ಮಳೆಯ ಮುದುಕನ ದೂಕಿ ಚಳಿಯ ಮುದಿಕಿಯ ನೂಕಿ
ಪಂಚಮಿಯ ಹೊಸಹುಡಿಗಿ ಬಂದಳಲ್ಲೊ
ಭರಭಽರ ಜೋಕಾಲಿ ಸರಭಽರ ಹೊಸಬಗರಿ
ಪಾತಽರಗಿತ್ತೀಯ ತಂದಳಲ್ಲೊ
ಹುಡಿಗಿ ಅಂದರ ಹುಡಿಗಿ ಹಂಡೆ ಮಾಟದ ಬೆಡಗಿ
ನಾಗರಕ ಥೈಥಳಕು ಹೊಚ್ಚತಾಳೊ
ಸೆರಗು ಎತ್ತೋ ಏನೋ ಸೀರಿ ಸುತ್ತಾ ಸೂರೊ
ಗುಂಡ ಕಲ್ಲಿನ ಎದಿಯ ಮುಚ್ಚತಾಳೊ
ನಾಚೀಗಿ ಗೀಚೀಗಿ ಈ ಚನ್ನಿ ಕಲಿತಿಲ್ಲಾ
ನಾಚೀಗಿ ಹೂಮಾಡಿ ಹೆಣೆಯತಾಳೊ
ಹುಳಿಯ ಹುಣಿಸಿಯ ಹೂವು ಹೊಗರು ಮಾವಿನ ಕಾಯಿ
ಬನತುಂಬ ಹಕ್ಯಾಗಿ ಹಾರತಾಳೊ
ಗಿಡದಾಗ ತಂಬೂರಿ ನೆಲದಾಗ ಜಗ್ಗಲಗಿ
ಸಂತ್ಯಾಗ ಹೊಸತೇರು ಎಳಿಯತಾಳೊ
ಮುದುಕರಾ ಎದಿಯಾಗ ದನಕರಾ ಹೊಗಿಸ್ಯಾಳೊ
ಹುಡುಗರಾ ಕುರಿಮಾಡಿ ಕಾಯತಾಳೊ
*****
