ಏನ ಮಾಡಿ ಒಗದ್ಯೋ, ಯಾತರಿಂದ ಮಾಡಿ ಒಗದ್ಯೋ, ತಂದೆ!
ಇವನು ಎಷ್ಟು ಹಂಡ ಬಂಡ, ಎಷ್ಟು ಅಡಸಲ ಬಡಸಲ,
ಬೆಳದಂಗೆಲ್ಲಾ ಬಿಚಿಗೆಂಡು ಹೊಂಟಂಗೆ ಯಾವ್ದೋ ಕಗ್ಗಂಟು,
ಎಲ್ಲಾ ಗೊತ್ತಾಗಿತ್ತೇನೊ ಅನುವಂಗೆ
ಒಂದೊಂದೇ ಕಂಡಿ, ಒಂದೊಂದೇ ಗುಳ್ಳೆ, ಒಂದೊಂದೇ ಹುಳುಕು,
ಈಟೀಟಗಲ ಬೆಳೆದು ಕಣ್ಬಿಡುತಾವೆ
ಬೆಳ್ಳಗಿದ್ದ ಬೆಳದಿಂಗಳ ಮೈಮನಸೆಲ್ಲಾ
ಕರೀ ನೆಳ್ಳು ತ್ಯಾಪಿ ಹಚಿಗೆಂಡು ಮುಚಿಗೆಂಡು
ಎಂಥೆಂಥದೋ ಮಾಡರ್ನ್ ಆರ್ಟಾಗಿ ಅರ್ಥಹೀನಾಗ್ತಾವೆ
ಯಾವ್ಯಾವೊ ಹಗ್ಗಾ ಅತ್ತಾಗಿತ್ತಾಗ ಜಗ್ಗಿ
ಈ ಗೊಂಬೀನ ಅಷ್ಟಾವಕ್ರ ಮಾಡ್ತಾವೆ
ಸುತ್ತು ನೂರೆಂಟು ಸೆಳೆದಾರಗಳ ಮಧ್ಯದ ಗೂಟದಂಗೆ
ಕೆಸರಾಗಿನ ಮಣ್ಣಿನಗೊಂಬಿ ಅತ್ತಾಗೆ ಇತ್ತಾಗೆ ಅಂತ
ಪರಿಣಾಮದ ಕಲೆಗಳನ್ನ ಹೊಸದಾಗಿ ಜೋಡಿಸಿಕೊಂತಾತೆ
ಉಬ್ತದೆ, ಕುಗ್ತದೆ, ಹಬ್ತದೆ, ಆದರೂ
ತಂದೇ ಒಂದ ರೀತಿ ಮಕಾ ಮಾಡಿಕೆಂಡು ನಿಲ್ತದೆ
ನಿಂತೇ ಇರ್ತದೆ ಬೀಳೋವರೆಗೆ
ಆ ತಾಯಿ ಈ ತಾಯಿ ಮುತ್ತೈದೇರ ಮಗಾ
ಅನ್ನದೆಲ್ಲಾ ಸುಳ್ಳಾಗಿ ಎಷ್ಟೆಷ್ಟ ಮಂದಿ ಹಾದರದಾಗ
(ಆಹಾರದಾಗ), ಒಂದು ಅಶ್ಲೀಲ ಮುದ್ಯಾಗಿ
ಕರಗಿ ಹೋಗ್ತದೆ, ಎಂದೆಂದಿಗೊ ಬಂದ
ಈ ಕೊಚ್ಚೆ ರೊಚ್ಚೆ ಹೊಳಿಯಾಗೆ
*****
Related Post
ಸಣ್ಣ ಕತೆ
-
ಹೃದಯ ವೀಣೆ ಮಿಡಿಯೆ….
ಒಂದು ವಾರದಿಂದಲೇ ಮನೆಯಲ್ಲಿ ತಯಾರಿ ನಡೆದಿತ್ತು. ತಂಗಿಯನ್ನು ನೋಡಲು ಬೆಂಗಳೂರಿನಿಂದ ವರ ಬರುವವನಿದ್ದ. ಗೋಪಿ ಅವಳನ್ನು ಆ ವರನ ಹೆಸರೆತ್ತಿ ಚುಡಾಯಿಸುತ್ತಿದ್ದ, ರೇಗಿಸುತ್ತಿದ್ದ. ಅವಳ ಕೆನ್ನೆ ಕೆಂಪಗೆ… Read more…
-
ದುರಾಶಾ ದುರ್ವಿಪಾಕ
"ಒಳ್ಳೇದು, ಅವನನ್ನು ಒಳಗೆ ಬರಹೇಳು" ಎಂದು ಪ್ರೇಮಚಂದನು- ಘನವಾದ ವ್ಯಾಪಾರಸ್ಥನು- ಆಢ್ಯತೆಯಿಂದ, ತಾನು ಆಡುವ ಒಂದೊಂದು ಶಬ್ದವನ್ನು ತೂಕಮಾಡಿ ಚಲ್ಲುವಂತೆ ಸಾವಕಾಶವಾಗಿ ನುಡಿದನು. ಬಾಗಿಲಲ್ಲಿ ನಿಂತಿದ್ದ ವೃದ್ಧ… Read more…
-
ಗೃಹವ್ಯವಸ್ಥೆ
ಬೆಳಗು ಮುಂಜಾನೆ ಎಂಟು ಗಂಟೆಗೆ ಹೊಗೆಬಂಡಿಯು XX ಸ್ಟೇಶನಕ್ಕೆ ಬಂದು ನಿಂತಿತು. ಸಂತ್ರಾಧಾರವಾಗಿ ಮಳೆ ಹೊಡೆಯುತ್ತಿರುವದರಿಂದ ಪ್ರಯಾಣಸ್ಥರು ಬೇಸತ್ತು ಗಾಡಿಯಿಂದ ಯಾವಾಗ ಇಳಿಯುವೆವೋ ಎಂದೆನ್ನುತ್ತಿದ್ದರು. ನಿರ್ಮಲಾಬಾಯಿಯು ಅವಳ… Read more…
-
ಗ್ರಹಕಥಾ
[ಸತಿಯು ಪತಿಯ ಹಾಗೂ ಪತಿಯು ಸತಿಯ ಮನೋವೃತ್ತಿಗಳನ್ನು ಅರಿತು ಪರಸ್ಪರರು ಪರಸ್ಪರರನ್ನು ಸಂತೋಷಗೊಳಿಸಿದರೆ ಮಾತ್ರ ಸಂಸಾರವು ಉಭಯತರಿಗೂ ಸುಖಮಯವಾಗುತ್ತದೆ ಹೊರತಾಗಿ, ಅವರಲ್ಲಿ ಯಾರಾದರೊಬ್ಬರು ಅಹಂಭಾವದಿಂದ ಪ್ರೇರಿತರಾಗಿ, ಪರರ… Read more…
-
ನಂಬಿಕೆ
ಮಧ್ಯರಾತ್ರಿ ನಿದ್ದೆಯಿಂದ ಎಚ್ಚೆತ್ತ ಕಾದ್ರಿ ಒಮ್ಮೆ ಎಡಕ್ಕೆ ಮತ್ತೊಮ್ಮೆ ಬಲಕ್ಕೆ ಹೊರಳಾಡಿದ. ಹೂ... ಹೂ.... ನಿದ್ರೆ ಬರಲಾರದು. ಎದ್ದು ಕುಳಿತು ಪಕ್ಕದ ಚಾಪೆಯತ್ತ ಕಣ್ಣಾಡಿಸಿದ ಪಾತು ಅವನ… Read more…