ನಾವು ಮತ್ತು ಹಂದಿಗಳು

ನಮ್ಮೂರಲ್ಲಿ
ಹುಡುಕಬೇಕಾಗಿಲ್ಲ
ಕಣ್ಣು ಹೊರಳಿಸಿದಲ್ಲಿ
ನಾನಾ ಗಾತ್ರ, ಗೋತ್ರದ ಹಂದಿಗಳು.

ಅಸಹ್ಯವೆಂಬುದಿಲ್ಲ
ಕಸ ರಸದ ಬೇಧವಿಲ್ಲ
ಹುಡುಕಿ ಹೋಗಿ ತಿನ್ನುತ್ತವೆ.

ಕೊಚ್ಚೆ, ಚರಂಡಿ
ಈಜುಕೊಳ ಮಾಡಿ
ಮನಸ್ವಿ ಉರುಳಾಡಿ, ಹೊರಳಾಡಿ
ಕೆಟ್ಟದ್ದ ಗಟ್ಟಿಯಾಗಿ ಮೆತ್ತಿಕೊಳ್ಳುತ್ತವೆ.

ಕಸ ತಿನ್ನುತ್ತವೆ
ಕೊಚ್ಚೆ ಮೆತ್ತಿಕೊಳ್ಳುತ್ತವೆ
ವಿಸ್ಮಯ!
ಬದುಕಿವೆ; ಆರೋಗ್ಯವಾಗಿವೆ.

ಕರ್ರಗಿನ
ವಿಕೃತ ಗುಡಾಣಾಕಾರದ ಎದೆ, ಹೊಟ್ಟೆಯಿಂದ
ಸೋರುವ ರಾಡಿ
ನಡೆಯಲ್ಲೆಲ್ಲಾ ರಂಗೋಲಿ ಬಿಡಿಸುತ್ವೆ.

ಕಂಪಳ ಕಟ್ಟಿಕೊಂಡು
ಬೀಗುತ್ತಾ
ಗುಟುರು ಹಾಕುತ್ತಾ
ಸಿಕ್ಕಿದ್ದಕ್ಕೆ ಉಜ್ಜಿ ತೀಟೆ ತೀರಿಸಿಕೊಳ್ಳುತ್ತ
ನಿರ್ಭಯವಾಗಿ ಮೆರೆಯುವವು.

ಭ್ರಷ್ಟಾಚಾರಿಗಳಂತೆ
ಪ್ರಜ್ಞೆ ಸ್ವಾಭಿಮಾನ ರಹಿತ ಕ್ಷುದ್ರ ಜಂತುಗಳು
ಗದರಿಸೆ ತಿರುಗಿ ಬೀಳುವವು
ಮಾರಕ ರೋಗ ವಾಹಕಗಳು
ತೊಡರಿ ತೊಡರಿ ಕಾಡುವವು.

ಸ್ವಾಭಾವಿಕ
ಎಡರು ತೊಡರುಗಳು ನೂರಾರು
ಹಂದಿಗಳು, ಅಂತಹವುಗಳ ಜೊತೆ
ಈಚೀಚೆಗೆ
ವನ್ಯ ಮೃಗಗಳ ಅತಿಕ್ರಮಣ ಬೇರೆ ಸೇರಿ
ಬಾಳು ದಿನೇ ದಿನೇ ಸಮಸ್ಯಾತ್ಮಕವಾಗುತ್ತಿದೆ.

ಇವು ಹೆಚ್ಚಿನವು ನಮ್ಮದೇ ತಪ್ಪಿನ ಫಲ!
ಯಾವುದೇ ಇರಲಿ
ನಮಗೆ ಒಳ್ಳೆಯದು ನಾವೇ ಮಾಡಿಕೊಳ್ಳಬೇಕು
ವಿಚಾರಿಸಬೇಕು
ಬದಲಾಗಬೇಕು; ಮುಂದಾಗಬೇಕು.
*****

Leave a Reply

 Click this button or press Ctrl+G to toggle between Kannada and English

Your email address will not be published. Required fields are marked *

Previous post ಮನೆ “ಮಗಳು” ಗರ್ಭಿಣಿಯಾದಾಗ
Next post ಪ್ರಕೃತಿಯಲ್ಲಿ ದೋಷವಿದೆಯೇ ? ಗುಣವಿದೆಯೇ ?

ಸಣ್ಣ ಕತೆ

  • ದೇವರು ಮತ್ತು ಅಪಘಾತ

    ಊರಿನ ಕೊನೆಯಂಚಿನಲ್ಲಿದ್ದ ಕೆರೆಯಂಗಳದಲ್ಲಿ ಅಣಬೆಗಳಂತೆ ಮೈವೆತ್ತಿದ್ದ ಗುಡಿಸಲುಗಳಲ್ಲಿ ಕೊನೆಯದು ಅವಳದಾಗಿತ್ತು. ನಾಲ್ಕೈದು ಸಾರಿ ಮುನಿಸಿಪಾಲಿಟಿಯವರು ಆ ಗುಡಿಸಲುಗಳನ್ನು ಕಿತ್ತು ಹಾಕಿದ್ದರೂ ಮನುಷ್ಯ ಪ್ರಾಣಿಗಳ ಸೂರಿನ ಅದಮ್ಯ ಅವಶ್ಯಕ… Read more…

  • ತನ್ನೊಳಗಣ ಕಿಚ್ಚು

    ಶಕೀಲಾ ಇನ್ನೂ ಮನೆಗೆ ಬಂದಿಲ್ಲ ಮೈಮೇಲೆ ಮುಳ್ಳುಗಳು ಎದ್ದಂಗಾಗದೆ. ಅಸಲು ಜೀವಂತ ಅದಾಳೋ? ಉಳಿದಾಳೆ ಜಿಂದಾ ಅಂಬೋದಾದ್ರೆ ಎಲ್ಲಿ? ಕತ್ಲೆ ಕವ್ಕತಾ ಅದೆ. ಈಗಷ್ಟೇ ಒಂದು ಗಂಟೆ… Read more…

  • ಕೊಳಲು ಉಳಿದಿದೆ

    ಮಾತಿನ ತೆರೆ ಒಂದು "ನೋಡಿ, ಜನರು ನನ್ನನ್ನು ನೋಡಿ ನಗುತ್ತಾರೆ! ಈ ಬಂಗಾರದ ಕೃಷ್ಣನ ಮೂರ್ತಿ ಇವಳ ಕೈಯಲ್ಲಿ ಯಾವಾಗಲೂ ಏಕೆ ಎಂದು ಕೇಳುತ್ತಾರೆ! ನನ್ನ ಹತ್ತರ… Read more…

  • ಮತ್ತೆ ಬಂದ ವಸಂತ

    ಚಿತ್ರ: ಆಮಿ ಮೊದಲ ರಾತ್ರಿಯ ಉನ್ಮಾದದಲ್ಲಿದ್ದ ಮಧುವಿನ ಕಿವಿ ಹಿಂಡಿ ಅವಳಂದಳು. ‘ಮಧು, ಇಂದಿನಿಂದ ನಾವು ಗಂಡ - ಹೆಂಡತಿಯಾಗಿರುವುದು ಬೇಡ. ಬದುಕಿನ ಕೊನೆ ತನಕವೂ ಗೆಳೆಯ… Read more…

  • ಮೌನವು ಮುದ್ದಿಗಾಗಿ!

    ಮೋಹನರಾಯರು ರಗ್ಗಿನ ಮಸಕು ತೆಗೆದು ಸುತ್ತಲೂ ನೋಡಲು ಇನ್ನೂ ಎಲ್ಲವೂ ಶಾಂತವಾಗಿಯೇ ಇದ್ದಿತು. ಬೆಳಗಿನ ಜಾವವು ಜಾರಿ, ಸೂರ್ಯನು ಮೇಲಕ್ಕೇರಿದುದು ಅವರಿಗೆ ಅರಿವೇ ಇರಲಿಲ್ಲ. ಅಷ್ಟು ಗಾಢ… Read more…