ನಿನಗಾಗೇ ಕಾಯುತಿರುವೆ
ನೀನಿಲ್ಲದೆ ನೋಯುತಿರುವೆ
ಮರಳಿ ಮರಳಿ ಬೇಯುತಿರುವೆ
ಓ ಬೆಳಕೇ ಬಾ;
ಬೇರಿಲ್ಲದೆ ಹೂವೆಲ್ಲಿದೆ
ಹೂವಿಲ್ಲದೆ ಫಲವೆಲ್ಲಿದೆ
ನಾನಿರುವೆನೆ ನೀನಿಲ್ಲದೆ
ನಿಜದೊಲವೇ ಬಾ.
ನಿನ್ನನುಳಿದು ಬಾಳೆ ಬರಿದು
ಖಾಲಿ ಮುಗಿಲು ಜಲವೆ ಸುರಿದು
ನನಗೇ ನಾ ತಿಳಿಯಲರಿದು
ತಿಳಿಸಿ ಹೇಳು ಬಾ;
ಪಾಲಾಗಿಹ ಕಾಳು ನಾನು
ದೂರ ಉಳಿದ ಬೇಳೆ ನೀನು
ಕೂಡಿ ಅರ್ಥ ನೀಡುವವನೆ
ಜೋಡಿಯಾಗು ಬಾ.
ಲೆಕ್ಕಕಿರದ ಸೊನ್ನೆ ನಾನು
ಹಿಂದೆ ನಿಂತ ಒಂದು ನೀನು
ನೀನಿಲ್ಲದೆ ಎಲ್ಲಿ ಬೆಲೆ
ನೆಲೆಯ ನೀಡು ಬಾ;
ನಿನ್ನ ಕೂಡಿ ಇಡಿಯಾಗುವೆ
ಮೊಳಕೆಯೆದ್ದು ಗಿಡವಾಗುವೆ
ಹೂವಾಗುವೆ ಹಣ್ಣಾಗುವೆ
ಕಣ್ಮಣಿಯೇ ಬಾ.
*****
ಆಲೀ........ ಏ ಆಲೀ........ ಐಸಮ್ಮ ಮಗನನ್ನು ಎಷ್ಟು ಜೋರಾಗಿ ಕರೆದರೂ ಆಲಿಯಿಂದ ಉತ್ತರ ಬರಲಿಲ್ಲ. ಒಂದು ಕಡೆ ಕತ್ತಲೆಯಾಗುತ್ತಾ ಬರುತ್ತಿದೆ. ಬೀಡಿ ಕಟ್ಟುಗಳನ್ನು ಸಂಜೆಯ ಒಳಗೆ ಬ್ರಾಂಚಿಗೆ… Read more…
ಬಿಂಬಾಲಿ ಬೋಯ್ ತನ್ನ ಅಮ್ಮ ಅಣ್ಣ ಅತ್ತಿಗೆ ಜೊತೆ ಅಟಲಾ ಎಂಬ ಒರಿಸ್ಸಾದ ಹಳ್ಳಿಯಲ್ಲಿ ವಾಸಿಸುತ್ತಿದ್ದಳು. ತಂದೆಯ ಮರಣದ ಮುಂಚೆಯೆ ಅವಳ ಹಿರಿಯಕ್ಕನ ಮದುವೆಯಾಗಿತ್ತು. ತಂದೆ ಬದುಕಿದ್ದಾಗ… Read more…
ಇಸ್ತ್ರೀ ಇಲ್ಲದ ಸೀರೆ, ಬಾಚದ ತಲೆ... ಕೈಯಲ್ಲಿ ಚೀಲದ ತುಂಬ ತರ್ಕಾರಿಗಳೊಂದಿಗೆ ಮಾರುಕಟ್ಟೆಯಿಂದ ಹೊರಗೆ ಬರುವುದು ಭ್ರಮರೆ’ಯೇ... ಕಂಡು ತುಂಬಾ ಆಶ್ಚರ್ಯವಾಯಿತು. ರೋಡಿನ ಈ ಕಡೆ ಕಾರು… Read more…
ಊರಿನ ಕೊನೆಯಂಚಿನಲ್ಲಿದ್ದ ಕೆರೆಯಂಗಳದಲ್ಲಿ ಅಣಬೆಗಳಂತೆ ಮೈವೆತ್ತಿದ್ದ ಗುಡಿಸಲುಗಳಲ್ಲಿ ಕೊನೆಯದು ಅವಳದಾಗಿತ್ತು. ನಾಲ್ಕೈದು ಸಾರಿ ಮುನಿಸಿಪಾಲಿಟಿಯವರು ಆ ಗುಡಿಸಲುಗಳನ್ನು ಕಿತ್ತು ಹಾಕಿದ್ದರೂ ಮನುಷ್ಯ ಪ್ರಾಣಿಗಳ ಸೂರಿನ ಅದಮ್ಯ ಅವಶ್ಯಕ… Read more…
ಶಾದಿ ಮಹಲ್‌ನ ಒಳ ಆವರಣದಲ್ಲಿ ದೊಡ್ಡ ಹಾಲ್‌ನಲ್ಲಿ ಹೆಂಗಸರೆಲ್ಲಾ ಸೇರಿದ್ದರು. ಹೊರಗಡೆ ಹಾಕಿದ್ದ ಶಾಮಿಯಾನದಲ್ಲಿ ಗಂಡಸರು ನೆರೆದಿದ್ದರು. ಒಂದು ಕಡೆಯ ಎತ್ತರವಾದ ವೇದಿಕೆಯ ಮೇಲೆ ಮದುವೆ ಗಂಡು,… Read more…
