ಕನ್ನಡ ನಲ್ಬರಹ ತಾಣ
ನೀನೆಲ್ಲೋ ನಾನೆಲ್ಲೋ
ದೂರದೂರವಾಗಿ
ಕಾಯುವೆವು ಕೂಡಲೆಂದು
ಹೃದಯ ಭಾರವಾಗಿ
ಜೊತೆಯಾಗಿರಲು ಇರುತಿತ್ತೇ
ಇಂಥ ತೀವ್ರಧ್ಯಾನ?
ನೆಲದ ಮಿತಿಯ ಮೀರಿದಂಥ
ಸೂರ್ಯಚಂದ್ರ ಕಾಣದಂಥ
ಕಲ್ಪನೆಗಳ ಯಾನ?
ಇಂಥ ಪ್ರೀತಿಯೊ೦ದಕೇ
ತಾಳಬಲ್ಲ ಕೆಚ್ಚು,
ಬೇಡಿದೊಡನೆ ಬಾರದೆ
ಹಾಗೆಂದೇ ಸಾಯದೆ
ಉಳಿಯುವುದೀ ಹುಚ್ಚು.
ಸಿಕ್ಕೂ ಸಿಗದೆ ಕಾಡುವ
ಪ್ರೀತಿಯನ್ನು ಪಡೆದೆವು,
ತ್ಯಾಗವಿರದೆ ಉಳಿಯದ
ವಿರಹವಿರದೆ ಬೆಳೆಯದ
ಹುಚ್ಚೊಂದನು ಕಡೆದೆವು
*****
“ವತ್ಸಲಾ……..!” ನಿಟ್ಟುಸುರಿನೊಂದಿಗೆ ಕುಮಾರನು ಆರಾಮ ಕುರ್ಚಿಯ ಮೇಲೆ ದೊಪ್ಪನೆ ಬಿದ್ದು ಕೊಂಡನು. ಚಿಕ್ಕಬಾಲಕನೊಬ್ಬನು ಕಿಡಿಕಿಯಲ್ಲಿ ಹಣಿಕಿ ಹಾಕಿ “ಕುಮಾರಣ್ಣ” ಎಂದು ಕೂಗಿದಂತಾಯಿತು. ಎದ್ದು ನೋಡುತ್ತಾನೆ; ಕೆಂಪು ಮಸಿಯಿಂದ ವಿಳಾಸ ಬರೆದ...
ಸಿಗರೆಟ್ನ್ನು ಕೊನೆಯ ಸಲ ಎಳೆದು ಬದಿಗಿದ್ದ ಅಶ್ಟ್ರೆಯಲ್ಲಿ ಹಾಕಿದ. ಮೂರು ದಿನಗಳಿಂದ ಹೇಳಲಾಗದಂತಹ ಯಾತನೆ ಅವನನ್ನು ಹಿಂತಿಸುತ್ತಿದೆ. ಇದ್ದಿದ್ದು ಮಿತ್ರನ ಮಾತುಗಳು ಬಂದು ಕಿವಿಗೆ ಅಪ್ಪಳಿಸಿ ಎತ್ತ ನೋಡಿದರೂ ಅವನದೆ ಮುಖ ಕಾಣುತ್ತಿದೆ. “ನಾ ಹೇಳುವದನ್ನು ಅರ್ಥಮಾಡಿ ಕೊಳ್ಳು...
