ಫ್ಹರ್ ಕೋಟು

ಸಿನೇಮಗಳಲಿ ನೋಡಿದಂತೆಯೇ
ಪುಸ್ತಕಗಳಲಿ ಓದಿದಂತೆಯೇ
ಅಷ್ಟೇ ಏಕೆ ನಿನ್ನೆಯೇ
ಸ್ಟಾರ್ ಹೊಟೆಲೊಂದರಲಿ
ಆ ಗುಲಾಬಿ ಹುಡುಗಿಯರು
ಕೋಟು ತೊಟ್ಟು ಅದರ ಬಾಲ
ಕೊರಳಿಗೆ ಸುತ್ತಿಕೊಂಡಂತೆಯೇ
ಕಂಡೆ ನಾನೊಂದು ಅಚ್ಚ ಬಿಳಿಯ
ಫ್ಹರ್ ಕೋಟು
ಗಡಗಡ ಚಳಿಯ ಒಂದು ಸಂಜೆ
ಪ್ಯಾರಿಸ್ ಶಾಪಿಂಗ ಮಾಲಿನ ಗ್ಲಾಸಿನೊಳಗಿಂದ
ಒಂದು ಕೊಳ್ಳಬಹುದಾದರೆ-ಹೀಗೆ ಆಸೆ.

ಮೆಲ್ಲನೆ ಒಳನುಗ್ಗಿ ಒಂದು ಮತ್ತೊಂದು
ಇನ್ನೊಂದು ನೋಡಿದ್ದೇ ನೋಡಿದ್ದು
ಫ್ರೆಂಚ್ ಸೇಲ್ಸ್ ಮನ್ ನಗುಮೊಗದಿ
ಮಾತನಾಡಿಸುತ ಏನೇನೋ ಹೇಳುತ್ತಲೇ ಇದ್ದ
ಅವನ ಭಾಷೆ ನನಗೆ ಗೊತ್ತಿಲ್ಲ
ಇಂಗ್ಲೀಷ್ ವಿರೋಧಿ; ಕೈಸನ್ನೆ ಬಾಯಿಸನ್ನೆ
ಭಾರತೀಯರಿವರೇನು ಕೊಂಡಾರು!
ಬಹುಷಃ ಸಂಶಯ…..

ಕೇಳಿದೆ
ಯಾವ ಯಾವ ಪ್ರಾಣಿಗಳ
ತುಪ್ಪಳಗಳಿರಬೇಕಿವು
ಮುಟ್ಟಿದರೆ ನುಣುಪು ಕೈಗೆ ಕಚಗುಳಿ
ಅದೆಂಥಾ ರೇಶ್ಮೆ ಅದೆಂಥಾ ಮಕ್ಮಲ್
ಏನಿದರಬೆಲೆ ಏನದರಬೆಲೆ
ಡಾಲರ್ ರೇಟ್ ತೋರಿಸಿ
ಕ್ಯಾಲಕ್ಯೂಲೇಟರ್ದಲ್ಲಿ
ಎರಡು ಲಕ್ಷದಿಂದ ಎರಡು ಕೋಟಿವರೆಗೂ…..
ಕೇಳಿ ಬಾಯಿಮುಚ್ಚಿ
ಆ ಚಳಿಯಲ್ಲೂ ಬೆವೆತು ಬೆಪ್ಪಾದೆ.

‘ಪ್ರಾಣಿಹಿಂಸೆಗೆ ದಿಕ್ಕಾರ
ಪ್ರೀತಿ ಕರುಣೆ ಇರಲಿ’ ಬರೆದೆ
ಮಾಲಿಕನ ರಸೀದಿಪ್ಯಾಡ್ ಮೇಲೆ….
ಅರ್ಥ ಕೇಳಿ ನಕ್ಕ
ಹೀಗೆಂದರೆ ಹಾಗೆ ಹಾಗೆಂದರೆ ಹೀಗೆ
ನೀವು ಲೆಕ್ಖಾಚಾರದ ಭಾರತೀಯರೆಂದ….

ಏರ್ ಫ್ರಾನ್ಸ್ದ ಫಸ್ಟ್ ಕ್ಲಾಸ ಪ್ಯಾಸೆಂಜರ್ ನಾನೀಗ
ನಾಲ್ಕಾರು ತಾಸುಗಳು ಪುಕ್ಕಟೆಯಾಗಿ ಸಿಕ್ಕ
ಫ್ಹರ್ ಹೊದಿಕೆ ಹೊದ್ದು ಮಜ ತೆಗೆದುಕೊಂಡದ್ದು
ಎಲ್ಲವೂ ಲೆಕ್ಖಾಚಾರ
ನಕ್ಕು ಮತ್ತೆ ಸೀಟಿಗೊರಗಿದೆ.
*****

Leave a Reply

 Click this button or press Ctrl+G to toggle between Kannada and English

Your email address will not be published. Required fields are marked *

Previous post ಮಧುಚಂದ್ರ
Next post ಮಾವ – ಅಳಿಯ

ಸಣ್ಣ ಕತೆ

  • ಕೂನನ ಮಗಳು ಕೆಂಚಿಯೂ….

    ಬೊಮ್ಮನಹಳ್ಳಿ ಸಂತೆಯಿಂದ ದಲ್ಲಾಳಿಗೆ ಸಂಚಾಗಾರ ಎಂದು ನೂರು ರೂಪಾಯಿ ಸೇರಿ ಒಂದು ಸಾವಿರದ ಒಂದುನೂರು ಕೊಟ್ಟು ತಂದ ’ಚೆನ್ನಿ’ಕರುಹಾಕಿ ಮೂರು ತಿಂಗಳಲ್ಲಿ ಕೊಟ್ಟಿಗೆಯೊಳಗೆ ಕಾಲು ಜಾರಿ ಬಿದ್ದದ್ದೆ… Read more…

  • ನಿರೀಕ್ಷೆ

    ಆ ಹಣ್ಣು ಮುದುಕ ಎಲ್ಲಿಂದ ಬರುತ್ತಾನೆ, ಎಲ್ಲಿಗೆ ಹೋಗುತ್ತಾನೆ ಎಂದು ಯಾರಿಗೂ ತಿಳಿಯದು. ಆದರೆ ಎಲ್ಲರೂ ಅವನನ್ನು ಕಲ್ಲು ಬೆಂಚಿನ ಮುದುಕ ಎಂದೇ ಕರೆಯುತ್ತಾರೆ. ಪ್ರೈಮರಿ ಶಾಲೆಯ… Read more…

  • ಆಮಿಷ

    ರಮಾ ಕುರ್ಚಿಯನ್ನೊರಗಿ ಕುಳಿತಿದ್ದಳು. ದುಃಖವೇ ಮೂರ್ತಿವೆತ್ತಂತೆ ಕುಳಿತಿದ್ದ ಅವಳ ಹೃದಯದಲ್ಲಿ ಭೀಕರ ಕೋಲಾಹಲ ನಡೆದಿತ್ತು. ಕಣ್ಣುಗಳು ಆಳಕ್ಕಿಳಿದಿದ್ದವು. ದೇಹದ ಅಣು ಅಣುವೂ ನೋವಿನಿಂದ ಮಿಡಿಯುತ್ತಿತ್ತು. "ತಾನೇಕೆ ದುಡುಕಿಬಿಟ್ಟೆ?… Read more…

  • ಅಜ್ಜಿ-ಮೊಮ್ಮಗ

    ಅಜ್ಜವಿ-ಮೊಮ್ಮಗ ಇದ್ರು. ಅವ ಅಜ್ಜವಿಕಲ್ ಯೇನೆಂದ? "ತಾನು ಕಾಶಿಗೆ ಹೋಗಬತ್ತೆ. ಮೂರ ರೊಟ್ಟಿ ಸುಟಕೊಡು" ಅಂತ. "ಮಗನೇ, ಕಾಶಿಗೆ ಹೋದವರವರೆ, ಹೋದೋರ ಬಂದೋರಿಲ್ಲ. ನೀ ಕಾಶಿಗೆ ಹೋಗ್ವದೆ… Read more…

  • ಶಾಕಿಂಗ್ ಪ್ರೇಮ ಪ್ರಕರಣ

    ಅವನು ಅವಳನ್ನು ದಿನವೂ ತಪ್ಪದೇ ನೋಡುತ್ತಿದ್ದ. ಅವಳು ಕಾಲೇಜಿಗೆ ಹೋಗುವ ಹೊತ್ತಿಗೆ ಅವಳನ್ನು ಹಿಂಬಾಲಿಸುತ್ತಿದ್ದ. ಕಾಲೇಜು ಬಿಡುವ ಹೊತ್ತಿಗೆ ಗೇಟಿನ ಎದುರು ಕಾದು ನಿಂತು ಮತ್ತೆ ಹಿಂಬಾಲಿಸುತ್ತಿದ್ದ.… Read more…

cheap jordans|wholesale air max|wholesale jordans|wholesale jewelry|wholesale jerseys