ಹುಷ್ ! ಸದ್ದು!


ಬಾಗಿಲಿಲ್ಲದ ಬಯಲೊಳಗಿಂದ
ಮೆಲ್ಲಗೆ ಬಳುಕುತ್ತಾ ಬಂತು
ಬೆಳಕಿನ ಹೊಳೆ
ಅದರಾಳದಿಂದೆದ್ದ ನೂರಾರು ನಿಹಾರಿಕೆಯರು
ಬೊಗಸೆ ತುಂಬಿ ಸುರಿಸುತ್ತಾರೆ
ಬಣ್ಣದ ಬೆಳಕಿನ ಮಳೆ.

ಹೇಳಿಕೊಳ್ಳಲು ಊರಿಲ್ಲದ
ಊರಿಕೊಳ್ಳಲು ಬೇರಿಲ್ಲದ
ಸೋರಿಕೊಳ್ಳಲು ನೀರಿಲ್ಲದ
ಬೆಳಕಿನ ಹೊಳೆಯಲಿ
ಬರಿದೇ ತೇಲುವ
ಮಿನುಗು ತಾರೆಯರ
ಮೈ ತುಂಬಾ ಕಣ್‌ ಕೋರೈಸುವ ಬೆಳಕು
ಚೆಲುವು – ಒಲವು ಮೇಳೈಸಿ ನಿಂತ ರೂಪು
ಕನಸಿನ ಲೋಕದಿಂದ
ತುಂಡರಿಸಿ ಬಿದ್ದುದೇ ಈ ಮಿಣುಕು!


ಕುತ್ತಿಗೆಗೆ ಬಿಗಿದ
ಹಗ್ಗ ಮತ್ತೆ ಮತ್ತೆ
ತುಂಡರಿಸಿ ಜೀವ ಭಕ್ಷಿಸು ಪಡೆದ
ಮುಗ್ಧ ಕಂದನಿಗೆ ಬೆಳಕಿನಾಸೆ
ಎಂದೂ ಯಾರೊ ಕಾಣದ ಕನಸು ಕಾಣುವಾಸೆ.


ಬೆಳಕು ಬೇಕೆ ಬೆಳಕು?
ಕನಸು ಬೇಕೇ ಕನಸು?
ಸೆರಗಿನ ತುಂಬಾ ಬೆಳಕು – ಕನಸು ಹಿಡಿದು
ಸುಮ್ಮನೆ ಕೆಣಕು
ಮೈನವಿರೇಳುವ ಪಿಸುಗು
ಬೆಳಕಿನ ಗುತ್ತಿಗೆ ಪಡೆದ
ಬೆಡಗಿನ ನಿಹಾರಿಕೆಯೆರದು!


ಬೇಕು – ಬೇಡಗಳ ಪ್ರಶ್ನೆ ನೆವಕ್ಕಷ್ಟೇ
ಬಣ್ಣವಿಲ್ಲದ ಬರೀ ಬೆಳಕಿನ
ನಗೆಗೇ – ಬಗೆಗೇ ಸೋತ ಕಂದನ
ಪ್ರೀತಿಯಿಂದ ತಬ್ಬಿ
ಎದೆಯ ಕಣ್ಣೀರು ಒರೆಸಿ
ಸುಮ್ಮಸುಮ್ಮನೆ ಒಲವು ಹರಿಸಿ
ಬೇಡವೆಂದರೂ ಬೆಳಕಿನ ನೀರು ಸುರಿಸಿ
ಅವನ ತೋಯಿಸುತ್ತಾರೆ
ಮೀಯಿಸುತ್ತಾರೆ
ಲಾಲಿ ಹಾಡಿ ತಬ್ಬಿ ಮೆಲ್ಲಗೆ
ಮಲಗಿಸುತ್ತಾರೆ.


ಹುಷ್! ಸದ್ದು!
ಕಂದನೀಗ ಬೆಳಕಿನಮೃತ ಹೀರುತ್ತಾ
ಬೆಳೆಯುತ್ತಿದ್ದಾನೆ
ಬೆಳಕಾಗುತ್ತಿದ್ದಾನೆ!
ಬೆಳಕಿನ ಕನಸಾಗುತ್ತಿದ್ದಾನೆ!
*****

Leave a Reply

 Click this button or press Ctrl+G to toggle between Kannada and English

Your email address will not be published. Required fields are marked *

Previous post ಪಿಸುಣನಿಗೆ ಉಪಕಾರ
Next post ಹೊಟ್ಟೆಪಾಡು

ಸಣ್ಣ ಕತೆ

  • ಮುಗ್ಧ

    ಆಲೀ........ ಏ ಆಲೀ........ ಐಸಮ್ಮ ಮಗನನ್ನು ಎಷ್ಟು ಜೋರಾಗಿ ಕರೆದರೂ ಆಲಿಯಿಂದ ಉತ್ತರ ಬರಲಿಲ್ಲ. ಒಂದು ಕಡೆ ಕತ್ತಲೆಯಾಗುತ್ತಾ ಬರುತ್ತಿದೆ. ಬೀಡಿ ಕಟ್ಟುಗಳನ್ನು ಸಂಜೆಯ ಒಳಗೆ ಬ್ರಾಂಚಿಗೆ… Read more…

  • ಜಡ

    ಮಾರಯ್ಯನನ್ನು ಅವನ ಹಳ್ಳಿಯಲ್ಲಿ ಹಲವರು ಹಲವು ಹೆಸರುಗಳಿಂದ ಕರೆಯುತ್ತಿದ್ದರು. ಹಾಗಾಗಿ ಅವನ ನಿಜವಾದ ಪೂರ್ತಿ ಹೆಸರು ಮಾರಯ್ಯನೆಂಬುವುದು ಸಮಯ ಬಂದಾಗ ಅವನಿಗೆ ಒತ್ತಿ ಹೇಳಬೇಕಾಗಿ ಬರುತ್ತಿತ್ತು. ಅಂತಹ… Read more…

  • ಬಾಳ ಚಕ್ರ ನಿಲ್ಲಲಿಲ್ಲ

    ತಂದೆಯ ಸಾವು ಕುಟುಂಬವನ್ನೇ ಬೀದಿಪಾಲು ಮಾಡಿತು. ಹೊಸಪೇಟೆಯ ಚಪ್ಪರದ ಹಳ್ಳಿಯಲ್ಲಿ ವಾಸವಾಗಿದ್ದ ಇಮಾಮ್ ಸಾಬ್ ಹಾಗೂ ಝೈನಾಬ್ ದಂಪತಿಗಳಿಗೆ ೬ ಹೆಣ್ಣು ಮಕ್ಕಳು, ಒಂದು ಗಂಡು ಮಗು.… Read more…

  • ಗಿಣಿಯ ಸಾಕ್ಷಿ

    ಹತ್ತಿರವಿದ್ದ ನೆರೆಹೊರೆಯ ಮನೆಯವರಿಗೆ ಗಿಣಿಯ ಕೀರಲು ಕಿರುಚಾಟ ಕೂಗಾಟ ಸತತವಾಗಿ ಕೇಳಿಬಂದಾಗ ಅವರು ಅಲ್ಲಿಗೆ ಧಾವಿಸಿ ಬಂದಿದ್ದರು. ಗೌರಿಯು ಕಳೇಬರವಾಗಿ ಬಿದ್ದಿರುವುದು ನೋಡಿ ಅವರಿಗೆ ದಿಗ್ಭ್ರಾಂತಿಯಾಯಿತು. ಅವಳ… Read more…

  • ಹನುಮಂತನ ಕಥೆ

    ಹರಿಹರಯದ ಆ ಸಂದರ ಹುಡುಗಿ ದಿನವೂ ಅರಳೀ ಕಟ್ಟೆಗೆ ಬಂದು ಯಾರಿಗಾಗಿ ಕಾಯುತ್ತಾಳೆ? ಎಂದು ಯೋಚಿಸುವಾಗ ಅವಳ ಪ್ರಿಯತಮ ಬಂದು ಕುಳಿತ. ಅವನು ಅವಳ ತೊಡೆ ಏರಿದ… Read more…

cheap jordans|wholesale air max|wholesale jordans|wholesale jewelry|wholesale jerseys