ನಂದಿಬೆಟ್ಟದ ಮಂಜಿನೊಳಗೆ

ಅಂದುಕೊಂಡಷ್ಟು ಚಳಿ ಏನಲ್ಲ! ಗಾಳಿ ಬಿರುಸು
ನೆಪಕ್ಕೆ ಮಧ್ಯಾಹ್ನ ಆದರೆ ಅಡ್ಡಮಳೆ
ಬೆಟ್ಟದ ಹಸಿರುವಾಸನೆಯೊಳಗೆ
ಪುಕ್ಕಟೆ ಸಿಗುವ ಆಕ್ಸಿಜನ್, ಕುಣಿವ ಸಂಭ್ರಮ
ಆ ಬೆಟ್ಟ ಈ ಬೆಟ್ಟ ಮತ್ತೊಂದು ಬೆಟ್ಟ
ಅವರ ಬಿಟ್ಟು ಇವರ ಬಿಟ್ಟು ನೀನ್ಯಾರು?

ಬೀಡುಬಿಟ್ಟ ಮುಸ್ಸಂಜೆಗೆ
ಕಾಫಿಯದೋ ಕಿಂಗ್‍ಫಿಶರದ್ದೋ ನಗು
ಬೆಟ್ಟದಿಳಿಜಾರಿನ ಮಿನಿ ಮಿನಿ
ಮಿನುಗುವ ದೀಪಗಳ ಕಣ್ಣುಮುಚ್ಚಾಲೆ
ಮೇಲೆಲ್ಲ ಮಂಜುಹೊಗೆಯ
ಓಟದ ಸ್ಪರ್ಧೆಯೇನೋ!
ಶಾಲು ಕೋಟುಗಳೊಳಗೂ ಚಳಿ
ಹುರಿದಕಾಳು ಕುರುಕಲ ಹಪ್ಪಳದ ಶಬ್ದ
ಅದೆಂತಹ ಮೃದು ಅದೆಂತಹ ಹಗುರು
ಅದೆಂತಹ ಸ್ಪರ್ಶ ಅದೆಷ್ಟು ಸೊಗಸು ಈ ಮಾದಕ ಮಂಜು!

ಟೇಬಲ್‌ಮೇಲೆ ಚಿಕನ್‌ಕರಿ
ಬಿಸಿಚಪಾತಿ ತಂದಿಟ್ಟ ಮಾಣಿಗೆ
ಟಿಪ್ಸ್ ಎಷ್ಟಿಡಬಹುದೆನ್ನುವ ಕಾತುರ
ಕಿಟಕಿ ಗ್ಲಾಸಿನ ಹೊರಗೆ ಬೆಕ್ಕು
ಎಲುಬಿಗೆ ತಿಣುಕಾಡುವ
ಮೆತ್ತೆನೆಯ ಕಳ್ಳ ಧ್ವನಿ

ಮಂಜುಕವಿದ ಮುಂಜಾವಿಗೆ
ಸೂರ್ಯ ತೆವಳುತ್ತ ಮೇಲೆದ್ದದ್ದು
ಕಿಟಕಿಯಾಚೆ ಗರಿಕೆ ಹೂವುಗಳಿಗೆ
ಸ್ಫಟಿಕ ಹರಳುಗಳ ಕೂಡಿಡುವಿಕೆಯ ಆಟ
ತುಂಬಿನಿಂತ ಕೆರೆಯೊಳಗೆ
ಸ್ನಾನಕ್ಕಿಳಿದು ಹುಡುಗಿಯರ ಛೇಡಿಸುವ ಸೂರ್ಯ.
*****

Leave a Reply

 Click this button or press Ctrl+G to toggle between Kannada and English

Your email address will not be published. Required fields are marked *

Previous post ಲಿಂಗಮ್ಮನ ವಚನಗಳು – ೯೮
Next post ಹೀಗೂ ಇದ್ದಾರೆ

ಸಣ್ಣ ಕತೆ

  • ಬಲಿ

    ಅವಳು ಭಾಗಶಃ ಚಟ್ಟೆಯಾದ ಕಪ್ಪು ಬಣ್ಣಕ್ಕೆ ತಿರುಗಿದ ಅಲ್ಯೂಮೀನಿಯಂ ತಟ್ಟೆಯೊಳಗೆ ಸ್ವಲ್ಪ ಹಾಲು ಸುರಿದು ಅದಕ್ಕೆ ಸ್ವಲ್ಪ ನೀರನ್ನು ಬೆರೆಸಿ, ಒಲೆಯ ಮೇಲಿಟ್ಟು ಮುಚ್ಚಳ ಮುಚ್ಚಿದಳು. ಒಲೆಯ… Read more…

  • ರಾಧೆಯ ಸ್ವಗತ

    ಈಗ ಸೃಷ್ಟಿಕರ್ತನ್ನು ದೂಷಿಸುತ್ತಾ ಕಾಲ ಕಳೆಯುತ್ತಿದ್ದೇನೆ ಕೃಷ್ಣಾ. ಹೆಂಗಸರಿಗ್ಯಾಕೆ ಅವರ ಪ್ರಿಯಕರರಿಗಿಂತ ಹೆಚ್ಚು ಆಯುಸ್ಸನ್ನು ಅವನು ಕೊಡುತ್ತಾನೋ? ನೀನು ಹೇಳುತ್ತಿದ್ದುದು ಮತ್ತೆ ಮತ್ತೆ ನೆನಪಾಗುತ್ತಿದೆ: "ರಾಧೆ, ಈ… Read more…

  • ಯಿದು ನಿಜದಿ ಕತೀ…

    ಯೀ ಕತೀನ ನಾ... ಯೀಗಾಗ್ಲೇ, ಬರ್ಲೇಬೇಕಾಗಿತ್ತು! ಆದ್ರೆ ನಾ ಯೀತನ್ಕ...  ಯಾಕೆ ಬರ್ಲೀಲ್ಲ? ನನ್ಗೇ ಗೊತ್ತಿಲ್ಲ. ಯಿದು ನಡೆದಿದ್ದು... ೧೯೬೬ರಲ್ಲಿ. ‘ವುಗಾದಿ ಮುಂದೆ ತಗಾದಿ...’ ಅಂಬಂಗೆ,  ವುಗಾದಿ… Read more…

  • ಮತ್ತೆ ಬಂದ ವಸಂತ

    ಚಿತ್ರ: ಆಮಿ ಮೊದಲ ರಾತ್ರಿಯ ಉನ್ಮಾದದಲ್ಲಿದ್ದ ಮಧುವಿನ ಕಿವಿ ಹಿಂಡಿ ಅವಳಂದಳು. ‘ಮಧು, ಇಂದಿನಿಂದ ನಾವು ಗಂಡ - ಹೆಂಡತಿಯಾಗಿರುವುದು ಬೇಡ. ಬದುಕಿನ ಕೊನೆ ತನಕವೂ ಗೆಳೆಯ… Read more…

  • ಪ್ರಕೃತಿಬಲ

    ಮಕರ ಸಂಕ್ರಮಣದ ಮಹೋತ್ಸವದ ದಿವಸವದು, ಸೂರ್ಯನಾರಾಯಣನು ಉತ್ತರಾಯಣನಾಗಿ ಸೃಷ್ಟಿಶೋಭೆಯೆಂಬ ಮಹಾಪ್ರದರ್ಶನ ಸಮಾರಂಭವನ್ನು ಜಗತ್ತಿಗೆ ತೋರಿಸುವನಾದನು. ಈ ಅದ್ವಿತೀಯವಾದ ಪ್ರದರ್ಶನವನ್ನು ನೋಡಲಪೇಕ್ಷಿಸುವವರು ಪರಮ ರಮಣೀಯವಾದ ಬೆಂಗಳೂರು ಪಟ್ಟಣಕ್ಕೆ ಬಂದು… Read more…