ಬಾತ್ ರೂಮ್ ಗೀತೆ

ಓ ಸಜ್ಜನ
ಹೋಗು ಒಳಗೆ ಇಕ್ಕು ಕದ
ಬಿಚ್ಚು ಪರೆ ಮುಚ್ಚು ಮರೆ
ಕಳಚು ಮುಖವಾಡ ಕಾಚ
ಮಾಡು ಮಜ್ಜನ
ಹಾಡು ಗೀತೆ. ಭಗವದ್ಗೀತೆ?
ಛೇ! ಮಹಾ ಬಾತ್ ರೂಮ್ ಗೀತೆ.
ಹಾಕಿಕೋ ಮಂಡೆ ಮೇಲೆ
ಹಂಡೆ ಹಂಡೆ ನೀರು
ತೊಳೆದು ಹೋಗಲಿ ಮೈ ಕೆಸರು
ಗೋಡೆಯಲೆ ಇದೆ ಕನ್ನಡಿ
ಹಬೆ ಇದ್ದೀತು ಒರೆಸಿಕೋ.
ಹಾಡು ಗೀತೆ – ಬಾತ್ ರೂಮ್ ಗೀತೆ
ಮಾಡಿಕೋ ದರ್ಶನ
ವಿ – ಸ್ವರೂಪ ದರ್ಶನ

ಏನು ನೋಡುತೀಯ ಕೆಳಗೆ?
ಅದೆ ಬಚ್ಚಲಿನ ಕೆಸರು ರಚ್ಚೆ
ನಾನು ನೀನು ಸೊಂಟದ ಕೆಳಗೆ
ಮಂತ್ರ ಹೇಳಿ ಹರಿಸಿದ ಒಸರು
ನಿಂತಿರಬಹುದು ಇಲ್ಲಿ
ಕ್ಲಿಯೊ ಪಾಟ್ರಾಳದೂ ಬೆವರು
ಮನ್ವಂತರಗಳಿಂದ
ಇದೆ ಹರಿದು ಹರಿದು
ಆಗಿದೆ ಮಹಾಚರಂಡಿ
ಇದೆ ಮರಳಿ ಮರಳಿ
ಮರಳುತಿದೆ ನೈಲ್ ನದಿ
ದಡದ ಮೇಲೆ ಮಹಾಮೌನಿಗಳು
ಮಾಡುತಿದ್ದಾರೆ ಧ್ಯಾನ
ಬೈ ನೈಟ್ ಮೇನಕೆ
ಬಾತ್ ರೂಮಿನ ಕದ ಇಕ್ಕಿ
ಕದ ತೆರೆದಾಗ
ಇವರ ನರಗಳಲ್ಲೂ ಶಾರ್ಟ್ ಸರ್ಕೀಟು
ಶತಮಾನಗಳ ಟಾನಿಕ್ ಶಕ್ತಿ
ಕಟ್ಟೆಯೊಡೆದು
ಫ್ಯೂಸ್ ಆಗುವುದಿಲ್ಲಿ
ಈ ಬಾತ್ ರೂಮಿನಲ್ಲಿ
ಹುಟ್ಟಬಹುದು ಒಮ್ಮೆ
ಶಕುಂತಳೆ

ಮುಗಿಯಲಿಲ್ಲವೋ ನಿನ್ನ ಸ್ನಾನ?
ಏನದು ಏಕೋಧ್ಯಾನ?
ಓಹೋ ಸರಿ. ಅಲ್ಲ ತೂಗಿಹಾಕಿದ ಬ್ರೇಸಿಯರಿ!
ಹರಿಯಲಿ ಮಹಾಪೂರ
ಉಕ್ಕಲಿ ಯಫ್ರೆಟಿಸ್ – ಟೈಗ್ರಿಸ್
ಉರಿಯಲಿ ಗಂಗೆ ಸಿಂಧೂ
ಹೂಂ. ತೆಗೊ ಒಂದಿಷ್ಟು ಲಿಂಗೋದಕ
ಆದೀತು ಇಲ್ಲಿ ಭಗವತೀ ಪೂಜೆಗೆ
ತೆರೆ ಕದ ಬಾ ಹೊರಗೆ
ಆ ಬಚ್ಚಲಿನಿಂದ
ಈ ಬಚ್ಚಲಿಗೆ.
*****

Leave a Reply

 Click this button or press Ctrl+G to toggle between Kannada and English

Your email address will not be published. Required fields are marked *

Previous post ಅರ್ಥವಾಗದವಳು
Next post ಸ್ವಾರ್ಥಕ್ಕೆ ಗೆಳೆತನ

ಸಣ್ಣ ಕತೆ

  • ವಲಯ

    ಅವಳ ಕೈ ಬೆರಳುಗಳು ನನ್ನ ಮುಖದ ಮೇಲೆ ಲಯಬದ್ಧವಾಗಿ ಚಲಿಸುತ್ತಿವೆ. ಕಂಗಳ ಮೇಲೆ ಅದೊಂದು ತರಹ ಮಂಪರು ಮೆತ್ತ-ಮೆತ್ತಗೆ ಹಾರಾಡತೊಡಗುತ್ತಿದೆ! ನಾಳೆ ಹೋಗಬೇಕಾದ ‘ಪಾರ್ಟಿ’ ಗೆ ಈಗಾಗಲೇ… Read more…

  • ಹುಟ್ಟು

    ಶಾದಿ ಮಹಲ್‌ನ ಒಳ ಆವರಣದಲ್ಲಿ ದೊಡ್ಡ ಹಾಲ್‌ನಲ್ಲಿ ಹೆಂಗಸರೆಲ್ಲಾ ಸೇರಿದ್ದರು. ಹೊರಗಡೆ ಹಾಕಿದ್ದ ಶಾಮಿಯಾನದಲ್ಲಿ ಗಂಡಸರು ನೆರೆದಿದ್ದರು. ಒಂದು ಕಡೆಯ ಎತ್ತರವಾದ ವೇದಿಕೆಯ ಮೇಲೆ ಮದುವೆ ಗಂಡು,… Read more…

  • ಕತೆಗಾಗಿ ಜತೆ

    ರಾಜರ ಮನಿಲಿ ವಂದ್ ಮಡವಾಳವ ಬಟ್ಟೆ ಶೆಳೀಲಿಕ್ಕಿದಿದ್ದ. ಅವನಿಗೆ ನೆಂಟ್ರ ಮನಿಗೆ ವಂದಿವ್ಸ ಹೋಗಬೇಕು ಹೇಳಿರೆ ಸೌಡಾಗುದಿಲ್ಲ. ನಿತ್ಯೆ ಬಟ್ಟೆ ಶೆಳುದ್ ವಂದೇಯ. ವಂದಾನೊಂದ ದಿವಸ ಇವತ್… Read more…

  • ಮನೆ “ಮಗಳು” ಗರ್ಭಿಣಿಯಾದಾಗ

    ಮನೆ ಮಗಳು "ಸೋನಿ" ಉಡಿ ತುಂಬುವ ಸಮಾರಂಭ. ಬೆಳಗಾವಿ ಜಿಲ್ಲೆಯ ಸದಲಗಾ ಪಟ್ಟಣದ ಪೀರ ಗೌಡಾ ಪಾಟೀಲ ಹಾಗೂ ಅವರ ತಮ್ಮ ಮಹದೇವ ಪಾಟೀಲರಿಗೆ ಎಲ್ಲಿಲ್ಲದ ಸಂಭ್ರಮವಾಯಿತು.… Read more…

  • ಸಾವು

    ಈ ಗೊಂಡಾರಣ್ಯದಲ್ಲಿ ನಾನು ಬಂದುದಾದರೂ ಹೇಗೆ? ಅಗೋ ಅಲ್ಲಿ ಲಾಸ್ಯವಾಗಿ ಬಳುಕುತ್ತಾ ನಲಿಯುತ್ತಾ ತುಂತುರು ತುಂತುರಾಗಿ ಮುತ್ತಿನ ಹನಿಗಳನ್ನು ಪ್ರೋಕ್ಷಿಸುತ್ತಿರುವ ಝರಿಯ ರಮಣೀಯತೆಯನ್ನೂ ಮೀರುವಂತಹ ಭಯಾನಕತೆ ವ್ಯಾಪಿಸಿದೆಯಲ್ಲಾ… Read more…

cheap jordans|wholesale air max|wholesale jordans|wholesale jewelry|wholesale jerseys