ಪಡುಗಡಲು

ಹೊಡೆ- ಹೊಡೆ – ಹೊಡೆ
ಪಡುಗಡಲಿನ ತೆರೆ
ತಡಿಯೊಡೆಯುವವರೆಗೂ,
ತಡೆ – ತಡೆ – ತಡೆ
ಕಡಲಲೆಗಳ ಹೆಡೆ
ದಡ ಮುಟ್ಟುವವರೆಗೂ.

ನಡೆ – ನಡೆ – ನಡೆ
ಕಡೆದೆಬ್ಬಿಸುತಲೆ
ಮುಗಿಲಪ್ಪುವವರೆಗೂ,
ಕಡೆ – ಕಡೆ – ಕಡೆ
ಕಡೆದುಬ್ಬಿಸು ತೆರೆ
ನೊರೆಯಾಗುವವರೆಗೂ.

ಮಡು – ಮಡು – ಮಡು
ಬಡಿವಾರದ ನೊರೆ
ಕುಣಿದಾಡುವ ಸೆರಗು,
ಪಳ – ಪಳ – ಪಳ
ಥಳ ಥಳಿಸುವ ನೊರೆ
ಪರೆ ಕಳಚುವವರೆಗೂ.

ಸುಡು – ಸುಡು – ಸುಡು
ರವಿಯುರಿಯುತಲಿ
ಅಡಿ ಮುಟ್ಟುವವರೆಗೂ,
ಬುಳು – ಬುಳು – ಬುಳು
ಕಡಲಂಚಿನ ಕಿರಿ
ಒಯ್ಯಲಿನೆದೆ ಬುರುಗು.

ಉರಿ – ಉರಿ – ಉರಿ
ಕೆನ್ನಾಲಗೆಯುರಿ
ಕಡಲಾ ಕೊನೆವರೆಗೂ,
ಅಲೆ – ಅಲೆ – ಅಲೆ
ಉರಿ ಹೊತ್ತಿರೆ
ಸಾಗರ-ಸುಡುತರಗು.

ಸಿರಿ – ಸಿರಿ – ಸಿರಿ
ಕೆಂಬಣ್ಣದ ಸಿರಿ
ಮುಗಿಲಂಚಿನವರೆಗೂ,
ಕರಿ – ಕರಿ – ಕರಿ
ಕರಿ ಸೀರೆಯ ನಿರಿ
ಇರುಳಿಳಿಯುವವರೆಗೂ.

ಧಗೆ – ಧಗೆ – ಧಗೆ
ಎಲ್ಲೆಲ್ಲಿಯು ಹೊಗೆ
ಗಾಳಿಯ ಸುಳಿ ಸೆರಗು
ಮೊಗೆ – ಮೊಗೆ – ಮೊಗೆ
ಮೊಗೆ ನೀರಿನ ಹನಿ
ಮೈ ಮುಚ್ಚುವವರೆಗೂ.

ಸಿಡಿ – ಸಿಡಿ – ಸಿಡಿ
ಸಿಡಿಲಂತಕನೊಲು
ಮುಡಿಯುರುಳುವವರೆಗೂ,
ಬಡಿ – ಬಡಿ – ಬಡಿ
ಭೋರ್ಗರೆಯುತ ನಡಿ
-ಅಡಿಗೆರಗುವವರೆಗೂ.
*****

Leave a Reply

 Click this button or press Ctrl+G to toggle between Kannada and English

Your email address will not be published. Required fields are marked *

Previous post ಇನ್ನೊಬ್ಬ
Next post ಸೂರ್ಯ ಸುಡಲಾರ

ಸಣ್ಣ ಕತೆ

  • ರಣಹದ್ದುಗಳು

    ಗರ್ಭಿಣಿಯರ ನೋವು ಚೀರಾಟಗಳಿಗೆ ಡಾಕ್ಟರ್ ಸರಳಾಳ ಕಿವಿಗಳೆಂದೋ ಕಿವುಡಾಗಿ ಬಿಟ್ಟಿವೆ. ಸರಳ ಮಾಮೂಲಿ ಎಂಬಂತೆ ಆ ಹಳ್ಳಿ ಹೆಂಗಸರನ್ನು ಪರೀಕ್ಷಿಸಿದ್ದಳು. ಹೆಂಗಸು ಹೆಲ್ತಿಯಾಗಿದ್ದರೂ ಒಂದಷ್ಟು ವೀಕ್ ಇದ್ದಾಳೇಂತ… Read more…

  • ಸಾವಿಗೊಂದು ಸ್ಮಾರಕ

    ಶಾಲೆಯ ಮಾಸ್ತರ್ ಆಗಿ ಗಜರಾಜ ಸಿಂಗ್ ಅವರು ಪ್ರೈಮರಿ ಶಾಲೆಯ ಮಕ್ಕಳಿಗೆ ಹೇಳಿಕೊಡುತ್ತಿದ್ದ ಮೊದಲ ಪಾಠವೆಂದರೆ "ತಂದೆ ತಾಯಿಯನ್ನು ಗೌರವಿಸಿ, ಅವರೇ ನಿಮ್ಮ ಪಾಲಿನ ದೈವ" ಎಂದು.… Read more…

  • ಮೇಷ್ಟ್ರು ವೆಂಕಟಸುಬ್ಬಯ್ಯ

    ಪ್ರಕರಣ ೧೨ ಜನಾರ್ದನಪುರಕ್ಕೆ ರಂಗಣ್ಣ ಹಿಂದಿರುಗಿದ್ದಾಯಿತು. ತಿಮ್ಮರಾಯಪ್ಪ ಹೇಳಿ ಕೊಟ್ಟಿದ್ದ ಹಾಗೆ ಕಲ್ಲೇಗೌಡರಿಗೆ ಕಾಗದಗಳನ್ನು ಬರೆದದ್ದೂ ಆಯಿತು. ಕಡೆಗೆ ರಿಜಿಸ್ಟರ್ಡ್ ಕಾಗದವನ್ನೂ ಅದಕ್ಕೆ ಒಂದು ಜ್ಞಾಪಕದೋಲೆಯನ್ನೂ ಕಳಿಸಿದ್ದಾಯಿತು.… Read more…

  • ಸಂಶೋಧನೆ

    ವೇಣುಗೋಪಾಲನ ಜೀವನ ಬೆಳಗು ರಾತ್ರಿಗಳಂತೆ ಒಂದೇ ಮಾಂತ್ರಿಕತೆಗೆ ಹೊಂದಿಕೊಂಡಿತ್ತು. ಬೆಳಿಗ್ಗೆ ಏಳುವುದು ನೈಸರ್ಗಿಕ ವಿಧಿಗಳಿಂದ ಮುಕ್ತನಾಗಿ ಕಾಫಿ ಕುಡಿಯುತ್ತಾ ಅಂದಿನ ದಿನಪತ್ರಿಕೆ ಓದುವುದು, ಓದಿದ್ದರ ಬಗ್ಗೆ ಚಿಂತಿಸುತ್ತಾ… Read more…

  • ಕಂಬದಹಳ್ಳಿಗೆ ಭೇಟಿ

    ಪ್ರಕರಣ ೪ ಮಾರನೆಯ ದಿನ ಪ್ರಾತಃಕಾಲ ಆರು ಗಂಟೆಗೆಲ್ಲ ರಂಗಣ್ಣನು ಸ್ನಾನಾದಿ ನಿತ್ಯ ಕರ್ಮಗಳನ್ನು ಮುಗಿಸಿಕೊಂಡು ಉಡುಪುಗಳನ್ನು ಧರಿಸುವುದಕ್ಕೆ ತೊಡಗಿದನು, ಬೈಸ್ಕಲ್ ಮೇಲೆ ಪ್ರಯಾಣ ಮಾಡಬೇಕಾದ್ದರಿಂದ ಸರ್ಜ್‍ಸೂಟು… Read more…