ಹೆಂಡತಿಯ ಮಾತ ಕೇಳಿದರೆ
ಒಮ್ಮೊಮ್ಮೆ ಒಳ್ಳೆಯದೇ ಆಗುವುದು|
ಅಗಾಗ ಅವಳಿಗೂ ಗಂಡ
ನಾ ಹೇಳಿದಮಾತ ಕೇಳುವನೆಂಬ
ನಂಬಿಕೆಯಲೆ ಜೀವನ ಸಾಗುವುದು||
ವಾರಕ್ಕೊಮ್ಮೆ ಸಂತೆ ಮಾಡೆಂದರೆ
ಜೇಬಿಗೆ ಲಾಭವೇ ತಾನೆ|
ತಿಂಗಳಿಗೊಮ್ಮೆ ಮನೆ ಸಾಮಾನು
ತರಬೇಕೆಂದರೆ ಒಳ್ಳೆಯದೇ ತಾನೆ|
ದಿನವು ನೀವು ಶೆವ್ ಮಾಡಿ
ತಿಂಗಳಿಗೊಮ್ಮೆ ಹೇರ್‌ಕಟ್ ಮಾಡಿಸಿ
ಹೆರ್‌ಡೈ ಮಾಡಿಸೆಂದರೆ ನೀನು
ಚೆನ್ನಾಗಿಯೆ ಕಾಣುತ್ತೀಯತಾನೆ||
ತಿಂಗಳಿಗೊಂದು ಸಿನೆಮಾ ಬಯಸಿ
ವರ್ಷಕ್ಕೊಂದು ಸೀರೆ ಆಶಿಸಿದರೆ
ತಪ್ಪೇನಿಲ್ಲಾ ತಾನೆ|
ಆದರೆ ವರ್ಷಕ್ಕೊಂದು ಚಿನ್ನದ
ಚೀಟಿ ಹಾಕೆಂದರೆ ಲಾಭವೊ
ನಷ್ಟವೊ ನಾ ಕಾಣೆ|
ಆಗಾಗ ತೌರಿಗೆ ಹೋಗುವೆನೆಂದರೆ
ಆಟೊ ಹತ್ತಿಸಿ ಬಸ್ ದರ ಕೈಯಲ್ಲಿರಿಸಿದರೆ
ನಮಗೂ ಸ್ವಲ ಕಿರಿಕಿರಿ ಕಡಿಮೆತಾನೆ||
ಸಾಲ ಮಾಡಿಯಾದರೂ ಸೈಟ್
ಮಾಡಿಯೆಂದರೆ ಮುಂದೆ ಒಳ್ಳೆಯದೆ ತಾನೆ|
ಮಗನ ಯಾವಾಗಲು ಬೈಯುತಾ
ಮಗಳ ಬರೀ ಮುದ್ದಿಸುವುದು
ಸರಿಯಲ್ಲವೆನ್ನುವುದು ಮಗಳ ಒಳ್ಳೆಯದಕೆ ತಾನೆ|
ಬರ್ರೀ ಬೇರೆಯವರ ಉಸಾಬರಿ ನಿಮಗೇತಕೆ
ಎನ್ನುವುದ ನಮ್ಮಯ ಸೇಪ್ಟಿಗೆತಾನೆ||
*****
