ಮರಳಿ ಈ ಚೌಕದಲಿ ನಿಂತು

ಲೋಟ ಮೇಲೇರುವುದು
ಲೋಟ ಕೆಳಗಿಳಿಯುವುದು
ಒಂದರಿಂದಿನ್ನೊಂದಕ್ಕೆ
ಧುಮುಕುವುದು
ಭೋರ್ಗರೆವ ಜಲಪಾತ
ಪಾರದರ್ಶಕ ಗ್ಲಾಸುಗಳಲ್ಲಿ
ತುಂಬಿ ಹರಿಯುವುದು
ಗುಳ್ಳೆಯೆಬ್ಬಿಸಿ
ಮೂಗಿನ ಹೊಳ್ಳೆಯೆಬ್ಬಿಸಿ

ಆದ್ದರಿಂದಲೆ ಅವರಿಗೆ
ಹೊಳ್ಳರೆಂದು ಹೆಸರು
ಕಳ್ಳರಿಗೆ ಸುಳ್ಳರಿಗೆ
ಹುಳ್ಳರಿಗೆ ಎಲ್ಲಿರಿಗೆ
ಪ್ರಿಯವಾದವರು

ಕಡಿಯೆ ಕಾರದ ಕಡ್ಡಿ
ಎಂಥ ಹಲ್ಲುಗಳಿಗೂ
ಸವಾಲಿನಂತಿರುವ ’
ಮುರುಕು-ಅಥವ
ಹತ್ತಿ ಹಾಸಿಗೆಯಂತೆ
ಮೆತ್ತನೆಯ ಪೋಡಿ
ಬೆಂಚಿನ ಮೇಲೆ ಬ೦ದು
ಕುಳಿತುಕೊಳ್ಳುವುವು
ಅಟ್ಟದ ಅಡ್ದದಿಂದ
ಕಟ್ಟಿ ತೂಗಿದ ಬಾಳೆಯ ಹಣ್ಣು
ಮಿಟುಕಿಸುವುದು ಕಣ್ಣು
ಯಾವ ಮಾಯಕದಲ್ಲಿ
ಎಲ್ಲ ಮಂಗ ಮಾಯ

ಹೇಳಿ ಹೊಳ್ಳರೆ ಹೇಳಿ
ಕೋಚಣ್ಣ ಬಂಟರಿಗೆ
ಹೇಗೆ ಹಿಡಿಯಿತು ಹುಚ್ಚು ?
ಹೆಂಗಸು ಮಕ್ಕಳೆದುರು
ಹೊಯ್ದು ಬಿಟ್ಟರೆ ಉಚ್ಚು !
ಸೋತರು ಕೆಳಕೋರ್ಟಿನಲಿ
ಸೋತರು ಮೇಲು ಕೊರ್ಟಿನಲಿ
ಮಾನ ಹೋಯಿತು
ಮರ್ಯಾದೆ ಹೋಯಿತು
ಉಳಿದುದೊಂದೆ ಕೋಮಣ ನೋಡಿ!

ಸೊರ್ ಸೊರ್ ಎ೦ದು
ಯಾರು ಯಾರನ್ನು ಅಣಕಿಸುವ ಸದ್ದು?
ಲೋಟದಿಂದ ಬಟ್ಟಲಿಗೆ
ಬಟ್ಟಲಿನಿಂದ ಗಂಟಲಿಗೆ
ಸಾಗಿ ಹೋದ ಸುಖವೆ
ಬದಲಾದ ಮುಖವೆ!
ಹೀಗೇಕೆಂದು
ಕೇಳುವೆನು ನನಗೆ ನಾನು
ಮರಳಿ ಈ ಚೌಕದಲಿ ನಿಂತು
*****

Leave a Reply

 Click this button or press Ctrl+G to toggle between Kannada and English

Your email address will not be published. Required fields are marked *

Previous post ಪಂಥ
Next post ಸಾಕ್ಷಿ

ಸಣ್ಣ ಕತೆ

  • ಎರಡು…. ದೃಷ್ಟಿ!

    ದೀಪಾವಳಿಯು ಸಮೀಪಿಸಿದ್ದಿತು. ದೀಪಾವಳಿಯನ್ನು ನಾವು ಪಂಚಾಗ ನೋಡದೆ ತಿಳಿದುಕೊಳ್ಳಬಹುದು. ಅದು ಹೇಗೆ? ದೀಪಾವಳಿ ಪೂರ್ವರಂಗದ ಸುಳಿವು ನಮಗೇ ಗೊತ್ತೇ ಆಗುವದು. ಮನೆಯಲ್ಲಿ ಕರಚೀ ಕಾಯಿ, ಚಿರೋಟಿಗಳನ್ನು ಕರಿಯುವ… Read more…

  • ಅಜ್ಜಿ-ಮೊಮ್ಮಗ

    ಅಜ್ಜವಿ-ಮೊಮ್ಮಗ ಇದ್ರು. ಅವ ಅಜ್ಜವಿಕಲ್ ಯೇನೆಂದ? "ತಾನು ಕಾಶಿಗೆ ಹೋಗಬತ್ತೆ. ಮೂರ ರೊಟ್ಟಿ ಸುಟಕೊಡು" ಅಂತ. "ಮಗನೇ, ಕಾಶಿಗೆ ಹೋದವರವರೆ, ಹೋದೋರ ಬಂದೋರಿಲ್ಲ. ನೀ ಕಾಶಿಗೆ ಹೋಗ್ವದೆ… Read more…

  • ದಾರಿ ಯಾವುದಯ್ಯಾ?

    ಮೂವತೈದು ವರ್‍ಷಗಳ ನಂತರ ಅಮಲ ನಿನ್ನೂರಿಗೆ ಬರುತ್ತಿದ್ದೇನೆ ಅಂತ ಫೋನ ಮಾಡಿದಾಗ ಮೃಣಾಲಿನಿಗೆ ಆಶ್ಚರ್‍ಯ ಮತ್ತು ಆತಂಕ ಕಾಡಿದವು. ಬರೋಬ್ಬರಿ ಮೂವತ್ತೈದು ವರ್ಷಗಳ ಹಿಂದೆ ವಿಶ್ವವಿದ್ಯಾಲಯದ ಕ್ಯಾಂಪಸ್… Read more…

  • ದೋಂಟಿ ತ್ಯಾಂಪಣ್ಣನ ಯಾತ್ರಾ ಪುರಾಣವು

    ಸುಮಾರು ಆರೂವರೆ ಅಡಿಗಿಂತಲೂ ಎತ್ತರಕ್ಕೆ ಗಳದ ಹಾಗೆ ಬೆಳೆದಿರುವ ದೋಂಟಿ ತ್ಯಾಂಪಣ್ಣನು ತನ್ನ ದಣಿ ಕಪಿಲಳ್ಳಿ ಕೃಷ್ಣ ಮದ್ಲೆಗಾರರ ಮನೆ ಜಗಲಿಯಲ್ಲಿ ಮೂಡು ಸಂಪೂರ್ಣ ಆಫಾಗಿ ಕೂತಿದ್ದನು.… Read more…

  • ಆಮಿಷ

    ರಮಾ ಕುರ್ಚಿಯನ್ನೊರಗಿ ಕುಳಿತಿದ್ದಳು. ದುಃಖವೇ ಮೂರ್ತಿವೆತ್ತಂತೆ ಕುಳಿತಿದ್ದ ಅವಳ ಹೃದಯದಲ್ಲಿ ಭೀಕರ ಕೋಲಾಹಲ ನಡೆದಿತ್ತು. ಕಣ್ಣುಗಳು ಆಳಕ್ಕಿಳಿದಿದ್ದವು. ದೇಹದ ಅಣು ಅಣುವೂ ನೋವಿನಿಂದ ಮಿಡಿಯುತ್ತಿತ್ತು. "ತಾನೇಕೆ ದುಡುಕಿಬಿಟ್ಟೆ?… Read more…