ಬೆಳ್ಳಂಬೆಳಗ್ಗೆ ಬಿಸಿ ಬಿಸಿ ಇಡ್ಳಿ
ಯಾರಿಗೆ ಬೇಕು ಇಡ್ಳಿ?
ಅಣ್ಣನಿಗೆ ಹತ್ತು ನಂಗೊಂದಿಪ್ಪತ್ತು
ಒಟ್ಟಾರೆಷ್ಟು ಇಡ್ಳಿ?
ಒಟ್ಟಾರೆ ಮೂವತ್ತು ಇಡ್ಳಿ
ಕಣ್ ಕಣ್ ಬಿಟ್ಟು ಉದ್ದಿನ ಹಿಟ್ಟು
ಯಾರಿಗೆ ಬೇಕು ದೋಸೆ?
ಅಣ್ಣನಿಗಿಪ್ಪತ್ತು ನಂಗೊಂದು ಮೂವತ್ತು
ಒಟ್ಟಾರೆಷ್ಟು ದೋಸೆ?
ಒಟ್ಟಾರೆ ಐವತ್ತು ದೋಸೆ
ಊತದ್ದಾಯ್ತು ಬಾತದ್ದಾಯ್ತು
ಯಾರಿಗೆ ಬೇಕು ಊತಪ್ಪ?
ಅಣ್ಣನಿಗೆ ಮೂವತ್ತು ನಂಗೊಂದು ನಲುವತ್ತು
ಒಟ್ಟಾರೆಷ್ಟು ಊತಪ್ಪ?
ಒಟ್ಟಾರೆ ಎಪ್ಪತ್ತು ಊತಪ್ಪ
ರೌಂಡ್ ರೌಂಡ್ ಉಬ್ಬಿ ಬಂತೈ ಉರುಳಿ
ಯಾರಿಗೆ ಬೇಕು ಪೂರಿ?
ಅಣ್ಣನಿಗೆ ನಲುವತ್ತು ನಂಗೊಂದೈವತ್ತು
ಒಟ್ಟಾರೆಷ್ಟು ಪೂರಿ?
ಒಟ್ಟಾರೆ ತೊಂಬತ್ತು ಪೂರಿ
ಗುಡುಗುಡು ಗುಮ್ಮಟ ದೇವರ ಲಡ್ಡು
ಯಾರಿಗೆ ಬೇಕು ಲಡ್ಡು?
ಅಣ್ಣನಿಗೈವತ್ತು ನಂಗೊಂದರುವತ್ತು
ಒಟ್ಟಾರೆಷ್ಟು ಲಡ್ಡು?
ಒಟ್ಟಾರೆ ನೂರತ್ತು ಲಡ್ಡು
ಇಲ್ಲಿಗೆ ಮುಗಿಯಿತು ಸೆಡ್ಡು!
*****
