ಗಳಿಗೆಬಟ್ಟಲ ತಿರುವುಗಳಲ್ಲಿ – ೭೫
ಪ್ರಶ್ನೆ ಆರೋಪ ಮಿಥ್ಯೆ ವಿಪ್ರಲಾಪ ಎಲ್ಲವ ಮೌನದಿ ಮೀರಿದೆ ರೊಟ್ಟಿ ತಣ್ಣಗೆ. ನಗುತ್ತದೆ ಒಳಗೇ ಸಣ್ಣಗೆ. ಪ್ರತಿಭಟನೆಯ ಹೊಸಹಾದಿ ಅರಿವಿಲ್ಲ ಹಸಿವೆಗೆ *****
ಗಳಿಗೆಬಟ್ಟಲ ತಿರುವುಗಳಲ್ಲಿ – ೭೪
ಗೋಲು ಗೋಲು ಗೋಲಾಕಾರ ಪರಿಭ್ರಮಿಸುವ ರೊಟ್ಟಿ ಬೀದಿಯಳೆಯುತ್ತಲೇ ಒಳಗೆ ಬೆಳೆಯುತ್ತಲೇ ಬತ್ತಲಾಗುತ್ತದೆ. ಆ ಮಹಾ ಬೆಳಕಿನಲಿ ಮಿಂದು ತಣಿಯುತ್ತದೆ ವಿರಕ್ತಿಯಲಿ ಅಂತರಂಗ ಮಾಗಿಸಿ ತಾನು ತಾನಲ್ಲವೆಂಬಂತೆ ಬಹಿರಂಗದಲಿ […]
ಗಳಿಗೆಬಟ್ಟಲ ತಿರುವುಗಳಲ್ಲಿ – ೭೩
ಧಗಧಗಿಸುವ ಒಲೆಯ ಮೇಲೆ ರೊಟ್ಟಿ ಬೇಯಿಸಲು ಕೂತ ಕಾವಲಿಗೆ ತನ್ನಿಂದ ರೊಟ್ಟಿಯ ಹುಟ್ಟೋ ಹಸಿವು ಪೊರೆ ಕಳಚಿ ಬಯಲಾಗುವ ಸಾವಿನ ಗುಟ್ಟೋ ಬರಿದೆ ಜಿಜ್ಞಾಸೆ. *****
ಗಳಿಗೆಬಟ್ಟಲ ತಿರುವುಗಳಲ್ಲಿ – ೭೨
ಅಮೂರ್ತ ಹಸಿವೆ ಹಿಂಗಿಸಲು ಮೂರ್‍ತ ರೊಟ್ಟಿ ಸದಾ ಸಿದ್ದ. ಈ ಮೂರ್ತದೊಡಲಿನ ಅಮೂರ್ತ ಹಸಿವು ಜ್ವಲಿಸುವ ಕಾವು ರೊಟ್ಟಿಗೂ ಹಸಿವು. *****
ಗಳಿಗೆಬಟ್ಟಲ ತಿರುವುಗಳಲ್ಲಿ – ೭೧
ಒಂದಿಷ್ಟು ಬೆರಗು ಕುತೂಹಲ ಮುಗ್ಧತೆಯ ಮಿಡಿಯುವ ರೊಟ್ಟಿ ಆರ್‍ದತೆಯಲಿ ಸದಾ ಜೀವಂತ ಹಸಿವು ತನ್ನೊಳಗಿನ ತೀಕ್ಷ್ಣತೆಯಿಂದಲೇ ಅಸ್ವಸ್ಥ. *****
ಗಳಿಗೆಬಟ್ಟಲ ತಿರುವುಗಳಲ್ಲಿ – ೭೦
ಕ್ಷಣಕ್ಷಣದ ಆವರಣದಲ್ಲಿ ಕಣವಾಗುವ ರೊಟ್ಟಿ ಅಪಾರ ಲಭ್ಯತೆಗಳಲಿ ಅಧಿಕವಾಗುವ ಹಸಿವು ಪೂರ್ಣತೆ ಶೂನ್ಯತೆಗಳು ಏಕಕಾಲಕ್ಕೆ ರೊಟ್ಟಿಯ ಎರಡು ಮುಖಗಳು ಹಸಿವಿನೆರಡು ಆಶಯಗಳು. *****
ಗಳಿಗೆಬಟ್ಟಲ ತಿರುವುಗಳಲ್ಲಿ – ೬೯
ತನ್ನಂತೆಯೇ ರೂಪಿಸಲು ರೊಟ್ಟಿಯನ್ನು ಬಡಿಬಡಿದು ಅದೆಷ್ಟು ಚೆಂದಗೆ ಹದಗೊಳಿಸುತ್ತದೆ ಹಸಿವು. ರೊಟ್ಟಿಯೀಗ ಹೊರನೋಟಕ್ಕೆ ಹಸಿವಿನದೇ ಪ್ರತಿಬಿಂಬ ಒಳಗು ಮಾತ್ರ ಆತ್ಮಪ್ರತ್ಯಯದಲಿ ಜ್ವಲಿಸುವ ಮೂಲ ಬಿಂಬ. *****
ಮನಸಿಗೆ ಪಾಠ
ಪ್ರಿಯ ಸಖಿ, ದುಃಖತಪ್ತ ಶಿಷ್ಯನೊಬ್ಬ ತನ್ನ ಗುರುವಿನ ಬಳಿಗೆ ಬಂದು ಗುರುಗಳೇ ಈ ಪ್ರಪಂಚದಲ್ಲಿ ನನ್ನನ್ನು ಯಾರೂ ಪ್ರೀತಿಸುವವರಿಲ್ಲ. ನಾನು ಯಾರಿಗೂ ಬೇಕಾಗಿಲ್ಲ. ನನ್ನನ್ನು ಯಾರೂ ಅರ್ಥಮಾಡಿಕೊಳ್ಳುತ್ತಿಲ್ಲ. […]
ಗಳಿಗೆಬಟ್ಟಲ ತಿರುವುಗಳಲ್ಲಿ – ೬೮
ನಿರಾಕಾರವೆಂಬೋ ಹಸಿವು ಆಕಾರವೆಂಬೋ ರೊಟ್ಟಿ ನುಂಗಿ ಆಕಾರಕ್ಕೆ ನಿರಾಕಾರ ದರ್‍ಶನ ನಿರಾಕಾರಕ್ಕೆ ಆಕಾರ ದರ್ಪಣ. *****
ಗಳಿಗೆಬಟ್ಟಲ ತಿರುವುಗಳಲ್ಲಿ – ೬೭
ಹಸಿವಿನ ಕಂದನ ರೊಟ್ಟಿಯೆಂಬೋ ಮಹಾತಾಯಿ ಒಡಲೊಳಗಿರಿಸಿ ಎದೆಗಪ್ಪಿ ಸಂತೈಸಿದರೆ ಹಸಿವೆಗೆ ಉಸಿರುಕಟ್ಟುತ್ತದೆ. ಗಾಳಿಯಲಿ ತೂರಿ ಬಯಲಿಗೆ ಬಿಟ್ಟರೆ ಕಂಗೆಟ್ಟು ದಿಕ್ಕು ತಪ್ಪುತ್ತದೆ. ರೊಟ್ಟಿಗೆ ದಿಗ್ಭ್ರಮೆ. *****