ಗೋರಿ

ನನಗೆ ಗೋರಿಯ ತೋಡಿ ನಗುತಿರುವ ಬದುಕೇ
ನಗುವ ನಿಲ್ಲಿಸು ನೀನು ಕೆಣಕಬೇಡ
ಬಾಳೆ, ತೆಂಗಿನ ಕಾಯಿ, ಹೂವೆಲ್ಲ ಸಿಂಗರಿಸಿ
ಗೋರಿ ಬದಿಯಲ್ಲಿ ನನಗೆ ಕಾಯಬೇಡ.

ಎಷ್ಟು ಅಡಿ ಉದ್ದವಿದೆ ಎಷ್ಟು ಅಡಿ ಆಳವಿದೆ.
ನೀನು ಅಗೆದಿರುವ ಗೋರಿ ಹೇಳು ಬದುಕೆ
ಎಷ್ಟೆ ಇದ್ದರು ಉದ್ದ, ಎಷ್ಟೆ ಇದ್ದರು ಆಳ
ಮೀರಿ ಬೆಳೆಯುವ ಬಯಕೆ, ತಾಳು ಬದುಕೆ.

ಹುಟ್ಟು ಸಾವಿನ ಮಧ್ಯೆ ಸೇಡು ಯಾತಕೆ ಬದುಕೆ?
ಕೂತು ಮಾತಾಡೋಣ ಬಾ, ಸ್ನೇಹ ಬೆಳೆಸುವ ಬಯಕೆ.
ಹೇಳು ಬದುಕೆ ಗೋರಿಯೊಳಗೆ ಬಂದುಬಿಡಲೆ ಬೇಗ
ನನಗಾಗಿ ತಾನೆ ನೀನು ಮೀಸಲಿಟ್ಟಿರುವ ಜಾಗ.

ಅಲ್ಲಿ ಕೂತು ಕೈ ಚಾಚಿ ಎದೆಬಳ್ಳಿ ಬಿಡಿಸೋಣ ಬದುಕೆ
ಭೂತದ ಬಣವೆಗೆ ಬಿದ್ದ ಉಂಗುರ ಹುಡುಕೋಣ
ಅಂಗುಲಂಗುಲ ಹತ್ತಿರವಾಗುತ್ತ ಎತ್ತರವಾಗೋಣ.
ಅಗೆದ ಗುಂಡಿಯ ಗುಂಡಿಗೆ ಒಡೆದು ರಕ್ತ ಕಾರುವವರೆಗೆ
ಕತ್ತಲ ಹೊದ್ದು ಬೆಳಕಿನ ಬೀಜ ಬಿತ್ತಿ ಬೆಳೆಯೋಣ.

ಈಗ ಹೇಳು ಬದುಕೆ ಎಲ್ಲಿದೆ ನನ್ನ ಪ್ರೀತಿಯ ಗೋರಿ
ಅದರ ಜೊತೆ ಮಾತಾಡುತ್ತೇನೆ; ಮಲಗುತ್ತೇನೆ
ಗೋರಿಯೊಳಗೊಂದು ಗೂಡು ಕಟ್ಟಿ
ಚಿಲಿಪಿಲಿ ಹಾಡುತ್ತೇನೆ.
*****

Leave a Reply

 Click this button or press Ctrl+G to toggle between Kannada and English

Your email address will not be published. Required fields are marked *

Previous post ಹರಿಯ ಭಜಿಸಿದವರಿಗಿಲ್ಲ
Next post ಅಂತರ್ ಧ್ವನಿ

ಸಣ್ಣ ಕತೆ

  • ಕೇರೀಜಂ…

    ಮಂಜೇಲ್ಮುಂಜೇಲಿ ಯೆದ್ಬೇಗ್ನೇ ಕೇರ್ಮುಂದ್ಗಡೆ ಸಿವಪ್ಪ ಚೂರಿ, ಕತ್ತಿ, ಕುಡ್ಗೋಲು, ಯಿಳ್ಗೆಮಣೆ, ಕೊಡ್ಲಿನ... ಮಸ್ಗೆಲ್ಗೆ ಆಕಿ, ಗಸ್ಗಾಸಾ... ನುಣ್ಗೆ ತ್ವಟ್ವಟ್ಟೇ... ನೀರ್ಬಟ್ಗಾಂತಾ, ಜ್ವಲ್ಸುರ್ಗಿಗ್ಯಾಂತಾ, ಅವ್ಡುಗಚ್ಗೊಂಡೂ ಮಸೆಯತೊಡ್ಗಿದ್ವನ... ಕಟ್ದಿ ತುರ್ಬು,… Read more…

  • ಗೃಹವ್ಯವಸ್ಥೆ

    ಬೆಳಗು ಮುಂಜಾನೆ ಎಂಟು ಗಂಟೆಗೆ ಹೊಗೆಬಂಡಿಯು XX ಸ್ಟೇಶನಕ್ಕೆ ಬಂದು ನಿಂತಿತು. ಸಂತ್ರಾಧಾರವಾಗಿ ಮಳೆ ಹೊಡೆಯುತ್ತಿರುವದರಿಂದ ಪ್ರಯಾಣಸ್ಥರು ಬೇಸತ್ತು ಗಾಡಿಯಿಂದ ಯಾವಾಗ ಇಳಿಯುವೆವೋ ಎಂದೆನ್ನುತ್ತಿದ್ದರು. ನಿರ್ಮಲಾಬಾಯಿಯು ಅವಳ… Read more…

  • ನಿರಾಳ

    ಮಂಗಳೂರಿನ ಟೌನ್‌ಹಾಲಿನ ಪಕ್ಕದಲ್ಲಿರುವ ನೆಹರೂ ಮೈದಾನಿನ ಮೂಲೆಯ ಕಲ್ಲು ಬೆಂಚಿನ ಮೇಲೆ ಕುಳಿತ ಪುರಂದರ ಹಸಿವೆಯನ್ನು ತಡೆಯಲಾರದೆ ತಳಮಳಿಸುತ್ತಿದ್ದ. ಜೇಬಿಗೆ ಕೈ ಹಾಕಿ ನೋಡಿದ. ಬರೇ ಇಪ್ಪತ್ತೇಳು… Read more…

  • ತಿಥಿ

    "ಲೋ ಬೋಸುಡಿಕೆ ನನ್ಮಗನೇ, ಇದು ಕೊನೆಯ ಬಾರಿ ನಿನಗೆ ವಾರ್ನಿಂಗ್ ಕೊಡುತ್ತಾ ಇದ್ದೇನೆ. ಮೂರು ಸಾರಿ ಈ ಜೈಲಿನಿಂದ ನಿನಗೆ ವಿದಾಯ ಕೊಟ್ಟಾಯಿತು. ಇನ್ನು ಹೋಗಿ ನಿನ್ನ… Read more…

  • ಎರಡು…. ದೃಷ್ಟಿ!

    ದೀಪಾವಳಿಯು ಸಮೀಪಿಸಿದ್ದಿತು. ದೀಪಾವಳಿಯನ್ನು ನಾವು ಪಂಚಾಗ ನೋಡದೆ ತಿಳಿದುಕೊಳ್ಳಬಹುದು. ಅದು ಹೇಗೆ? ದೀಪಾವಳಿ ಪೂರ್ವರಂಗದ ಸುಳಿವು ನಮಗೇ ಗೊತ್ತೇ ಆಗುವದು. ಮನೆಯಲ್ಲಿ ಕರಚೀ ಕಾಯಿ, ಚಿರೋಟಿಗಳನ್ನು ಕರಿಯುವ… Read more…