ಎಲ್ಲಿ ಹುಡುಕಲಿ

ಎಲ್ಲಿ ಹುಡುಕಲಿ ತಾಯಿ ಎಂತು ಹುಡುಕಲೀ
ಕಲ್ಲು ಮನವ ಮಾಡಿಕೊಂಡು ಎಲ್ಲೋ ಏನೊ ಕುಳಿತುಕೊಂಡಿ || ಪ ||

ಭೂಮಿ ಸೀಮೆಯೆಲ್ಲ ಸುತ್ತಿ ಸೂರೆ ಮಾಡಲೆ
ಗಗನದಾಳಕೇರಿ ಚಿಕ್ಕೆಗಳಲಿ ಹುಡುಕಲೆ
ಸಸ್ಯ ಜೀವರಾಶಿಗಳಲಿ ಎಣಿಸಿ ಗುಣಿಸಲೆ
ಜ್ಞಾನ ಸಾಗರದಲೀಜಿ ಹರವ ನೋಡಲೆ || ೧ ||

ಗಾನದೆಳೆಯ ಹಿಡಿದು ನಾದಲೋಕ ಸೇರಲೆ
ಮೌನವಾಗಿ ಕುಳಿತು ಧ್ಯಾನ ತಪವ ಗೈಯಲೆ
ವರ್ಣರೇಖೆ ನ್ಯಾಸಗಳಲಿ ಕೆದಕಿ ಕಾಣಲೆ
ಲಕ್ಷ್ಮಿಯೊಡನೆ ನೂರು ದಾರಿಗಳಲಿ ಕುಣಿಯಲೆ || ೨ ||

ಕರ್ಮದೊಡನೆ ಮುಳುಗಿ ಜಗವ ಮರೆತು ದುಡಿಯಲೆ
ಹೃದಯ ಹೂವುಗಳನು ಹೊಕ್ಕು ಪ್ರೇಮ ಕುಡಿಯಲೆ
ಕಠಿಣಕಲ್ಲ ಕೆಣಕಿ ಒಳಗೆ ಮೂರ್ತಿ ನೋಡಲೆ
ಎಲ್ಲ ಬಿಟ್ಟು ಅಡವಿ ಸೇರಿ ಬೆಡಗ ಬೆದಕಲೆ || ೩ ||

ಭಿಕ್ಷೆಯಿಂದ ಲಕ್ಷ ಲಕ್ಷ ಮನೆಯ ತಿರಿಯಲೆ
ಬೋಧೆಯಿಂದ ಕಲಿತು ಕಲಿಸಿ ಕಲೆತು ಹೋಗಲೆ
ಶೋಧದಿಂದ ತಿಣುಕಿ ಇಣುಕಿ ಸತ್ಯವರಸಲೆ
ಬಾಧೆ ಪಡುವ ಜೀವಿಗಳಿಗೆ ತಂಪನೆರಚಲೆ || ೪ ||

ಎಷ್ಟೊ ತಿಂದು ಎಷ್ಟೋ ಕುಡಿದು ಹಸಿವು ತೀರದು
ನಿನ್ನ ಕಾಣದಂತೆ ಎಲ್ಲ ಪೂರ್ಣವಾಗದು
ಪ್ರಭುವಿನೊಡನೆ ಸರಸವಾಡುತಿರುವೆ ಮರೆಯೊಳು
ಎಷ್ಟು ಕರೆಯಲಿ ತಾಯಿ ಕಂದ ಕೊರಳೊಳು ||೫||
*****

Leave a Reply

 Click this button or press Ctrl+G to toggle between Kannada and English

Your email address will not be published. Required fields are marked *

Previous post ಯಾಜ್ಞವಲ್ಕ್ಯನೂ ಮೃತ್ರೇಯಿಯೂ
Next post ಹಿಂದೂಮುಸಲ್ಮಾನರ ಐಕ್ಯ – ೪

ಸಣ್ಣ ಕತೆ

  • ಗೋಪಿ

    ವೆಂಕಪ್ಪನ ಜೊತೆಗೆ ಒಂದು ಆಕಳು ಇದ್ದೇ ಇದೆ. ಅವನ ಮನೆಯ ಮುಂದೆ ಯಾವಾಗಲೂ ಅದು ಜೋಲುಮೋರೆ ಹಾಕಿಕೊಂಡು ನಿಂತೇ ನಿಂತಿರುತ್ತದೆ. ದಾರಿಯಲ್ಲಿ ಹೋಗುತ್ತಿದ್ದವರನ್ನು ಮಿಕಿ ಮಿಕಿ ಕಣ್ಣು… Read more…

  • ಬಾಳ ಚಕ್ರ ನಿಲ್ಲಲಿಲ್ಲ

    ತಂದೆಯ ಸಾವು ಕುಟುಂಬವನ್ನೇ ಬೀದಿಪಾಲು ಮಾಡಿತು. ಹೊಸಪೇಟೆಯ ಚಪ್ಪರದ ಹಳ್ಳಿಯಲ್ಲಿ ವಾಸವಾಗಿದ್ದ ಇಮಾಮ್ ಸಾಬ್ ಹಾಗೂ ಝೈನಾಬ್ ದಂಪತಿಗಳಿಗೆ ೬ ಹೆಣ್ಣು ಮಕ್ಕಳು, ಒಂದು ಗಂಡು ಮಗು.… Read more…

  • ಕನಸುಗಳಿಗೆ ದಡಗಳಿರುದಿಲ್ಲ

    ಬೆಳಗ್ಗಿನ ಸ್ನಾನ ಮುಗಿಸಿದ ವೃಂದಾ ತನ್ನ ರೂಮಿಗೆ ಬಂದು ಬಾಗಿಲುಹಾಕಿಕೊಂಡು ಕನ್ನಡಿಯಲ್ಲಿ ತನ್ನ ದೇಹ ಸಿರಿಯನ್ನೊಮ್ಮೆ ನೋಡಿಕೊಂಡಳು. ಯಾಕೋ ಅವಳ ಮೈ - ಮನ ಒಮ್ಮೆ ಪುಲಕಿತವಾಯಿತು.… Read more…

  • ದುರಾಶಾ ದುರ್ವಿಪಾಕ

    "ಒಳ್ಳೇದು, ಅವನನ್ನು ಒಳಗೆ ಬರಹೇಳು" ಎಂದು ಪ್ರೇಮಚಂದನು- ಘನವಾದ ವ್ಯಾಪಾರಸ್ಥನು- ಆಢ್ಯತೆಯಿಂದ, ತಾನು ಆಡುವ ಒಂದೊಂದು ಶಬ್ದವನ್ನು ತೂಕಮಾಡಿ ಚಲ್ಲುವಂತೆ ಸಾವಕಾಶವಾಗಿ ನುಡಿದನು. ಬಾಗಿಲಲ್ಲಿ ನಿಂತಿದ್ದ ವೃದ್ಧ… Read more…

  • ಮಿಂಚಿನ ದೀಪ

    ಸಂಜೆ ಮೊಗ್ಗೂಡೆದಿತ್ತು. ಆಕಾಶದ ತುಂಬೆಲ್ಲಾ ಬಣ್ಣದ ಬಾಟಲಿ ಉರುಳಿಸಿದ ಹಾಗೆ ಕೆಂಪು, ನೀಲಿ ಬಣ್ಣ ಚೆಲ್ಲಿ, ಚಳಿಗಾಲದ ಸಂಜೆಯ ಮಬ್ಬಿನ ತೆಳುಪರದೆಯ ‘ಓಡಿನಿ’ ಎಲ್ಲವನ್ನೂ ಸುತ್ತುವಂತೆ ಪಸರಿಸಿಕೊಂಡಿತ್ತು.… Read more…