ಚದುರಂಗ ಪ್ರವೀಣೆ ರಂಗಿ

ಕಪ್ಪು ಕೆಂಪು ಕಳಗಳಲ್ಲಿ
ಒಳ್ಳೇ ಕುಳ ಸಿಕ್ಕಿದರೆ
ರಂಗಿಯ ಹೊಡೆತ ನೋಡಬೇಕು
ಅವಳ ಹಿಡಿತ ನೋಡಬೇಕು
ಅವಳ ಆಟ ನೋಡಬೇಕು
ಅವಳ ಬೇಟ ನೋಡಬೇಕು
ಅವಳ ಕುದುರೆ ಲಗೀ ಲಗೀ
ಮಡಿಲು ನಿಗೀ ನಿಗೀ
ಮೊದಲ ಸುತ್ತಿನಲೆ ಹಾಕ್ತಾಳೆ ಚೆಕ್
ಹುಡುಗಿ ಚಿಕ್ ಚಿಕ್
ಇವಳ ಕುದುರೆ ತೊಡೆಗಳೆಡೆಗೆ
ಎಂಥ ಮಂತ್ರಿಯೂ ಬೀಳಬೇಕು
ಇವಳ ಕೋಟೆಯ ಸುತ್ತಿನೊಳಗೆ
ಎಂಥ ರಾಜನೂ ಮಲಗಬೇಕು
ಎದುರು ಬದಿರು ಕುಳಿತರೆ
ರಾತ್ರಿ ಸರಿದರೂ ಸೋಲೋದಿಲ್ಲ ರಂಗಿ
ಕುಸಿಯೋದಿಲ್ಲ ಈ ಅನಂಗರಂಗಿ
ಏಳೆಂಟು ಮಂದಿಯನೂ ಒಂದೆ ಪೆಟ್ಟಿಗೆ
ಸೋಲಿಸಬಲ್ಲ ಭಂಗಿ
ಕೆಂಫು ತಾಂಬೂಲದ ತುಟಿಗಳನ್ನು
ಸಣ್ಣ ಮಾಡಿ ಕರೀತಾಳೆ
ಬನ್ನಿ ಸೋಮಿ ಒಂದೇ ಆಟ
ನೋಟವೇ ಸಾಕು ಮದಿರೆ
ಅಂಥ ಚದುರೆ

ಇದೆಲ್ಲ ಹಳೆಮಾತು
ಈಗ ರಂಗಿಯ ಚದುರಂಗದ
ಕೋಟೆ ಕೊತ್ತಲಗಳಲ್ಲಿ
ಒಣ ಹುಲ್ಲು ಬಿದಿರು ಭಾವಿ
ಆದರೇನಾಯಿತು?
ಹೊಸ ಕೋಟೆಗಳಿವೆ
ಎಳೆ ಕುದುರೆಗಳಿವೆ
ಏರುವವರಿಗೆ ಎನು ಕೊರತೆ?
ಬೀಳುವವರಿಗೂ ಇಲ್ಲ
ಚದುರಂಗವೇ ಎಲ್ಲ –
ಭಗವಂತನ ಆಟ
ಭಗವತಿಯದ್ದೂ ಕೂಡ.
*****

ಕೀಲಿಕರಣ : ಕಿಶೋರ್ ಚಂದ್ರ

Leave a Reply

 Click this button or press Ctrl+G to toggle between Kannada and English

Your email address will not be published. Required fields are marked *

Previous post ಬಿಂದಿಗಿಷ್ಟು ವ್ಯಾಖ್ಯೆ
Next post ಈ ಗಂಡಾ ಆ ಗಂಡಾ ಜೋಡು ಪುಂಡರ ಕೂಡಿ

ಸಣ್ಣ ಕತೆ

  • ಬೂಬೂನ ಬಾಳು

    -

    ನಮ್ಮೂರು ಚಿಕ್ಕ ಹಳ್ಳಿ. ಹಳ್ಳಿಯೆಂದ ಕೂಡಲೆ, ಅದಕ್ಕೆ ಬರಬೇಕಾದ ಎಲ್ಲ ವಿಶೇಷಣಗಳೂ ಬರಬೇಕಲ್ಲವೇ ? ಸುತ್ತಲೂ ಹಸುರಾಗಿ ಒಪ್ಪುವ ಹೊಲಗಳು, ನಾಲ್ಕೂ ಕಡೆಗೆ ಸಾಗಿ ಹೋಗುವ ದಾರಿಗಳು,… ಮುಂದೆ ಓದಿ.. 

  • ವಾಮನ ಮಾಸ್ತರರ ಏಳು ಬೀಳು…

    -

    "ಏಳು!" ಅಂದರು ವಾಮನ ಮಾಸ್ತರರು. ರಾಜಪ್ಪ ಏಳಲಿಲ್ಲ. ಎಂದಿನಂತೆ ಕಿಟಿಕಿಯ ಹೊರಗೆ ಹೆದ್ದಾರಿಯಲ್ಲಿ ಹೋಗುತ್ತಿದ್ದ ವಾಹನಗಳನ್ನೂ ದಾರಿಹೋಕರನ್ನೂ ನೋಡುತ್ತ, ಡೆಸ್ಕಿನ ಮೇಲೆ ಬಲಗೈಯ ಸೊಂಟು ಊರಿ, ಕೈಯಮೇಲೆ… ಮುಂದೆ ಓದಿ.. 

  • ಅವಳೇ ಅವಳು

    -

    ಇತ್ತೀಚೆಗೆ ಅವಳೇಕೋ ತುಂಬಾ ಕಾಡುತ್ತಿದ್ದಾಳೆ- ಮೂವತ್ತು ವರ್ಷಗಳೇ ಸಂದರೂ ಮರೆಯಾಗಿಲ್ಲ ಜೀವನದಲ್ಲಿ ಅದೆಷ್ಟೋ ನಡೆಯಬಾರದ ಅಥವಾ ನಡೆಯಲೇಬೇಕಾದ ಅನೇಕ ಘಟನೆಗಳು ನಡೆದು ಹೋಗಿವೆ. ದೈಹಿಕವಾಗಿ, ಮಾನಸಿಕವಾಗಿ, ವ್ಯಾವಹಾರಿಕವಾಗಿ,… ಮುಂದೆ ಓದಿ.. 

  • ಆವರ್ತನೆ

    -

    ಒಬ್ಬ ಸಾಹಿತಿಯನ್ನು ನೋಡುವ ಕುತೂಹಲ ಯಾರಿಗಿಲ್ಲ? ಪಕ್ಕದೂರಿನ ಹೈಸ್ಕೂಲಿನಲ್ಲಿ ಕಾದಂಬರಿಕಾರ ಅ.ರ.ಸು.ರವರ ಕಾರ್ಯಕ್ರಮವಿದೆಯೆಂಬ ಸುದ್ದಿ ಕೇಳಿ ನಾವು ನೋಡಲು ಹೋದೆವು. ಅ.ರ.ಸು.ರವರ ಕೃತಿಗಳನ್ನು ನಾವಾರೂ ಹೆಚ್ಚಾಗಿ ಓದಿರಲಾರೆವು.… ಮುಂದೆ ಓದಿ.. 

  • ಉಪ್ಪು

    -

    ಸಂಜೆ ಮೆಸ್ಸಿನಲ್ಲಿ ಚಹಾ ಕುಡಿಯುತ್ತಿದ್ದಾಗ ಎದುರು ಕುಳಿತ ಪ್ರೊಫ಼ೆಸರ್ ಬಾನಲಗಿಯವರು ಕೇಳಿದರು : "ಸ್ಟೈಲಿಸ್ಟಿಕ್ಸ್ ಬಗ್ಗೆ ನಿನ್ನ ಅಭಿಪ್ರಾಯ ಏನು?" ಅವರು ಬಿಸಿಯಾದ ಚಹಾದ ನೀರನ್ನು ಜಾಡಿಯಿಂದ… ಮುಂದೆ ಓದಿ..