ಅಪ್ಪ ನಿನ್ನೆ ಸರ್ಕಸ್ ತೋರ್ಸೋಕ್
ಕರ್ಕೊಂಡು ಹೋಗಿದ್ರು
ಏನ್ ಮಜಾ! ಟೆಂಟ್ ಭರ್ತಿ
ಜನ ಸೇರಿದ್ರು
ಸರ್ಕಸ್ ಮಾಡೋ ಜನಗಳ್ ಜೊತೆ
ಪ್ರಾಣೀನೂ ಇದ್ವು,
ಮಂಗ ಕುದುರೆ ನಾಯಿ ಕರಡಿ
ಎಲ್ಲಾ ಸೇರಿದ್ವು.
ಚಾರ್ಲಿ ತಲೆಮೇಲ್ ಹತ್ತಿ ಕೋತಿ
ಲಾಗ ಹಾಕ್ಬಿಡ್ತು,
ಅವನ ಕೊಳವಿ ಟೋಪಿ ಎಗರ್ಸಿ
ತಾನೇ ಹಾಕ್ಕೊಂಡ್ತು.
ಕುದುರೆ ಬೆನ್ನನ್ ಹತ್ತಿ ನಾಯಿ
ಬೌ ಬೌ ಬೊಗಳ್ತು,
ಕುದುರೆ ಅದನ್ನ ರಿಂಗ್ ಸುತ್ತ
ಎತ್ಕೊಂಡ್ ಓಡ್ಹೋಯ್ತು
ಮಂಗ ಕರಡೀನ್ ಮುದ್ ಮಾಡ್ತು
ಅದರ್ ಬೆನ್ನೀಗ್ ಕೈ ಹಾಕ್ತು
ಕೂದಲು ಕೆದರಿ, ಹೇನು ಹೆಕ್ಕಿ
ಬಾಯಿಗ್ ಹಾಕ್ಕೊಂಡ್ ತಿಂದ್ಬಿಡ್ತು!
*****
