ಮಾಂತ್ರಿಕ

ಬಯಲಲಿ ಮಕ್ಕಳು ಹಾರಿಸಿದ
ಗಾಳಿಪಟ ಮನೆಯ ಒಳಗೆ
ಬಿದಿರು ಗೋಂದು ಬಣ್ಣದ ಹಾಳೆ ತುಂಡು.
ತಿಳಿಗಣ್ಣ ತುಂಬ ಮಿಂಚು ಸುಳಿದಾಡಿ
ಗಂಗೆ ಹರಿದಳು ಎದೆಯ ಬಯಲಲಿ.

ದಿಕ್ಕು ದಿಕ್ಕಿನ ಚಲನೆ ಬದಲಿಸಿ
ಮದು ಹದಗೊಂಡ ಮನಸ್ಸು ಬಯಲು
ಆಲಯದೊಳಗಿರಿಸಿ ಎಲ್ಲಿರುವೆ ನೀನು
ಇಲ್ಲಿ ಇರಿಸಿ ಗೋಡೆಗಳು ತೂಗಿ ಹಾಕಿದ
ಭಾವಚಿತ್ರಗಳ ನೆನಪು ಕನ್ನಡಿಯಲಿ ಪ್ರತಿಬಿಂಬ.

ಪರಿಮಳ ಹೂಸೂಸಿ ಗಾಳಿಗಂಧ
ತೇಲಿದ ಸಂಜೆ ನೆರಳು ಬೆಳಕಿನಾಟಕೆ
ಕರಗಿ ನೀರಾಗಿ ಹನಿಹನಿ ಕವಿತೆಯ ಸಾಲುಗಳು
ಭಾವ ತರಂಗದಲಿ ಹಾರುತ ಬಂದ ಚಿಟ್ಟೆಗಳು
ಹೂಗಳ ಆಯ್ದು ತಂದ ಪುಟ್ಟ ಕೈಗಳು.

ಮೊದಲು ಕಣ್ಣಿಗೆ ಕಾಡಿಗೆ ತೀಡಿದ ದೇವರ
ಮನೆದೀಪ ಬೆಳಗಿದ ಬೆಳಕು ಎಲ್ಲೆಡೆ,
ಪ್ರತಿಫಲಿಸಿ ತೂಗುವ ತೊಟ್ಟಿಲಲಿ ಮೇರುಗೀತೆ,
ಮಮತೆಯಿಂದ ರಕ್ಷಿಸಿದ ತಾಯಿ ಬೇರು
ಚಿಗುರು ಚಿಮ್ಮಿ ಸೂಸಿ ಅರಳಿದ ಮಲ್ಲಿಗೆ ಘಮಘಮ.

ಭಾವರಂಗಿನ ಪದಗಳಿಗೆ ಗಾಳಿ ಬೆಳಕು
ಮಿಂಚು ಹರಸಿ ಹಾಯ್ದ ಫಲಕುಗಳು
ಎದೆ ತೆರೆದ ಹಾಡಾಗಿ ಹೂ ಚಿಟ್ಟೆ ನಕ್ಷತ್ರಗಳರಳಿ
ಕವಿತೆ ತಂದ ಮಂತ್ರದಂಡ ಇದ್ದ ಎಲ್ಲಾ
ವಿಸ್ಮಯಗಳ ಇಂದ್ಹಾಂಗ ಅನಿಸಿ ಚೈತನ್ಯ ತಂದ ಮಾಂತ್ರಿಕ.
*****

ಕೀಲಿಕರಣ : ಕಿಶೋರ್ ಚಂದ್ರ

Leave a Reply

 Click this button or press Ctrl+G to toggle between Kannada and English

Your email address will not be published. Required fields are marked *

Previous post ಉಷೆಗೆ
Next post ಮಧುಚಂದ್ರ

ಸಣ್ಣ ಕತೆ

  • ಕ್ಷಮೆ

    ಸುಂದರರಾಜ್ ಬೆಂಗಳೂರಿನಲ್ಲಿಯೇ ಹುಟ್ಟಿಬೆಳೆದವನು. ಹಾಗಾಗಿ ಅವನು ಕನ್ನಡ ಮಾಧ್ಯಮದಲ್ಲಿಯೇ ವಿಧ್ಯಾಭ್ಯಾಸ ಮಾಡಿ ಮುಂದೆ ಕಾಲೇಜಿನ ದಿನಗಳಲ್ಲಿ ಇಂಗ್ಲೀಷ್ ಮಾಧ್ಯಮದಲ್ಲಿ ಓದಿದ್ದ. ತನ್ನ ಮಾತೃ ಭಾಷೆಯಾದ ತಮಿಳು ಸಾಧಾರಣವಾಗಿ… Read more…

  • ನಿರೀಕ್ಷೆ

    ಆ ಹಣ್ಣು ಮುದುಕ ಎಲ್ಲಿಂದ ಬರುತ್ತಾನೆ, ಎಲ್ಲಿಗೆ ಹೋಗುತ್ತಾನೆ ಎಂದು ಯಾರಿಗೂ ತಿಳಿಯದು. ಆದರೆ ಎಲ್ಲರೂ ಅವನನ್ನು ಕಲ್ಲು ಬೆಂಚಿನ ಮುದುಕ ಎಂದೇ ಕರೆಯುತ್ತಾರೆ. ಪ್ರೈಮರಿ ಶಾಲೆಯ… Read more…

  • ಕಲ್ಪನಾ

    ಚಿತ್ರ: ಟಾಮ್ ಬಿ ಇದು ಇಪ್ಪತ್ತು ವರ್ಷಗಳ ಹಿಂದಿನ ಕಥೆ! ಮಾತನಾಡುವ ಸಿನಿಮಾ ಪ್ರಪಂಚ ಅದೇ ಆಗ ದಕ್ಷಿಣ ಭಾರತದಲ್ಲಿ ತಲೆಯೆತ್ತಿದ್ದಿತು! ಸಿನಿಮಾದಲ್ಲಿ ಪಾತ್ರವಹಿಸುವ ನಟಿನಟಿಯರನ್ನು ಅಚ್ಚರಿಯ… Read more…

  • ಆನುಗೋಲು

    ರೈಲು ನಿಲ್ದಾಣದಲ್ಲಿ ನಿಂತಿತು! "ಪೇಪರ! ಡೇಲಿ ಪೇಪರ!........ಟಾಯಿಮ್ಸ, ಫ್ರೀ ಪ್ರೆಸ್, ಸಕಾಳ! ಪ್ಲಾಟ ಫಾರ್ಮ ಮೇಲಿನ ಜನರ ನೂರೆಂಟು ಗದ್ದಲದಲ್ಲಿ ಈ ಧ್ವನಿಯು ಎದ್ದು ಕೇಳಿಸುತ್ತಿತ್ತು. ಹೋಗುವವರ… Read more…

  • ಮೌನರಾಗ

    ಇಪ್ಪತ್ತೊಂಬತ್ತು ದಾಟಿ ಮೂವತ್ತಕ್ಕೆ ಕಾಲಿರಿಸುತ್ತಿದ್ದ ಸುಧೀರ್ ಮದುವೆಯ ಬಗ್ಗೆ ತಾಯಿ ಸೀತಮ್ಮ, ತಂದೆ ರಂಗರಾವ್ ಅವರಿಗೆ ಬಹಳ ಕಾತುರವಿತ್ತು. ಹೆಣ್ಣುಗಳನ್ನು ಸಂದರ್ಶಿಸಲು ಒಪ್ಪದೇ ಇದ್ದ ಸುಧೀರನ ಮನೋ… Read more…