ನಾದ ವೇದಗಳ ಶಿವೆ
ಭರತ ಮಾತೆಯ ಓಂಕಾರಗೀತೆಯ
ಶಿರೋಮಣಿಗಳ ಮಾತೆಯೆ
ನಿನಗೆ ವಂದನೆ ಶಿವೆ ||
ಆನಂದದನುರಾಗದ ಪದ್ಮಮುಕುಟ
ಶೋಭೆಯೆ ಸುರನರಸೇವಿತೆ
ಸುಂದರಿ ಮಾಧವಿ ಲಾವಣ್ಯಕಾಲವಲ್ಲಭೆ
ನಿನಗೆ ವಂದನೆ ಶಿವೆ ||
ವನಸ್ಪತಿಯ ವೈಭವದ ತಾಣವೆ
ಸುಂದರ ಗಾನ ವಿನೋದವಾಣಿಯೆ
ಸಾಹಿತ್ಯ ಸಂಗೀತ ಸೌಂದರ್ಯೋಪಾಸಕಿ
ನಿನಗೆ ವಂದನೆ ಶಿವೆ||
ವೀರ ಧೀರಶಿರೋಮಣಿಗಳ ಜಾತೆಯೇ
ಕೋಟಿ ಸೂರ್ಯ ತೇಜೋನ್ಮಣಿಯೆ
ಅಮಿತ ಸುರನರ ಪೂಜಿತೆ
ನಿನಗೆ ವಂದನೆ ಶಿವೆ ||
ವೈಭವದಿ ಮೆರೆದ ಕೃಷ್ಣೆ ನೀನು
ಗಂಗಾ ಯಮುನೆ ಗೋದಾವರಿಯೆ
ಸರಸ್ವತಿ ಸಿಂಧು ಗಂಗೆ ತುಂಗೆ ಭದ್ರೆಯೆ
ಜಲ ತರಂಗಿಣಿ ಜೋತಿ ಸ್ವರೂಪಿಣಿ
ನಿನಗೆ ವಂದನೆ ಶಿವೆ ||
*****
