Shrivijaya Haasana – ಚಿಲುಮೆ

ಮರೆವು

ದೇವರು ಕೊಟ್ಟ ವರ ಮರೆವು ವರ ಶಾಪವಾದಾಗ ಬದುಕು ದುಸ್ತರ *****

ಕಲಿಯಬೇಕಾದರೆ ಬುಟ್ಟಿ ತುಂಬಾ ಬುದ್ಧಿ ಕಲಿಸಬೇಕೆಂದರೆ ಮುಷ್ಠಿಯಷ್ಟು ತಾಳ್ಮೆ *****

ಸ್ವಾತಂತ್ರ – ಸ್ವೇಚ್ಛಾಚಾರ ಅರಿತರೆ ಬದುಕು ಸುಖಾಂತ ಅರಿಯದಿದ್ದರೆ ದುಃಖಾಂತ *****

ಬಯಸಿದ್ದೆಲ್ಲಾ ಸಿಕ್ಕರೆ ಮೂರೇ ಗೇಣು ಸ್ವರ್‍ಗ ಸಿಗದಿದ್ದರೆ ನೇಣು – ನರಕ *****

ಚೆಲ್ಲಾಟ – ಹುಡುಗಾಟ ಕಿರುಚಾಟ – ಕುಣಿದಾಟ ನೆಗೆದಾಟ – ಮಂಗಾಟ ಮರೆವಿನಾಟ – ಮೋಸದಾಟ ರಂಪಾಟ – ರಸದೂಟ ಎಲ್ಲಾ ಐಲು – ಮೊಬೈಲು *****

ಇದ್ದಾಗ ಹೇಳುವರು ಇವ ಬದುಕಿರುವುದೇ ಕಷ್ಟ ಸತ್ತಾಗ ಹೇಳುವರು ತುಂಬಲಾರದ ನಷ್ಟ *****

ದೇಶಕ್ಕೆ ಬೇಕು ಏಕತೆ ಎನ್ನುತ್ತಿರುತ್ತಾರೆ ಮುಂದೆ ಮಾಡುತ್ತಿರುತ್ತಾರೆ ಭಿನ್ನತೆ ಕಾಣದಂತೆ ಬೆನ್ನ ಹಿಂದೆ *****

ಬಿಟ್ಟೆನೆಂದರೂ ಬಿಡದು ಅಧಿಕಾರದ ದಾಹ ಅಧಿಕಾರವೇ ಅನನ್ಯ ಮಿಕ್ಕಿದ್ದೆಲ್ಲಾ ಶೂನ್ಯ *****

ತಲೆಕೊರೆತ ಮೈಕೆರೆತ ಚಾಕು – ಚೂರಿ – ಖಡ್ಗ ಕತ್ತಿ – ಗುರಾಣಿ – ಗರಗಸ ಎಲ್ಲಾ ಆಯುಧಗಳ ಮಾಯಪೆಟ್ಟಿಗೆ ಮೂರ್ಖ ಪೆಟ್ಟಿಗೆ *****

ಸೊಸೆ ಧಾರಾಳಿಯಾದರೆ ಏರುವುದು ತೂಕದ ಬಟ್ಟು ಆ ಯಿಂದ ಳ ವರೆಗೆ ಎಲ್ಲವೂ ದುಪ್ಪಟ್ಟು *****