ತಲೆದಿಂಬು
ಹೇರ್ ಪಿನ, ಕ್ಲಿಪ್, ಮನೆಕೀಲಿಕೈ ವಾಚ್, ಪೆನ್, ಪುಸ್ತಕಗಳ ಪಿಸ್ತೋಲ್, ಬ್ಯಾಟರಿ, ಆಭರಣ, ಚಾಕ್ಲೆಟ್ಗಳ - ಮಿನಿ ಲಾಕರ್ ನನ್ನ ತಲೆದಿಂಬು. *****
ಟಚ್
ಮುಟ್ಟಿದ್ದೆಲ್ಲ ಚಿನ್ನ ಆಗುವ ನಿನ್ನ ಟಚ್ ಮಾಯವಾಗಿ ನೋಡಿದ್ದೆಲ್ಲ ವಿಜ್ಞಾನ ಮಾಡಿದ್ದೆಲ್ಲ ಸಂಶೋಧನೆಯಾಗಿ ಎಲ್ಲದಕ್ಕೂ ಕಂಪ್ಯೂಟರ್ ಟಚ್ ಆಗುತ್ತಿದೆಯಲ್ಲ ಮಿಡಾಸ್? *****
ದೇವರಾಣೆ ಮಾಡಿ?
ಪೊರಕೆಯಿಂದ ಟಾಯಿಲೆಟ್ ಬ್ರಷ್‌ವರೆಗೂ - ಬಾಚಣಿಕೆಯಿಂದ ಟೂತ್‌ಬ್ರಷ್‌ವರೆಗೂ- ನಿಮ್ಮನ್ನೂ ನಿಮ್ಮ ಮನೆಯನ್ನೂ ಕ್ಲೀನ್ ಗೊಳಿಸಿದ ನಮ್ಮನ್ನೆಂದಾದರೂ ಕ್ಲೀನ್ ಆಗಿ ಇಟ್ಟಿದ್ದೀರಿಯೆ? ಹೇಳಿ ದೇವರಾಣೆ ಮಾಡಿ? *****
ಅನುಭವಿ (ಟೈಲರ್‍)
ಚೆಲ್ಲಾ ಪಿಲ್ಲಿಯಾಗಿ ಹರಿದುಹೋದ ಮನಸ್ಸುಗಳನ್ನು ಒಂದುಗೂಡಿಸಿ ಹೊಲೆದು ಅಲ್ಲಲ್ಲಿ ಕಲರ್‌ಫುಲ್ ಬಟನ್, ಹೂವುಗಳ ಪ್ಯಾಚ್ ವರ್‍ಕ್ ಮಾಡಿ ಇಸ್ತ್ರಿ ಮಾಡಿಬಿಡುತ್ತಾನೆ. *****
ಬಿಕ್ಷುಕ
ಎದೆಗೂಡಿನೊಳಗೇ ನೋವುಗಳ ಹುಗಿದು ಕನಸುಗಳಿಗೆ ಎಂದೋ ಕಡ್ಡಿಕೊರೆದು ಜೀವಿಸುವ ಆಸೆ ಮರೆತು ಪುಟ್‌ಪಾತ್ ಮೇಲೆ ಪ್ಲಾಸ್ಟಿಕ್ ಕೋಟಿನಲ್ಲಿಯೂ ತೋಯ್ಸಿಕೊಳ್ಳುತ ದೀನನಾಗುತ್ತಾನೆ. *****
ಯೋಧ
ಬಡತನದ ಮಡುವಿಂದ ಕೊಸರಿಕೊಂಡು ಹೋದ ವೀರ - ದೇಶ ರಕ್ಷಿಸಿ ಹೆಂಡತಿ ಮಕ್ಕಳನು ಅನಾಥಿಸಿ ಎಲ್ಲರ ಕಣ್ಣಾಲಿಯಲಿ ತುಂಬಿ ಶ್ರೀಮಂತನಾದ. *****
ಪೆನ್‌ಶನ್‌ದವರು
ಇಂತಿಂತಿಷ್ಟೇ ಔಷದಿಗೆಂದು ಖರ್‍ಚಿಸಿ ಅಷ್ಟಷ್ಟೇ ಉಳಿಸಿಕೊಳ್ಳುತ್ತಾರೆ ನಾಳೆಯ ಊರುಗೋಲು ಕೊಳ್ಳಲು - ನಾಡದ್ದಿನ ಹೊಲಸು ತೊಳೆಯುವವರಿಗೆ ಕೊಡಲು - ನಂತರ, ಹೆಣ ಹೊರುವವರಿಗೊಂದಿಷ್ಟು ಇಟ್ಟು ತರಸ್ಕರಿಸಿಕೊಳ್ಳುವ ಮಕ್ಕಳು ಮೊಮ್ಮಕ್ಕಳಿಂದ ಭಾರವಾಗದೇ ಭೂಮಿ ಸೇರಲು -...
ಉದ್ಯೋಗಿಯ ತೊಳಲಾಟ
ವಿರಹ ಗೀತೆ ಹಾಡಿ ರಂಬೆ - ಊರ್ವಶಿಯಾಗಿ ನನ್ನ ಕನಸುಗಳ ಕೊಲೆ ಮಾಡಬೇಡ ಹೆಚ್ಚಾದರೆ ಹೃದಯವೂ ಒಡೆದೀತು ಜೋಕೆ! *****
ಧೋಬಿ
ತನ್ನೆಲ್ಲಾ ಸಿಟ್ಟು ಬಟ್ಟೆಯ ಮೇಲೆ ಹಾಕಿ ತಿರು ತಿರುವಿ ಕಲ್ಲಿಗೆ ಹೊಡೆದು ಬಿಸಿಲಿಗೆ ಒಣಗಿಸಲು ಹಾಕಿ - ನೀರಿಗೆ ಈಜು ಬಿದ್ದು ಸಮಾಧಾನ ಪಡುವವ - *****
ಡಿಕ್ಷನರಿ
ಎಷ್ಟೊಂದು ದಿನಸಿಗಳು ನಿನ್ನಂಗಡಿಯಲ್ಲಿ ಕೇಳಿದ್ದೆಲ್ಲಾ ಸಿಗುವ ನೋಡಿದ್ದೆಲ್ಲಾ ಬೇಕೆನ್ನುವ ಬಗೆ ಬಗೆಯ ಮೃಷ್ಟಾನ್ನ ಭೋಜನಕೆ ಬಾಯಿ ನೀರೂರಿಸುವ ಲವ್ (ಲವ್) ಲವಿಕೆಯಂತರಂಗದವ. *****