ಬೆಂಕೀನ್ ಇಟ್ಟಿದ್ಲಂತೆ ಯಿಂದ್ ಅಡಗೂಲಜ್ಜಿ-
ಮುನಿಯನ್ಗು ಆತ್ಕೋಂತ ಔಳೀಗಿದ್ ಕಜ್ಜಿ!
ಕೋಳಿ ಕೂಗ್ದಿದ್ರೆಲ್ಲು ಬೆಳಕೇ ಆಗಾಲ್ವ!
ಯೆಂಡ ಇಲ್ದೋಯ್ತಂದ್ರೆ ಆಡಾಕಾಗಾಲ್ವ? ೧
ಝುಮ್ಮಂತ್ ಇರಬೇಕಾದ್ರೆ ಪದಗೊಳ್ದು ಗತ್ತು
ಏನಾರ ಬೇಕೇ ಬೇಕ್ ಅದಕೊಂದು ಮತ್ತು.
ಇದುವರ್ಗೂ ಇತ್ ನಂಗೆ ಈಚ್ಲೆಂಡದ್ ಮತ್ತು.
ಇನ್ ಮ್ಯಾಗ್ ಏನೈತೇಂತ ನಿಂಗೇನೊ ಗೊತ್ತು! ೨
ಯೆಂಡಿಲ್ದೆ ಉಡಗೋದ ರತ್ನ ಅಂತೇಳಿ
ಪುಕ್ಕಾ ಕೆದರ್ ಬೇಡೋ-ಏ ಜಂಬದ್ಕೋಳಿ!
ಪುಟ್ನಂಜಿ ನಂಗೌಳೆ-ಪಾಯ್ಸ ಪರಮಾನ್ನ!
ಯೆಂಡ್ ಯಾಕ್ ಅದರ್ಮುಂದೆ? ಅಳಸಿದ್ ತಂಗ್ಳನ್ನ! ೩
ಉತ್ತಮ್ ಜನ್ಮಕ್ ಬರೋದ್ ಮನ್ಸನ್ ಪ್ರಯತ್ನ!
ಸತ್ತೋಗ್ ದಫನ್ನಾದ ಯೆಂಡದಯ್ಯ ರತ್ನ!
ಮಳ್ಳಿ ಚಿಗತ್ಕೊಂಡೌನೆ ಪುಟ್ನಂಜೀ ರತ್ನ!
ನೋಡು ಯೆಂಡ್ ಇಲ್ದೇನೆ ಔನಾಡೊ ಗತ್ನ! ೪
*****
