ಅಮ್ಮಾ ನಿನ್ನ ಮಾತಿನಲ್ಲಿ ಏನೋ
ಮಧುರ ಮಮತೆ ತುಂಬಿದೆ|
ಹೇಳಲಾರದ ಅದೇನೋ ಪ್ರೀತಿ ಕರುಣೆ
ಸಹಾನುಭೂತಿ ಸೆಳೆದು
ನಮ್ಮಿಬ್ಬರನು ಬಂಧಿಸಿ
ನನ್ನ ಮಂತ್ರಮುಗ್ಧನಾಗಿಸಿದೆ||
ಅಮ್ಮಾ ನಿನ್ನಾ ಕೈಯಲೆಂತಹ
ಮಂತ್ರಶಕ್ತಿ ಅಡಗಿದೆ|
ನೀನು ಹರಸಿದರೆ ಅದೆಂತಹ
ಕಷ್ಟ ಕೆಲಸವಿದ್ದರುನೂ
ನಿರಾಯಾಸವಾಗಿ ಸಫಲವಾಗುತ್ತದೆ||
ಅಮ್ಮಾನಿನ್ನ ಮುಖಕಮಲದಲ್ಲಿ
ಎಂಥಹ ಕಾಂತಿ ತುಂಬಿದೆ|
ಏನೇ ನೋವು ಇದ್ದರೂನು
ನಿನ್ನ ನೋಡಲೆಲ್ಲ ಅಳಿಸಿ
ಮಾಯವಾಗುತ್ತದೆ||
ಅಮ್ಮಾ ನಿನ್ನ ಹೃದಯಲೆಂತಹ
ಪ್ರೀತಿ ಮಮತೆ ತುಂಬಿದೆ|
ನಿನ್ನಜೊತೆ ಎರಡು ಮಾತನಾಡಲೊಮ್ಮೆ
ಹರ್ಷಾನುಭಾವ ತುಂಬುತ್ತದೆ||
ಅಮ್ಮಾ ನಿನ್ನ ಮಡಿಲಲೆಂತಹ
ಶಾಂತಿ ಭಾವ ತುಂಬಿದೆ|
ನಿನ್ನ ತೊಡೆಯ ಮೇಲೆ ತಲೆಯನಿಟ್ಟು
ಮಲಗಲದುವೆ ಮಗುವಾಗಿ ನಿದ್ದೆಗೈಯ್ಯುವೆ||
ಅಮ್ಮಾ ನಿನ್ನ ಕರುಳಲೆಂತ
ವಾತ್ಸಲ್ಯ ಸೆಳೆತ ತುಂಬಿದೆ|
ನನಗೆ ಸ್ವಲ್ಪ ನೋವಾದರೂನು
ನಿನಗೆ ದುಃಖ ಉಕ್ಕಿಬರುತದೆ|
ನಿನಗೂ ನೋವಾದರೂನು
ನನಗೂ ಸಂಕಟವಾಗುತ್ತದೆ||
*****
