ಕನ್ನಡ ನಲ್ಬರಹ ತಾಣ
ಬಾರ ಬಾರ ದೇವ ಬಾರ
ತಾರ ತಾರ ಬೆಳಕ ತಾರ
ಬಾಳ ತಮವ ಕಳೆಯ ಬಾರ
ತಿಳಿವ ದೀಪ ಬೆಳಗು ಬಾರ || ಪ ||
ದೇಶದ ಮನೆ ಕಸುವು ತುಂಬಿ
ವಾಸನೆಯಲಿ ಮಲಿನ
ವಾಸ ಮಾಡುವಂತೆ ಮಾಡೊ
ಶುದ್ಧಗೊಳಿಸಿ ಜನಮನ || ೧ ||
ಅಂಧ ಶ್ರದ್ಧೆ ಕೂಪಗಳಲಿ
ಕೊಳೆಯುವವರ ನೋಡಿದೊ
ಮುಂದುಗಾಂಬ ತಿಳಿವನಿತ್ತು
ಮೇಲಕೆತ್ತು ಹೇ ಪ್ರಭೋ || ೨ ||
ಹದ್ದು ನಾಯಿನರಿಗಳೆಲ್ಲ
ಹಸುಗೂಸನು ತಿನ್ನುತಿಹವು
ಎದ್ದು ಬಾರೊ ತಾಯಿಯಂತೆ
ಅಜ್ಞ ಜನರ ಕಾಯಲು || ೩ ||
ಜಾತಿ ಮತದ ಗೋಡೆಗಳಲಿ
ಮೇಲುಕೀಳು ಜಗಳವಾಡಿ
ನೀತಿ ನ್ಯಾಯ ಕಳೆದ ಜನರ
ಕೋತಿ ಮನವ ತಿದ್ದಲು || ೪ ||
*****
“ವತ್ಸಲಾ……..!” ನಿಟ್ಟುಸುರಿನೊಂದಿಗೆ ಕುಮಾರನು ಆರಾಮ ಕುರ್ಚಿಯ ಮೇಲೆ ದೊಪ್ಪನೆ ಬಿದ್ದು ಕೊಂಡನು. ಚಿಕ್ಕಬಾಲಕನೊಬ್ಬನು ಕಿಡಿಕಿಯಲ್ಲಿ ಹಣಿಕಿ ಹಾಕಿ “ಕುಮಾರಣ್ಣ” ಎಂದು ಕೂಗಿದಂತಾಯಿತು. ಎದ್ದು ನೋಡುತ್ತಾನೆ; ಕೆಂಪು ಮಸಿಯಿಂದ ವಿಳಾಸ ಬರೆದ...
ಸಿಗರೆಟ್ನ್ನು ಕೊನೆಯ ಸಲ ಎಳೆದು ಬದಿಗಿದ್ದ ಅಶ್ಟ್ರೆಯಲ್ಲಿ ಹಾಕಿದ. ಮೂರು ದಿನಗಳಿಂದ ಹೇಳಲಾಗದಂತಹ ಯಾತನೆ ಅವನನ್ನು ಹಿಂತಿಸುತ್ತಿದೆ. ಇದ್ದಿದ್ದು ಮಿತ್ರನ ಮಾತುಗಳು ಬಂದು ಕಿವಿಗೆ ಅಪ್ಪಳಿಸಿ ಎತ್ತ ನೋಡಿದರೂ ಅವನದೆ ಮುಖ ಕಾಣುತ್ತಿದೆ. “ನಾ ಹೇಳುವದನ್ನು ಅರ್ಥಮಾಡಿ ಕೊಳ್ಳು...
