ಮರೆತು ಬಿಡು
ಇರುವ ನೆನಪುಗಳನೆಲ್ಲಾ
ಗಂಟುಕಟ್ಟಿ ಎಸೆದು ಬಿಡು
ತೇಲಿ ಹೋಗಲಿ ಸಪ್ತ
ಸಮುದ್ರಗಳ ತೀರ ದಾಟಿ
ತೂರಿ ಬಿಡು
ಬರೆದ ಓಲೆಯನೆಲ್ಲಾ
ಹರಿದು ಚೂರು ಚೂರು
ಹಾರಿಹೋಗಲಿ ಊರು
ಕೇರಿಗಳ ಎಲ್ಲೆ ಮೀರಿ
ಸುಟ್ಬುಬಿಡು
ಕಳೆದ ದಿನಗಳನೆಲ್ಲಾ
ಒಟ್ಟು ಕಟ್ಟಿಗೆಯಿಟ್ಬು
ಬೆರೆತು ಹೋಗಲಿ ಬೂದಿ
ಗಾಳಿಯಲಿ ತೇಲಿ ತೇಲಿ
ನಿಂತು ಬಿಡು
ಒಲವ ಶಿಲೆಯಾಗಿ
ಗೊಮ್ಮಟನಂತೆ
ಇರಲಿ ಸುಖವಾಗಿ ನಿನ್ನಿನಿಯಳು
ತನ್ನಿನಿಯನಿಚ್ಛೆಯಂತೆ!
*****
ಪೇದೆ ಪ್ರಭಾಕರ ಫೈಲುಗಳನ್ನು ನನ್ನ ಟೇಬಲ್ ಮೇಲೆ ಇಟ್ಟು, ‘ಸರ್ ಸಾಹೇಬರು ನಿಮ್ಮನ್ನು ಕರೆಯುತ್ತಿದ್ದಾರೆ’ ಎಂದು ಹೇಳಿ ಮಾಮೂಲಿನಂತೆ ಹೊರಟು ಹೋದ. ಸಮಯ ನೋಡಿದೆ. ೧೦:೩೦ ಗಂಟೆ.… Read more…
ಇದು ಎರಡು ಪರಿವಾರದ ಕತೆ. ಒಂದು ಹಕ್ಕಿ ಪರಿವಾರ, ಇನ್ನೊಂದು ಮನುಷ್ಯ ಪರಿವಾರದ್ದು. ಒಂದು ಸುಂದರ ತೋಟ; ವಿಧವಿಧದ ಗಿಡ ಮರಗಳು; ಅವುಗಳ ಕವಲು ಬಿಟ್ಟ ರೆಂಬೆಗಳಲ್ಲಿ… Read more…
ಎಂದಿನಂತೆ ಬೆಳಿಗ್ಗೆ ಮಾಮೂಲಿ ಸಮಯಕ್ಕೆ ಎಚ್ಚರವಾದರೂ, ಎಂದಿನ ಉಲ್ಲಾಸ ನನ್ನಲ್ಲಿರಲಿಲ್ಲ. ತಿರುಗುತ್ತಿರುವ ಫ್ಯಾನಿನತ್ತ ದೃಷ್ಟಿ ಇಟ್ಟು ಮಲಗಿಕೊಂಡೇ ಆಲೋಚನೆ ಮಾಡುತ್ತಿದ್ದೆ. ನಿನ್ನೆ ತಾನೇ ಸರಕಾರಿ ಕೆಲಸದಿಂದ ನಿವೃತ್ತಿಯಾಗಿ… Read more…
ಬೀದಿ ಬದಿಯ ಪುಸ್ತಕದ ಅಂಗಡಿ ಪ್ರಭಾಕರನನ್ನು ಅರಿಯದವರು ಬಹಳ ವಿರಳ. ತಳ್ಳೋ ಗಾಡಿಯ ಮೇಲೆ ದೊಡ್ಡ ಟ್ರಂಕನ್ನಿಟ್ಟು ನಿಧಾನವಾಗಿ ತಳ್ಳಿಕೊಂಡು ಬರುವ ಪ್ರಭಾಕರ ಕೆನರಾ ಬ್ಯಾಂಕಿನ ರಸ್ತೆಬದಿ… Read more…
೧೯೯೧ರಲ್ಲಿ ನಾ ವಿಭಾಗೀಯ ಸಾರಿಗೆ ಅಧಿಕಾರಿ ಎಂದು ಬಡ್ತಿ ಹೊಂದಿದೆ! ಇಷ್ಟಕ್ಕೆ ಕೆಲವರು ಹೊಟ್ಟೆ ಉರಿ ಬಿದ್ದರು. ಪ್ರಾಮಾಣಿಕರು, ಶೋಷಿತರು, ವಂಚಿತರು, ಪಾಪದವರು, ಮುಂದೆ ಬರಲಿ ಎಂಬ… Read more…
