ಸಹಬಾಳ್ವೆ

ಹೊಸ ಮನೆಗೆ ಬಂದು ಒಕ್ಕಲಾದಾಗ
ಅದ್ಯಾವುದು ಇಲ್ಲವೆಂದು ಸಂತೋಷವೋ ಸಂತೋಷ
ದಿನಕಳೆದಂತೆ ಗೋಡೆಗಳ ಮೇಲೆ ಅಲ್ಲಲ್ಲಿ ಗೋಚರಿಸಿ ಹಲ್ಲಿ
ಅಡಿಗೆಮನೆ, ದೇವರ ಮನೆಯಲ್ಲಿ ಇಲಿಮರಿಯ ತರಲೆ
ಎಲ್ಲಿ ನೋಡಿದರಲ್ಲಿ ದಾಂಡಿಗ ಜಿರಲೆ
ಮರದ ಸೊಂದಿಗಳಲ್ಲಿ, ಒರಲೆ, ಆಗಾಗ ಸಾಲುಗಟ್ಟುವ ಇರುವೆ
ಇವಿಷ್ಟು ಸಾಲದೆಂಬಂತೆ ಈಗ ಮನೆಯ ಸೋಪಾಗಳ ಮೇಲೆ
ಝಂಡಾ ಹೊಡೆದಿದೆ ಒಂದು
ಪುಟ್ಟ ಬೆಕ್ಕು ಅಬ್ಬಾ ಅದಕ್ಕೂ ಎಷ್ಟು ಸೊಕ್ಕು?
ಆಗ ನಾವಂದುಕೊಂಡಿದ್ದೆವು ಈ ಮನೆಯೆಲ್ಲ ನಮ್ಮದು;
ಅವೂ ಹಾಗೆಯೇ ಅಂದುಕೊಂಡುಬಿಟ್ಟಿದ್ದಾವೆ ಈಗ.
*****

ಕೀಲಿಕರಣ : ಕಿಶೋರ್ ಚಂದ್ರ

Leave a Reply

 Click this button or press Ctrl+G to toggle between Kannada and English

Your email address will not be published. Required fields are marked *

Previous post ಸೃಷ್ಟಿ ಚಿಮ್ಮಿದೆ !
Next post ಅಮೃತಕೆ – ಮಂಥನ

ಸಣ್ಣ ಕತೆ