ಪ್ಯಾರೆಲಾಲ್ ಭಾಗಮತಿಯರು
ಇಲ್ಲಿ ಬರದೇ ಹೋದರೆ
ಅದು ಲಾಲ್ಬಾಗ್ ಹೇಗಾದೀತು?
ಗಿಡಗಂಟಿ ಪೊಟರೆಗಳ ತುಂಬೆಲ್ಲ
ಪ್ಯಾರೆಲಾಲ್ನ ಪ್ರೇಮಕಾವ್ಯ-
ಅವನ ಪ್ಯಾರೇ ಪ್ಯಾರೆ ಕಹಾನಿಗಳಿಗೆ
ಭಾಗಮತಿಯ ಕೆನ್ನೆ ಕೆಂಪು
ಮೈ ತುಂಬಾ ಚಳಿ ನಾಚಿಕೆ.
ಮಾತು ಮಾತಿಗೂ ಕಣ್ಣಲಿ
ಬಿರಿಯುವ ಬಣ್ಣ ಬಣ್ಣಗಳ ಹೂವುಗಳು
ಚಿತ್ತಾರಗಳು ನಗುವ ತುಟಿಯಲಿ.
ಅವನೆದೆಯ ಟೊಂಗೆಗಳಿಗೆ
ನೂರಾರು ಚಿಗುರು
ಮೆಲ್ಲಗೆ ಮೊದಲ ಸ್ಪರ್ಶವೋ ಏನೋ!
ಜುಮ್ಮೆನ್ನುವ ತಂಗಾಳಿ
ಗರಿಗಳ ತಿಕ್ಕಾಟ ಅಪ್ಪುಗೆಯೊಳಗೆ
ಮಿಂಚು ಮುತ್ತುಗಳ ಚೆಲ್ಲಾಪಿಲ್ಲಿ.
ಸಾವಿರ ಸಾವಿರ ಹೂವು
ಜೇನುಗಳ ಸ್ವರ್ಗತೋರಣ
ಇರಲೇಬೇಕು ಲಾಲ್ಬಾಗ್ಗೆ
ಪ್ಯಾರೆಲಾಲ್ ಭಾಗಮತಿಯರ
ಪ್ರೇಮ ಸ್ಪರ್ಶದ ಅಕರ್ಷಣೆ.
*****
