳ ಚಕ್ರ ನಿಲ್ಲಲಿಲ್ಲ

    ತಂದೆಯ ಸಾವು ಕುಟುಂಬವನ್ನೇ ಬೀದಿಪಾಲು ಮಾಡಿತು. ಹೊಸಪೇಟೆಯ ಚಪ್ಪರದ ಹಳ್ಳಿಯಲ್ಲಿ ವಾಸವಾಗಿದ್ದ ಇಮಾಮ್ ಸಾಬ್ ಹಾಗೂ ಝೈನಾಬ್ ದಂಪತಿಗಳಿಗೆ ೬ ಹೆಣ್ಣು ಮಕ್ಕಳು, ಒಂದು ಗಂಡು ಮಗು.… Read more…

  • ಕ್ಷಮೆ

    ಸುಂದರರಾಜ್ ಬೆಂಗಳೂರಿನಲ್ಲಿಯೇ ಹುಟ್ಟಿಬೆಳೆದವನು. ಹಾಗಾಗಿ ಅವನು ಕನ್ನಡ ಮಾಧ್ಯಮದಲ್ಲಿಯೇ ವಿಧ್ಯಾಭ್ಯಾಸ ಮಾಡಿ ಮುಂದೆ ಕಾಲೇಜಿನ ದಿನಗಳಲ್ಲಿ ಇಂಗ್ಲೀಷ್ ಮಾಧ್ಯಮದಲ್ಲಿ ಓದಿದ್ದ. ತನ್ನ ಮಾತೃ ಭಾಷೆಯಾದ ತಮಿಳು ಸಾಧಾರಣವಾಗಿ… Read more…

  • ವಿರೇಚನೆ

    ರವಿವಾರ ರಜವೆಂದು ರಾಮರಾವು ಶನಿವಾರ ರಾತ್ರಿಯೇ ಭೇದಿಗೆ ಔಷಧಿ ತೆಗೆದುಕೊಂಡ, ಕೆಲವು ತಿಂಗಳುಗಳಿಂದ ಊಟಕ್ಕೆ ರುಚಿಯಿಲ್ಲ. ತಿಂದದ್ದು ಜೀರ್ಣವಾಗುವುದಿಲ್ಲ. ರಾತ್ರಿ ನಿದ್ರೆ ಬರುವುದಿಲ್ಲ, ಹೊಟ್ಟೆ ಉಬ್ಬುತ್ತಿದೆ, ದೃಷ್ಟಿ… Read more…

  • ಕನಸು ದಿಟವಾಯಿತು

    ಪ್ರಕರಣ ೨ ಸೂರ್ಯೋದಯವಾಯಿತು. ನಿತ್ಯ ಕರ್ಮಗಳನ್ನು ಮುಗಿಸಿಕೊಂಡು ಕಾಫಿ ಸೇವನೆಯನ್ನು ಮಾಡುತ್ತಾ ರಂಗಣ್ಣನು ಹೆಂಡತಿಗೆ ಕನಸಿನ ಸಮಾಚಾರವನ್ನು ತಿಳಿಸಿದನು. ಆಕೆ- ಸರಿ, ಇನ್ನು ಈ ಹುಚ್ಚೊಂದು ನಿಮಗೆ… Read more…