ಎಲ್ಲಿಂದಲೋ ತೇಲಿ ಮೆಲ್ಲನೆ
ಹರಿದು ಬಂದ ರಾಗ, ಹೂವಿನ
ಗಿಡಗಳ ಮೇಲೆ ಹಾರುವ ಚಿಟ್ಟೆ!
ಎದೆ ತುಂಬ ಪರಿವೆ ಇಲ್ಲದ ನೆನಪು,
ಅಂಗಳದಲಿ ಕುಪ್ಪಳಿಸುವ ನೀಲಿಹಕ್ಕಿ,
ಸಾವರ ಸಂತಸದ ಮೋಡಗಳ
ಸಂಚಲನ ಭಾನು!
ಒಮ್ಮೆ ಹೀಗೆ ಸಂತೃಪ್ತದಲಿ
ಹೊಳೆವ ಮನದ ಮಿಂಚು
ಮಾಯವಾಗಿವೆ ಜಗದ
ತಲ್ಲಣಗಳ ಮರೆತ ಮಾತು
ನೀ ಬರುವ ದಾರಿ ಸ್ವಚ್ಛವಾಗಿ ತಿಳಿಯಲಾಗಿದೆ.
ಎಲ್ಲಿಂದಲೋ ಸೂಸಿ ಬಂದ ಸುಹಾಸನೆ
ಕಾಮನ ಬಿಲ್ಲಿನ ರಂಗು
ಚಿಗುರು ಚಿಗುರಲಿ ಹಸಿರು ಕಂಪನ
ರಾಗ ತಾಳಕೆ ಭಾವಗೀತೆ ಹಾಡಿದ ಕೋಗಿಲೆ
ಘಮ್ಮೆಂದು ಸೂಸಿ ತಳಿರು ಹಗುರ
ಗಂಧಗಾಳಿ ಒಡಲ ತುಂಬ ಸೂಸಿ
ಬೆಳದಿಂಗಳ ಸಾಧಕ ಕವಿಗಳು
ಕೆರೆಯ ದಂಡೆಯ ಅಲೆಯಗುಂಟ
ಗಾಳ ಹಾಕಿದ ಹುಡುಗ ತುಂಟ
ಎಲ್ಲ ಪ್ರಶ್ನೆಗಳಿಗೆ ಉತ್ತರ ಕೇಳುವ
ತುಂಟ ಮಗಳು ಕವಿತಾ
ನೀ ನಡೆದು ಬರುವ ದಾರಿಯಲಿ ಯುಗಾದಿ ಸಂಭ್ರಮ.
*****
