ಸಮಯ ಸಂದರ್ಭ

ಸಮಯ ಸಂದರ್ಭ
ಸಿಕ್ಕಾಗಲೆಲ್ಲಾ ಆ ದೇವರಿಗೊಂದು
ಕೃತಜ್ಞತೆ ಅರ್ಪಿಸುವುದೇ ಸೂಕ್ತ|
ಅವಕಾಶ ದೊರೆತಾಗಲೆಲ್ಲ
ಜನ್ಮನೀಡಿದ ತಂದೆತಾಯಿಗಳಿಗೆ
ಕೈಜೋಡಿಸಿ ನಮಿಸುವುದೇ ಸಮ್ಮತ||

ಎಂಥಹಾ ವಿಸ್ಮಯ ಈ ಜಗತ್ತು
ಇಲ್ಲಿ ಮನುಜನಾಗಿ ಜನ್ಮ
ತಳೆಯುವುದೇ ಪುಣ್ಯದ ಸ್ವತ್ತು|
ಈ ನರಜನ್ಮದ ಹಿರಿಮೆ ಅಪಾರ
ಈಜಿ ದಡಸೇರಬೇಕು ಈ ಸಂಸಾರ||

ಅತೀ ಸುಂದರ ಈ ಕರುನಾಡು
ನೀ ಜನಿಸಿರುವುದಕಿಲ್ಲಿ ಹೆಮ್ಮೆಪಡು|
ಶಾಂತಿಯ ನಾಡು ಸವೃದ್ಧಿಯಬೀಡು
ಬದುಕು ಬಲು ಸುಲಭ ಸುಂದರ
ಸರಳತೆಯಿಂದಲಿ ನೋಡಲೊಮ್ಮೆ
ತಿಳಿವುದಿದರ ಮಹಿಮೆ ಅಪಾರ||

ಬರಿಯ ತುತ್ತಿನ ಚೀಲವ
ತುಂಬುವುದೇ ಜೀವನವಲ್ಲ|
ಅದರಾಚೆಗಿನ ಜೀವನದಿ
ಪಾಪ ಕರ್ಮವ ಕಳೆಯೆ
ಸತ್ಕಾರ್ಯದಿ ಪುಣ್ಯ ಗಳಿಸುವ
ಬಾಳದಾರಿಯಲಿ ಸಾಗುವುದೇ ಜೀವನ|
ಸತ್ಯ ದರ್ಶನ, ದೈವ ಸಾಕ್ಷಾತ್ಕಾರದಿಂದಲಿ
ಈ ಜನ್ಮದ ಈ ಜೀವ ಪಾವನ||
*****