ಅತ್ತಿತ್ತ ನೋಡದೆ

ಅತ್ತಿತ್ತ ನೋಡದೆ ಇತ್ತಿತ್ತ ಕಾಣದೆ
ಎತ್ತ ಹೊರಟೆ ಈ ಕತ್ತಲ ಹಿಂದಾಕಿ
ಏ ಹುಡುಗಿ
ತುಸು ಮೆಲ್ಲಗೆ ಹೋಗೆ
ಮಲ್ಲಿಗೆ ಹಾಗೆ

ಕೂದಲ ಜಡೆ ಮಾಡಿದಿ ಅದಕ ಪರಿಮಳ ಹಚ್ಚಿದಿ
ಕಳ್ಳ ಹೆಜ್ಜೆಯಲಿ ಬೇಗಬೇಗನೆ ಹೊರಟಾಕಿ
ಏ ಹುಡುಗಿ
ತುಸು ಮೆಲ್ಲಗೆ ಹೋಗೆ
ಮಲ್ಲಿಗೆ ಹಾಗೆ

ಕಣ್ಣಿಗೆ ಕಾಡಿಗಿ ಹಚ್ಚಿದಿ ಕಾಲಿಗೆ ಅಂದುಗೆ ಕಟ್ಟಿದಿ
ಗೆಜ್ಜೆಯ ಕಣಕಣಕೆ ಬೆಚ್ಚಿ ಬೀಳುವಾಕಿ
ಏ ಹುಡುಗಿ
ತುಸು ಮೆಲ್ಲಗೆ ಹೋಗೆ
ಮಲ್ಲಿಗೆ ಹಾಗೆ

ಚಂದ್ರನಿಗೆ ರಜಾ ನೀಡುವವಳೆ ಚಂದ್ರಮುಖಿ
ರಜನಿಗೆ ಜತೆ ಕೊಡುವವಳೆ ಕರಿಕೂದಲಾಕಿ
ಏ ಹುಡುಗಿ
ತುಸು ಮೆಲ್ಲಗೆ ಹೋಗೆ
ಮಲ್ಲಿಗೆ ಹಾಗೆ

ಕತ್ತಲ ಹುಡುಕಿ ಬರಿ ಬೆತ್ತಲುಗೊಳಿಸಿ
ಬೆಳಕ ಹುಡುಕಿ ಮಾಯಮಾಡುವಾಕಿ
ಏ ಹುಡುಗಿ
ತುಸು ಮೆಲ್ಲಗೆ ಹೋಗೆ
ಮಲ್ಲಿಗೆ ಹಾಗೆ

ಹಗಲೆಂದರೆ ಹಗಲಲ್ಲ ಇರುಳೆಂದರು ಇರುಳಲ್ಲ-
ಹಗಲಿರುಳಿನ ನಡುವೆ
ಸಂಜೆಯಲ್ಲದೆ ನೀನಲ್ಲ ಬೇರೊಬ್ಬಾಕಿ
ಏ ಹುಡುಗಿ
ತುಸು ಮೆಲ್ಲಗೆ ಹೋಗೆ
ಮಲ್ಲಿಗೆ ಹಾಗೆ

ಸಂಜೆಯು ನೀನೆಯ ಮುಂಜಾನೆಯು ನೀನೆಯ
ನಮ್ಮ ಹಗಲಿರುಳೆಲ್ಲಾ ನೀನೆಯ
ಏ ಹುಡುಗಿ
ಇಲ್ಲಿ ತುಸು ನಿಂತಿರು ಹೀಗೆ
ಮಲ್ಲಿಗೆ ಹಾಗೆ
*****