ಶಾಂತಿಗಾಗಿ ಹಂಬಲ

ಬಾಂಬು ಭಯೋತ್ಪಾದನೆಯ ಸದ್ದುಗಳು
ಇಲ್ಲಿ ಕೇಳಿಸದೇ ಕಾಣಿಸದೇ ಹೋದರೂ
ಮನೆಗೆ ಬಂದು ಬೀಳುತ್ತವೆ
ಪತ್ರಿಕಾ ಸುದ್ದಿಗಳು, ಟಿ.ವಿ. ಚಿತ್ರಗಳು
ಮುಗಿಲುದ್ದ ಬಾಂಬುಗಳ ಹೊಗೆ
ನೆಲತುಂಬ ಸಾವು ನೋವುಗಳ ಆಕ್ರಂದನ
ಅಮಾಯಕರ ಗೋಳಾಟ
ತುಂಡು ತುಂಡಾದವರ ನರಕಯಾತನೆ
ತಲೆ ತುಂಬ ಭಾರ
ಮನಸ್ಸಿಗೆ ಕಿರಿ ಕಿರಿ ಅಶಾಂತಿ

ಬಾಂಬ್ ಭಯೋತ್ಪಾದನೆ ವಿರೋಧಿಗಾಗಲಿ
ಶಾಂತಿ ಪ್ರಿಯತೆಯ ಬಗೆಗಾಗಲಿ
ಒಂದಿಷ್ಟು ಬರೆದು ಭಯೋತ್ಪಾದಕರಿಗೆ ತಲುಪಿಸಬೇಕೆನ್ನುತ್ತೇನೆ
ಮನೆಯ ತಾರಸಿಯ ಮೇಲೆ ಹೋಗಿ
ಪಾರಿವಾಳಗಳನು ಹಾರಿಸಿಬಿಡುತ್ತೇನೆ
ಪಕ್ಕದ ಮನೆಯಲ್ಲೂ ಗುಟುರು ಹಾಕುತ್ತ
ಕುಳಿತ ಪಾರಿವಾಳಗಳಿಗೂ ಶಾಂತಿ ಸಂದೇಶ
ಕೊಟ್ಟು ಬಿಳಿಯ ದುಪಟ್ಟ
ಅವುಗಳೆಡೆಗೆ ಬೀಸಿ ಹಾರಿಸಿಬಿಟ್ಟು
ಹೃದಯ ಹಗುರವಾಗಿ ಬರೆಯಲು
ಇಳಿದು ಬರುತ್ತೇನೆ.

ದೂರದಲ್ಲೆಲ್ಲಿಂದಲೋ ’ಢಮಾರ್’ ಶಬ್ದ
ಬೆಚ್ಚಿಬಿದ್ದು ಕಿಟಕಿ ಬಾಗಿಲು ತೆರೆದರೆ

ಪಾರಿವಾಳಗಳು ಪಟಪಟನೆ ರೆಕ್ಕೆ ಬಡಿಯುತ
ಒಂದಿಷ್ಟು ಉರುಳಿಬೀಳುತ್ತಿವೆ
ಉಳಿದವು ರಕ್ತ ಚೆಲ್ಲುತ ನೆರಳಿ
ಮತ್ತೆ ತಾರಸಿಗೆ ಬರುತ್ತಿವೆ.
ಅರೆರೆ ! ನಮ್ಮ ನಡುವೆಯೂ, ಸುತ್ತಲೂ
ಭಯೋತ್ಪಾದಕರೆ, ಜೇಬಿನಲಿ
ನೀಲಿ ಪೆನ್ನಿನ ಬದಲು ಚಾಕು ಚೂರಿ ಪಿಸ್ತೂಲುಗಳೆ?

ಇನ್ನೇನು ಬರೆಯಲಿ, ಎದೆ ತುಂಬ ಕಣ್ಣೀರು
ಆದರೂ ಬರೆಯುತ್ತೇನೆ
ಶಾಂತಿಗಾಗಿ ಹಂಬಲಿಸುತ್ತೇನೆ.
*****
ಪುಸ್ತಕ: ಇರುವಿಕೆ

Leave a Reply

 Click this button or press Ctrl+G to toggle between Kannada and English

Your email address will not be published. Required fields are marked *

Previous post ಕೃತಕ ವನ
Next post ನಿನಗಾಗೇ ಈ ಹಾಡುಗಳು

ಸಣ್ಣ ಕತೆ

  • ರಣಹದ್ದುಗಳು

    ಗರ್ಭಿಣಿಯರ ನೋವು ಚೀರಾಟಗಳಿಗೆ ಡಾಕ್ಟರ್ ಸರಳಾಳ ಕಿವಿಗಳೆಂದೋ ಕಿವುಡಾಗಿ ಬಿಟ್ಟಿವೆ. ಸರಳ ಮಾಮೂಲಿ ಎಂಬಂತೆ ಆ ಹಳ್ಳಿ ಹೆಂಗಸರನ್ನು ಪರೀಕ್ಷಿಸಿದ್ದಳು. ಹೆಂಗಸು ಹೆಲ್ತಿಯಾಗಿದ್ದರೂ ಒಂದಷ್ಟು ವೀಕ್ ಇದ್ದಾಳೇಂತ… Read more…

  • ಹುಟ್ಟು

    ಶಾದಿ ಮಹಲ್‌ನ ಒಳ ಆವರಣದಲ್ಲಿ ದೊಡ್ಡ ಹಾಲ್‌ನಲ್ಲಿ ಹೆಂಗಸರೆಲ್ಲಾ ಸೇರಿದ್ದರು. ಹೊರಗಡೆ ಹಾಕಿದ್ದ ಶಾಮಿಯಾನದಲ್ಲಿ ಗಂಡಸರು ನೆರೆದಿದ್ದರು. ಒಂದು ಕಡೆಯ ಎತ್ತರವಾದ ವೇದಿಕೆಯ ಮೇಲೆ ಮದುವೆ ಗಂಡು,… Read more…

  • ಮೌನವು ಮುದ್ದಿಗಾಗಿ!

    ಮೋಹನರಾಯರು ರಗ್ಗಿನ ಮಸಕು ತೆಗೆದು ಸುತ್ತಲೂ ನೋಡಲು ಇನ್ನೂ ಎಲ್ಲವೂ ಶಾಂತವಾಗಿಯೇ ಇದ್ದಿತು. ಬೆಳಗಿನ ಜಾವವು ಜಾರಿ, ಸೂರ್ಯನು ಮೇಲಕ್ಕೇರಿದುದು ಅವರಿಗೆ ಅರಿವೇ ಇರಲಿಲ್ಲ. ಅಷ್ಟು ಗಾಢ… Read more…

  • ಶಾಕಿಂಗ್ ಪ್ರೇಮ ಪ್ರಕರಣ

    ಅವನು ಅವಳನ್ನು ದಿನವೂ ತಪ್ಪದೇ ನೋಡುತ್ತಿದ್ದ. ಅವಳು ಕಾಲೇಜಿಗೆ ಹೋಗುವ ಹೊತ್ತಿಗೆ ಅವಳನ್ನು ಹಿಂಬಾಲಿಸುತ್ತಿದ್ದ. ಕಾಲೇಜು ಬಿಡುವ ಹೊತ್ತಿಗೆ ಗೇಟಿನ ಎದುರು ಕಾದು ನಿಂತು ಮತ್ತೆ ಹಿಂಬಾಲಿಸುತ್ತಿದ್ದ.… Read more…

  • ಹೃದಯದ ತೀರ್ಪು

    ಬೆಳಿಗ್ಗೆ ಏಳು ಗಂಟೆಯ ಹೊತ್ತಿಗೆ ತಿಂಡಿ ಕೂಡ ಮಾಡದೆ ಹೊರ ಹೋಗುತ್ತಿದ್ದ ಯೂಸುಫ್, ಮಧ್ಯಾಹ್ನ ಮಾತ್ರ ಮನೆಯಲ್ಲಿ ಉಣ್ಣುತ್ತಿದ್ದ. ರಾತ್ರಿಯ ಊಟ ಅವನ ತಾಯಿಯ ಮನೆಯಲ್ಲಿ. ತಾಯಿಯ… Read more…

cheap jordans|wholesale air max|wholesale jordans|wholesale jewelry|wholesale jerseys