ಗಾಂಜಾ ಡಾಲಿ

ಸಂಚು

ಕಟುಕರನೂ ಕರಗಿಸುವ ಹೂ ನಗು, ಹಾಲು ಕೆನ್ನೆ ಪುಟ್ಟ ಹೆಜ್ಜೆಯ ಬೆಳದಿಂಗಳ ಮಗು: ನಕತ್ರದ ಮಿಂಚು, ಸಾಕ್ಷಾತ್ ದೇವರ ಸಂಚು. *****

ನಿದ್ದೆ

ವರ್ಷಂ ಪ್ರತಿ ಮೆರೆದು ಮೆರೆದು ಸುಸ್ತಾದ ಚಂದ್ರ ಚುಕ್ಕೆಯರು ಮಳೆಗಾಲದಲ್ಲಿ ಮೋಡಿನ ಕರ್ಟನ್‌ ಎಳೆದು ಬೆಚ್ಚಗೆ ಮಲಗಿಬಿಡುತ್ತಾರೆ ಕುಂಭಕರ್ಣನಂತೆ *****

ಮಳೆ

ಮೋಡಿನ ಗರ್ಭಕ್ಕೆ ಸಿಡಿಲಿನ ಚೂರಿ ಇರಿದಿರಬೇಕು ಅದಕ್ಕೆಂದೇ ದಬ ದಬನೆ ನಿಸರ್ಗದ ನೆತ್ತರು ಬಿದ್ದು ಹಿಡಿತಕ್ಕೆ ಬರದೇ ಹರಿದೋಡುತ್ತಿದೆ. *****

ಜಾತ್ರೆ

ಮಳೆಯ ಮರುದಿನ ಇರುವಗಳಿಗೆ ಜಾತ್ರೆಯೋ ಜಾತ್ರೆ ಸತ್ತ ಹುಳುಗಳ ತೇರು ಗೋಡೆಯ ಉದ್ದಗಲ ಎಳೆದೂ ಎಳೆದೂ ಹರಕೆ ತೀರಿಸಿ ಮರುದಿನ ಮಾಯವಾಗಿ ಬಿಡುತ್ತವೆ *****

ದೇಶಪ್ರೇಮ

ದೇಶಪ್ರೇಮ – ಕಾಗದದ ಮೇಲೆ ಚಿತ್ರ ಕೃತಕ ಧ್ವನಿಯ ಹಾಡು ಅಂಗಾಂಗ ಅಲುಗಾಡಿಸುವ ನೃತ್ಯಗಳಾಗದೇ ಧಮನಿ ಧಮನಿಗಳಲ್ಲಿ ಹರಿವ ಉಸಿರಾಗಬೇಕಲ್ಲವೆ? *****

ದುಃಖ

ಒಮ್ಮೊಮ್ಮೆ ಅಡುಗೆ ಮನೆ ಹೀಗೆಯೇ ಏನೋ: ಅಡುಗೆಯನ್ನೂ ಸುಡುತ್ತದೆ ಅಡುಗೆಯವಳ ಮನಸ್ಸನ್ನೂ ಸುಟ್ಟುಬಿಡುತ್ತದೆ. *****