ದುಃಖ ತುಂಬಿದ ಜೀವನ ನನ್ನದು
ಸುಖಿ ಜೀವನ ದೊರೆಯುವದು ಎಂದು?
ಆಹಾ ಎಲ್ಲಿಯೂ ಕಾಣೆ ನಾ
ಇಂಥ ದುಃಖಿ ಜೀವನ
ಅಳಿಸಲಾರೆಯೋ ಓ ದೇವ
ಅಳಿಸಿ ನೀಡಲಾರೇಯೇ ಸುಖಿ ಜೀವನ?
ಎಲ್ಲಿಲ್ಲದ ಮರುಳು ಮನ
ನನ್ನನ್ನು ಕೊರೆದು ಸಣ್ಣಾಗಿಸಿದೆ
ನನ್ನನ್ನು ಯಾರು ಉಪಚರಿಸುವರು?
ನಿನ್ನಿಂದಲೇ ನಾ ಹೊಸದಾರಿ ಕಾಣುವೇ
ಶೋಧ ಮಾಡಿ ತೋರು ನೀ ಮಾರ್ಗ
ನಿನ್ನಿಂದಲೇ ನಾ ಬದುಕುವೇ
ನಿನ್ನಿಂದಲೇ ನಾ ಸುಖಿಸುವೇ ದೇವ!
ಅಂಧಕಾರವ ನನ್ನನ್ನು ಆವರಿಸಿದೆ
ಅರಿಯದೇ ಮಂತ್ರ ಮುಗ್ಗದನಾಗಿಸಿದೆ
ತಿಳಿಯದೇ ನಾ ಕಂಗೆಟ್ಟೆ
ತಿಳಿದು ಅರಿಯದೇ ನಾ ಹೊರಟೆ
ಇಪ್ಪತೊಂದನೆಯ ಶತಮಾನ ಅವಸ್ಥೆಯಲ್ಲಿ
ನಾ ಕಂಡುಕೊಂಡೆ ಬೇರೊಂದು ಜೀವನದ ತಿರುವು
ಅವಧಿಯಲ್ಲಿ ಕಂಡುಕೊಂಡೆನೊಂದು ಸ್ವಪ್ನ
ಆ ಸ್ವಪ್ನವೇ ನಿಜ ಜೀವನದ ಒಪ್ಪಂದ.
*****
