ಸಾಂಗತ್ಯ

ಕಪ್ಪು ಮಣ್ಣ ನೆಲದಲಿ ಘಮ್ಮೆಂದು
ಸೂಸಿ ತೇಲುವ ಎಳೆ ಹಾಲು ತುಂಬಿ
ಜೋಳದತೆನೆಗಳ ಅರಿವಿಗೆ ಪರಿವಿಗೆ
ಮೊಗ್ಗೊಡೆದು ಜೀವದ ಹರವಿಗೆ ಗಾಳಿ
ಜೇಕು ಹಾಕುತ್ತಿದೆ ತಣ್ಣನೆಯ ಸ್ಪರ್ಶ
ಜೀವದಾಳಕೆ ಇಳಿಯಲು ಕಾಯಬೇಕು.

ಯಾರು ಹುಕುಂ ಮಂಜೂರ ಮಾಡಿದರು
ಮೊಳಕೆಯೊಡದೆ ಮರ್ಮರಗಳ ಕಂಪನ

ಒಳಗಿನಿಂದ ಅರಳಿ ಹಸಿರಾಗಿ ಉಸಿರಾಗಿ
ನೋಟವಾಗಿ ತೋಟಿಗೆ ಬೀಸಿ ಎಲೆ ಅಲೆ
ಗಳಲಿ ಬೆಳಕು ಪ್ರತಿಫಲಿಸಿ ಜೀವಸ್ಪರ್ಶ
ಆಕಾರಗಳ ಸಾಕಾರಗಳ ಸಾಲು ಸಾಲು ತೆನೆ
ಕುರುಹು ಹಿಡಿಯಲು ಹಕ್ಕಿಗಳು ಹಾರಬೇಕು

ಧಗೆಯ ಬಗೆಯ ನೆಲದ ಬೇರು ಕಲ್ಲು
ಕೊನರು ದಾಟ ಕುರುಹುಗಳ ನಭ
ನಾಭಿಯ ಸೆಳೆತದ ಅಲೆ ಜೀವ ಬಂದು
ಪಿಸುಗುಟ್ಟಿದ ಕ್ಷಣ ಮಿಂದು ಬೆಂದ
ಎದೆ ಹುಟ್ಟು ಸಹಜ ಬಯಲು ಮರ
ಚಿಗುರು ಹಗುರ ರಾಗ ಅನುರಾಗ
ಹೂವಗಂಧ ಮೋಡ ಮಳೆ ಅಂಬರಕೆ ನೀಲಿ ತುಂಬ ಬೇಕು.

ಕಣ್ಣಂಚಿನಲಿ ಬಿರಿದ ತಾವರೆ ಬಿಂಬ ಹಾಡಿ
ಮುತ್ತಿಕ್ಕಿದ ಸ್ವಾತಿ ಹಕ್ಕಿಕೊರಳೊಳಗೆ ಇಳಿದ ತೋಡಿ
ರಾಗ ಭಾವಕೆ ಬಿರಿದ ಮಲ್ಲೆ ಮೊಗ್ಗು ಜಾಜಿ ಸಂಪಿಗೆ
ನೆಲದಲಿ ಅರಳಿದ ಪ್ರಸಾದ ಜೀವ ತುಂಬಿ
ಹಕ್ಕಿ ಹಾಡು ಇಳಿದು ಇಳಿದು ಮಿಡಿತ
ಸದ್ದು ಒಳಗೂ ಹೊರಗೂ ಬೆಳೆದು
ಬಸಿರುಕಟ್ಟಿ ಬಯಲು ಆಲಯದೊಳಗೆ ಸಾಂಗತ್ಯ.
*****

Leave a Reply

 Click this button or press Ctrl+G to toggle between Kannada and English

Your email address will not be published. Required fields are marked *

Previous post ಕುಂಟು ನೆಪ
Next post ಬದುಕು-ಬಣ್ಣ

ಸಣ್ಣ ಕತೆ

  • ಇರುವುದೆಲ್ಲವ ಬಿಟ್ಟು

    ನಿಂತ ರೈಲು ಬೋಗಿಯೊಳಗಿಂದ ನನ್ನ ದೃಷ್ಟಿ ಹೊರಗಿನ ನಿಲ್ದಾಣವನ್ನು ವೀಕ್ಷಿಸುತ್ತಿತ್ತೇ ಹೊರತು ನನ್ನ ಮನಸ್ಸು ಮಾತ್ರ ನಾಗಾಲೋಟದಿಂದ ಓಡುತ್ತಿತ್ತು. ಒಂದು ರೀತಿಯಲ್ಲಿ ಆಲೋಚನೆಗಳು ನನ್ನ ಗೆಳೆಯ ಎಂದೇ… Read more…

  • ನಿರಾಳ

    ಮಂಗಳೂರಿನ ಟೌನ್‌ಹಾಲಿನ ಪಕ್ಕದಲ್ಲಿರುವ ನೆಹರೂ ಮೈದಾನಿನ ಮೂಲೆಯ ಕಲ್ಲು ಬೆಂಚಿನ ಮೇಲೆ ಕುಳಿತ ಪುರಂದರ ಹಸಿವೆಯನ್ನು ತಡೆಯಲಾರದೆ ತಳಮಳಿಸುತ್ತಿದ್ದ. ಜೇಬಿಗೆ ಕೈ ಹಾಕಿ ನೋಡಿದ. ಬರೇ ಇಪ್ಪತ್ತೇಳು… Read more…

  • ಧರ್ಮಸಂಸ್ಥಾಪನಾರ್ಥಾಯ

    ಕಪಿಲಳ್ಳಿಯ ಏಕೈಕ ಸಂರಕ್ಷಕ ಕಪಿಲೇಶ್ವರನ ವಾರ್ಷಿಕ ರಥೋತ್ಸವದ ಮುನ್ನಾದಿನ ಧಾರ್ಮಿಕ ಪ್ರವಚನವೊಂದನ್ನು ಏರ್ಪಡಿಸಲೇಬೇಕೆಂದೂ, ಇಲ್ಲದಿದ್ದರೆ ಜಾತ್ರಾ ಮಹೋತ್ಸವಕ್ಕೆ ತನ್ನ ಸಪೋರ್ಟು ಮತ್ತು ಕೋ-ಆಪರೇಶನ್ನು ಬಿಲ್ಲು ಕುಲ್ಲು ಸಿಗಲಾರದೆಂದೂ,… Read more…

  • ಒಲವೆ ನಮ್ಮ ಬದುಕು

    "The best of you is he who behaves best towards the members of his family" (The Holy Prophet) ವಾರದ ಸಂತೆ.… Read more…

  • ಮನೆ “ಮಗಳು” ಗರ್ಭಿಣಿಯಾದಾಗ

    ಮನೆ ಮಗಳು "ಸೋನಿ" ಉಡಿ ತುಂಬುವ ಸಮಾರಂಭ. ಬೆಳಗಾವಿ ಜಿಲ್ಲೆಯ ಸದಲಗಾ ಪಟ್ಟಣದ ಪೀರ ಗೌಡಾ ಪಾಟೀಲ ಹಾಗೂ ಅವರ ತಮ್ಮ ಮಹದೇವ ಪಾಟೀಲರಿಗೆ ಎಲ್ಲಿಲ್ಲದ ಸಂಭ್ರಮವಾಯಿತು.… Read more…

cheap jordans|wholesale air max|wholesale jordans|wholesale jewelry|wholesale jerseys