ಸರ್ವಜ್ಞ

ಮಾಸಿದ ಜನತೆಯ ತೊಳೆಯುತ್ತ ಸನ್ಮಾರ್ಗ
ತೋರಲು ಬರುವಂಥ ಬೆಳಕು ಸಂತರು
ಬಾಳನು ಬೆಳಗುವ ಬೆಳಕು

ಬಸವ ಬುದ್ಧರಂತೆ ರಾಮಕೃಷ್ಣರಂತೆ
ಸರ್ವಜ್ಞನೀ ಹುಟ್ಟಿ ಬಂದೆ ಮಲಗಿದ್ದ
ನಾಡವರನೆಬ್ಬಿಸ ಬಂದೆ

ತುಂಡುಗಂಬಳಿ ಹೊದ್ದು ಕರದಿ ಕಪ್ಪರ ಹಿಡಿದು
ವೀರಕೇಸರಿಯಂತೆ ತಿರುಗಿ ಲೋಕದ
ಡೊಂಕುಗಳ ತಿದ್ದುತ ಮರುಗಿ

ಜನಪದ ಚಕ್ರವರ್ತಿಯೆ ನಿನ್ನ ಬಾಯಲಿ
ಅನುಭವ ಹಾಡಾಗಿ ಬಂತು ತ್ರಿಪದಿಯ
ಸತ್ವದ ತುದಿಯೇರಿ ನಿಂತು

ಭ್ರಷ್ಟರ ನಾಚಿಸಿ ನೀಚರ ಹೇಸಿಸಿ
ಶಿಷ್ಟರ ಮಾಡಲು ದುಡಿದೇ ಜನರನು
ಹೆಜ್ಜೆ ಹೆಜ್ಜೆಗೆ ತಿದ್ದಿ ನಡೆದೆ

ಕನ್ನಡ ಕಣ್ಮಣಿ ಕನ್ನಡ ಶಕ್ತಿಯ
ಚೆನ್ನಾಗಿ ವಿಶ್ವಕ್ಕೆ ತೋರಿ ಸಾರಿದೆ
ಮಾನವರೊಂದೆಂದು ತೋರಿ

ಹಿಂದಿಲ್ಲ ಮುಂದಿಲ್ಲ ಗೊಂದಲವಾಗಿದೆ
ಇಂದಿನ ಪರಿಸರ ತಂದೆ ಸರ್ವಜ್ಞ
ನೀ ಬರಬಾರದೆ ಇಂದೆ
*****

Leave a Reply

 Click this button or press Ctrl+G to toggle between Kannada and English

Your email address will not be published. Required fields are marked *

Previous post ಮರುಳಸಿದ್ಧ ಮತ್ತು ಸಿರಿಗೆರೆ ಬೃಹನ್ಮಠ – ಒಂದು ವಿವೇಚನೆ
Next post ಲಿಂಗಮ್ಮನ ವಚನಗಳು – ೪೯

ಸಣ್ಣ ಕತೆ

  • ಮತ್ತೆ ಬಂದ ವಸಂತ

    ಚಿತ್ರ: ಆಮಿ ಮೊದಲ ರಾತ್ರಿಯ ಉನ್ಮಾದದಲ್ಲಿದ್ದ ಮಧುವಿನ ಕಿವಿ ಹಿಂಡಿ ಅವಳಂದಳು. ‘ಮಧು, ಇಂದಿನಿಂದ ನಾವು ಗಂಡ - ಹೆಂಡತಿಯಾಗಿರುವುದು ಬೇಡ. ಬದುಕಿನ ಕೊನೆ ತನಕವೂ ಗೆಳೆಯ… Read more…

  • ಯಾರು ಹೊಣೆ?

    "ಧಡ್....... ಧಡಲ್........ ಧಡಕ್" ಗಾಡಿ ನಿಂತಿತು. ಹೊರಗೆ ಮೋರೆಹಾಕಿ ನೋಡಿದೆ. ಕತ್ತಲು ಕವಿದಿತ್ತು. ಚುಕ್ಕೆಗಳು ಪಕಪಕ ಕಣ್ಣು ಬಿಡುತ್ತಿದ್ದವು. ಮೂಡಲ ಗಾಳಿ "ಸಿಳ್" ಎಂದು ಬೀಸುತ್ತಿತ್ತು. ನಾನು… Read more…

  • ನಿರೀಕ್ಷೆ

    ಆ ಹಣ್ಣು ಮುದುಕ ಎಲ್ಲಿಂದ ಬರುತ್ತಾನೆ, ಎಲ್ಲಿಗೆ ಹೋಗುತ್ತಾನೆ ಎಂದು ಯಾರಿಗೂ ತಿಳಿಯದು. ಆದರೆ ಎಲ್ಲರೂ ಅವನನ್ನು ಕಲ್ಲು ಬೆಂಚಿನ ಮುದುಕ ಎಂದೇ ಕರೆಯುತ್ತಾರೆ. ಪ್ರೈಮರಿ ಶಾಲೆಯ… Read more…

  • ವಿಷಚಕ್ರ

    "ಚಂದ್ರು, ಒಳಗೆ ಬಾಮ್ಮ. ಮಳೆ ಬರುತ್ತೆ." ತಾಯಿ ಕೂಗಿದುದನ್ನು ಕೇಳಿ ಚಂದ್ರು ನಕ್ಕ. ಒಳಕ್ಕೆ ಬರುವುದಿರಲಿ, ಪಕ್ಕದ ಮನೆಯ ಹುಡುಗಿ ವೇದಳೊಂದಿಗೆ ಆಡುತ್ತಿದ್ದುದನ್ನು ನಿಲ್ಲಿಸಲೂ ಇಲ್ಲ. "ನೋಡೇ-ನಾನು… Read more…

  • ಎರಡು ಪರಿವಾರಗಳು

    ಇದು ಎರಡು ಪರಿವಾರದ ಕತೆ. ಒಂದು ಹಕ್ಕಿ ಪರಿವಾರ, ಇನ್ನೊಂದು ಮನುಷ್ಯ ಪರಿವಾರದ್ದು. ಒಂದು ಸುಂದರ ತೋಟ; ವಿಧವಿಧದ ಗಿಡ ಮರಗಳು; ಅವುಗಳ ಕವಲು ಬಿಟ್ಟ ರೆಂಬೆಗಳಲ್ಲಿ… Read more…

cheap jordans|wholesale air max|wholesale jordans|wholesale jewelry|wholesale jerseys