ಒಂದು ಮೋಟರ್‌ಬೈಕನ್ನೇರಿ

ತಿರುವುಗಳನ್ನು ಬಳಸುತ್ತ ಇಳಿಜಾರುಗಳನ್ನು ಇಳಿಯುತ್ತ
ಇಮ್ಮಡಿಸುವ ವೇಗಕ್ಕೆ ಬಂದು ಬಡಿಯುವ ಗಾಳಿ ಸೀಳುವ ದೇಹ
ಬಹಳ ಹಗುರ. ಎತ್ತರಗಳಾಚೆ ಏನಿದೆ ಏನಿಲ್ಲವೆಂದು
ಗೊತ್ತಿರದ ಆತಂಕ ಹಾಗೂ ಸುಖ ಒಂದು ಮೋಟರ್‌ಬೈಕನ್ನೇರಿ
ಸುಮ್ಮನೇ ಹೋಗುವ ಸಹಜ ಮಜ. ಹೊಲಮನೆಗಳಾಚೀಚೆ
ಅಂಗಳದ ಮುಂದೆ ಒಬ್ಬರೊಬ್ಬರ ತಲೆಬಾಚುವ ಹೆಂಗಸರು
ದೃಷ್ಟಿಯ ಹೊರವಲಯದಲ್ಲಿ ಕಂಡೂ ಕಾಣಿಸದಂತೆ ಮಾಯುವರು.
ಆಕಾಶದ ಅಂಚಿನಲ್ಲಿದ್ದ ದಖ್ಖಣದ ಕೋಡುಗಲ್ಲುಗಳು ಮಾತ್ರ
ಅಷ್ಟು ದೂರವು ಬಂದು ಮನಸ್ಸಿಲ್ಲಿದೆ ಹಿಂದೆ ಸರಿಯುವುವು.

ಜಿಂಕು ತಗಡಿನ ಬಹಳ ಹಳೆಯ ಅಂಗಡಿಯೊಂದು ರಸ್ತೆಯ ಬದಿಗೆ
ಇದ್ದಿಲೊಲೆಯಲ್ಲಿ ನಳನಳಿಸುವ ಕೆಂಡಗಳು ಹಂಡೆಯಲಿ ಕುದಿದು
ಮರಳುವ ನೀರು ಉಗಿಕಾರುವುದು ಗಡಿಬಿಡಿಯಿಂದ ಮಾಲಿಕನು
ಒಂದು ಬಟ್ಟಲು ಚಹಾ ಮಾಡಿ ತಂದಿರಿಸುವನು ಮೇಜಿನ ಮೇಲೆ
ಇಳಿ ಸಂಜೆ. ತಂಪು ಹವೆ. ಹೊಗೆಯಾಡುವ ಚಹವನ್ನು ನಿಧಾನ
ಹೀಗಿರುತ್ತಿದ್ದಂತೆ ನನಗೆ ಸಮಯದ ಪರಿವೆಯಿಲ್ಲ. ಯಾರೂ
ನನಗಾಗಿ ಕಾಯುತ್ತಿಲ್ಲ. ಆದರೂ ಹೊರಡಬೇಕು, ಹೊರಡುವೆನು
ಒಂದ ತುಳಿತಕ್ಕೆ ಆರ್ಭಟಿಸುವುದು ಯಂತ್ರ. ನನ್ನ ಮುಂದೆ
ತಿಳಿಯದ ಹಾದಿ, ಆವರಿಸುತ್ತಿರುವ ಕತ್ತಲೆಯ ಘಾತಗಳು.
*****

ಕೀಲಿಕರಣ : ಎಮ್ ಎನ್ ಎಸ್ ರಾವ್

Leave a Reply

 Click this button or press Ctrl+G to toggle between Kannada and English

Your email address will not be published. Required fields are marked *

Previous post ಸೀಮಾತೀತ ಹೆಜ್ಜೆಗಳು
Next post ನಿಜ ಒಪ್ಪಂದ

ಸಣ್ಣ ಕತೆ

  • ಮರೀಚಿಕೆ

    ನಂಬಿದರೆ ನಂಬಿ ಬಿಟ್ಟರೆ ಬಿಡಿ ನನ್ನೆಲ್ಲಾ ಭಾವನೆಗಳೂ ತಬ್ಬಲಿಗಳಾಗಿಬಿಟ್ಟಿವೆ. ಪ್ರೇಮವೆಂದರೆ ತ್ಯಾಗವೆ, ಭೋಗವೆ, ಭ್ರಮೆಯೆ ಆಥವಾ ಕೇವಲ ದಾಸ್ಯವೆ? ಮನಸ್ಸಿಗಾದ ಗ್ಯಾಂಗ್ರಿನ್ ಕಾಯಿಲೆಯೆ? ಇಂತಹ ದುರಾರೋಚನೆಗಳು ಹುಟ್ಟಲು… Read more…

  • ಎರಡು…. ದೃಷ್ಟಿ!

    ದೀಪಾವಳಿಯು ಸಮೀಪಿಸಿದ್ದಿತು. ದೀಪಾವಳಿಯನ್ನು ನಾವು ಪಂಚಾಗ ನೋಡದೆ ತಿಳಿದುಕೊಳ್ಳಬಹುದು. ಅದು ಹೇಗೆ? ದೀಪಾವಳಿ ಪೂರ್ವರಂಗದ ಸುಳಿವು ನಮಗೇ ಗೊತ್ತೇ ಆಗುವದು. ಮನೆಯಲ್ಲಿ ಕರಚೀ ಕಾಯಿ, ಚಿರೋಟಿಗಳನ್ನು ಕರಿಯುವ… Read more…

  • ಕೊಳಲು ಉಳಿದಿದೆ

    ಮಾತಿನ ತೆರೆ ಒಂದು "ನೋಡಿ, ಜನರು ನನ್ನನ್ನು ನೋಡಿ ನಗುತ್ತಾರೆ! ಈ ಬಂಗಾರದ ಕೃಷ್ಣನ ಮೂರ್ತಿ ಇವಳ ಕೈಯಲ್ಲಿ ಯಾವಾಗಲೂ ಏಕೆ ಎಂದು ಕೇಳುತ್ತಾರೆ! ನನ್ನ ಹತ್ತರ… Read more…

  • ವರ್ಗಿನೋರು

    ಆಗ್ಲೇ ವಾಟು ವಾಲಿತ್ತು. ಯೆಷ್ಟು ವಾಟು ವಾಲ್ದ್ರೇನು? ಬಳ್ಳಾರಿ ಬಿಸ್ಲೆಂದ್ರೆ ಕೇಳ್ಬೇಕೇ? ನಡೆವ... ದಾರ್ಗೆ ಕೆಂಡ ಸುರ್ದಂಗೆ. ನೆಲಂಭೋ ನೆಲಾ... ಝಣ ಝಣ. ‘ಅಲ್ಗೆ’ ಕಾದಂಗೆ. ಕಾಲಿಟ್ರೆ… Read more…

  • ಡಿಪೋದೊಳಗಣ ಕಿಚ್ಚು…

    ಚಿತ್ರ: ವಾಲ್ಡೊಪೆಪರ್‍ ಬೆಳಿ… ಬೆಳಿಗ್ಗೆನೇ… ಡಿಪೋದಲ್ಲಿ, ಜನ್ರು ಜಮಾಯಿಸಿದ್ದು ಕಂಡು, ಡಿಪೋ ಮ್ಯಾನೇಜರ್ ಮನೋಜ್ ಪಾಟೀಲರ ಹೃದಯ ಬಾಯಿಗೆ ಬಂತು. ’ಮ್ಯಾನೇಜರ್ ಡಿಪೋದಲ್ಲಿ ಕ್ಷಣ ಇಲ್ಲೆಂದ್ರೆ ಸಾಕು…… Read more…