ರಾಗಮಿಲನ

ಮುದುವೀಣೆ ತಂತಿಗಳ ಮಿಡಿಮಿಡಿದು ನುಡಿಸಿದೆನು,
ಸ್ವರರಾಗ ಸವಿಸುಧೆಯ ಮಡುವಿನಲಿ ಬೆರೆಸಿದೆನು;

ಚಲುಓಟ, ಬೆರೆಳಾಟ, ಮಿಡಿಯುತಿತು ನುಡಿಯ,
ಮುದುಭಾವ, ಕೊನೆನೋಟ, ಕೂಡುತಿತು ಮನವ;

ನುಡಿಗೆಲವು, ಮೆಲುಚೆಲುವು, ಮೇಳದಲಿ ಸರಿದು,
ಎಡುವಿನಲಿ, ಇಳಿತದಲಿ, ಆಸರಿಸಿ ಮೆರೆದು;

ಅಲೆದಾಟ, ಸೆಳೆದಾಟ, ದಾಯದಲಿ ಸಿಲುಕಿ;
ಪಲ್ಲವದಿ ಲಹರಿಯಲಿ ಮನವಿಟ್ಟು ಮೆಲುಕಿ,

ಮೋದದಲಿ ಕೂಡಿದೆನು ತಾಳದಲಿ ನೋಟ;
ತನ್ಮಯದಿ ರಾಜಿಸಿದೆ ನಾದದಲಿ ಕೂಟ,

ಹೃದಯದಲಿ ಮೀಟುತಿತು ಮಾಗಧನವಾಣಿ,
ವೇಗದಲಿ ನೋಡಿದೆನು ರಾಗ-ಸುಧೆರಾಣಿ;

ಮುದುವೀಣೆ ಮಿಲನದಲಿ ರಂಜಿಸಿದೆ ಭಾರಿ,
ಪ್ರಭೆಮಿರುಗು ವದನದಲಿ ಮೆಲುನಗೆಯ ತೋರಿ.
*****