ರಸ್ತೆ ಪದ್ಯಗಳು

ಪ್ರತಿಯೊಂದು
ರಸ್ತೆಯ ಎದೆಗೂಡು
ಒಂದೊಂದು ನೋವಿನ ಮಡು
ರಸ್ತೆ ತನ್ನ ನೋವು ಹೇಳುವುದಿಲ್ಲ
ಬಿಡಿ ನಾವು ಕೇಳುವುದೂ ಇಲ್ಲ!

 

ರಸ್ತೆಗಳ ಗರ್ಭದೊಳಗೆ
ಅದೆಷ್ಟೊಂದು ಗುಟ್ಟುಗಳಿವೆಯಲ್ಲಾ
ವಿಪರ್ಯಾಸವೆಂದರೆ
ರಸ್ತೆಗಳು ಮಾತನಾಡುವುದಿಲ್ಲ
ಮಾತನಾಡಬಾರದಲ್ಲ!

ಸಮವಾಗಿ ಜಲ್ಲಿತಟ್ಟಿ
ಹಾಕಿಬಿಟ್ಟಿದ್ದಾರೆ ಟಾರು
ರಸ್ತೆ ಮಾಡದಿರಲೆಂದು
ಯಾವುದೇ ಕಾರುಬಾರು

ರಸ್ತೆಗೂ
ಮಿತಿಗಳುಂಟು
ಸಮುದ್ರಕ್ಕೆ
ರಸ್ತೆ ಎಲ್ಲುಂಟು?

ರಸ್ತೆಗಳು
ರಿಪೇರಿಗೊಳ್ಳುತ್ತವಷ್ಟೇ
ಆದರೆಂದೂ
ಸಾಯುವುದಿಲ್ಲ!

ರಸ್ತೆಗಳ ವಿಶೇಷವಂದರೆ
ಅವುಗಳು ಎಂದೂ ಮುಗಿಯುವುದಿಲ್ಲ
ರಸ್ತೆಗಳಿಗೆ ಕೊನೆ ಇಲ್ಲ
ಮೊದಲು ಇಲ್ಲವೇ ಇಲ್ಲ !

ಕಾದು ನಿಂತ
ಟಾರು ರಸ್ತೆಗೆ
ಕಾಳು ಚೆಲ್ಲಿದರೆ
ಮೊಳಕೆಯೊಡೆಯುವುದಿಲ್ಲ
ಬಿರಿದು ಒಡೆಯುತ್ತವೆ!

ರಸ್ತೆಗಳಿಗೆ ಎತ್ತರವಿಲ್ಲ
ಆಳಗಳಿಲ್ಲ
ಅಗಲಗಳಿಗೂ ಮಿತಿ
ಉದ್ದಗಳಷ್ಟೇ ಅತಿ!
*****

Leave a Reply

 Click this button or press Ctrl+G to toggle between Kannada and English

Your email address will not be published. Required fields are marked *

Previous post ಯೋಜನೆ
Next post ಎಲೆಕ್ಟ್ರಾನಿಕ್‌ನಲ್ಲಿ ಕ್ರಾಂತಿ: ನೋಟುಗಳನ್ನು ಎಣಿಸುವ ಯಂತ್ರ

ಸಣ್ಣ ಕತೆ

  • ಕರಿಗಾಲಿನ ಗಿರಿರಾಯರು

    ಪ್ರಜಾಪೀಡಕನಾದ ಮೈಸೂರಿನ ಟೀಪೂ ಸುಲ್ತಾನನನ್ನು ಶ್ರೀರಂಗ ಪಟ್ಟಣದ ಯುದ್ಧದಲ್ಲಿ ಕೊಂದು ಅವನ ರಾಜ್ಯವನ್ನು ಇಂಗ್ಲಿಶ್ ಸರಕಾರ ದವರು ತಮ್ಮ ವಶಕ್ಕೆ ತೆಗೆದುಕೊಂಡ ಕಾಲಕ್ಕೆ, ಉತ್ತರಕರ್ನಾಟಕದ ನಿವಾಸಿಗಳಾದ ಅನೇಕ… Read more…

  • ಸ್ನೇಹಲತಾ

    ೧೫-೯-೧೯.. ಈಗ ಮನಸ್ಸಿಗೆ ನೆಮ್ಮದಿಯೆನಿಸುತ್ತಿದೆ. ಇಂದಿನಿಂದ ಮತ್ತೆ ನನ್ನ ದಿನಚರಿ ಬರೆಯುವ ಕಾರ್ಯಕ್ರಮವನ್ನು ಆರಂಭಿಸಬೇಕು. ದಿನಚರಿಯೆ ನನ್ನ ಸಹಧರ್ಮಿಣಿ; ನನ್ನ ಸಹ-ಸಂಚಾರಿ; ಅದೆ ನನಗೆ ಸಂತಸ ಕೊಡುವುದು.… Read more…

  • ನಿರಾಳ

    ಮಂಗಳೂರಿನ ಟೌನ್‌ಹಾಲಿನ ಪಕ್ಕದಲ್ಲಿರುವ ನೆಹರೂ ಮೈದಾನಿನ ಮೂಲೆಯ ಕಲ್ಲು ಬೆಂಚಿನ ಮೇಲೆ ಕುಳಿತ ಪುರಂದರ ಹಸಿವೆಯನ್ನು ತಡೆಯಲಾರದೆ ತಳಮಳಿಸುತ್ತಿದ್ದ. ಜೇಬಿಗೆ ಕೈ ಹಾಕಿ ನೋಡಿದ. ಬರೇ ಇಪ್ಪತ್ತೇಳು… Read more…

  • ರಾಧೆಯ ಸ್ವಗತ

    ಈಗ ಸೃಷ್ಟಿಕರ್ತನ್ನು ದೂಷಿಸುತ್ತಾ ಕಾಲ ಕಳೆಯುತ್ತಿದ್ದೇನೆ ಕೃಷ್ಣಾ. ಹೆಂಗಸರಿಗ್ಯಾಕೆ ಅವರ ಪ್ರಿಯಕರರಿಗಿಂತ ಹೆಚ್ಚು ಆಯುಸ್ಸನ್ನು ಅವನು ಕೊಡುತ್ತಾನೋ? ನೀನು ಹೇಳುತ್ತಿದ್ದುದು ಮತ್ತೆ ಮತ್ತೆ ನೆನಪಾಗುತ್ತಿದೆ: "ರಾಧೆ, ಈ… Read more…

  • ಜೀವಂತವಾಗಿ…ಸ್ಮಶಾನದಲ್ಲಿ…

    ಎರಡು ಮೂರು ವರ್ಷದ ಅಂತರದಲ್ಲಿ ಒಂದಾದ ಮೇಲೊಂದು ಗಂಡು ಮಕ್ಕಳು ಜನನವಾದಾಗ ದೇಬಾನಂದಸಾಹುಗೆ ಅವನ ಪತ್ನಿ ನಿಲಾಂದ್ರಿಗೆ ಬಹಳ ಸಂತಸವಾಗಿತ್ತು. "ಮಕ್ಕಳು ದೊಡ್ಡವರಾಗಿ ವಿದ್ಯಾವಂತರಾಗಿ ಉದ್ಯೋಗ ಮಾಡಿದರೆ… Read more…