ವಿಚಿತ್ರ ನಿನ್ನಯ ಲೀಲೆ

ವಿಶ್ವಂಭರನೆ ವಿಶ್ವೇಶ್ವರನೆ |
ವಿಚಿತ್ರ ನಿನ್ನಯಲೀಲೆ ತಂದೇ || ಪ ||

ವಿಶ್ವ ವಿಶ್ವಗಳ ತಿರುಗಿಸುತಿರುವೆ |
ಎಲ್ಲಿಯೊ ಇರುವುದು ಸೂತ್ರ
ವಿಶ್ವದ ಕಣಕಣದಲ್ಲಿಯು ಕೂಡ |
ಹೊಳೆವುದು ನಿನ್ನಯ ಚಿತ್ರ || ೧ ||

ಅದೃಶ್ಯವೆಂಬರು ನಿನ್ನಯ ರೂಪ |
ಕೋಟಿ ರೂಪಗಳ ತಳೆದಿರುವೆ
ಅಸೀಮವೆಂಬರು ನಿನ್ನಾಕಾರಾ |
ಜಡಚೇತನಗಳ ತುಂಬಿರುವೆ || ೨ ||

ಕಡ್ಡಿಕಲ್ಲುನಲು ಕುಳಿತಿಹ ನೀನು
ಗುಡ್ಡ ತಿರುಗಿದರು ಕಂಡಿಲ್ಲ
ಅನೇಕವೆನ್ನುವ ಸಂತೆಯ ಹಿಂದಿಹ
ಏಕವ ಬಹುಜನ ಕಂಡಿಲ್ಲ || ೩ ||

ಹೆಣ್ಣು ಗಂಡುಗಳ ಭೇದವ ಗೈದು
ಸೃಷ್ಟಿಯ ಚೆಲುವಿನ ಬಲೆ ನೆಯ್ದೆ
ತಂದೇ ತಾಯೀ ಬಂಧೂ ಬಳಗಾ
ಕರುಳು ಬಳ್ಳಿಗಳ ಕಲೆ ಹೆಣೆದೆ || ೪ ||

ಭೂಮಿಯ ಮಣ್ಣಿನ ಬೊಂಬೆಯು ದೇಹವ
ಮಣ್ಣನೆ ಕಚ್ಚಲು ಹಚ್ಚಿರುವೆ
ಶಿರದಲಿ ಸಾವಿನ ಈಟಿಯು ತೂಗಿರೆ
ಬಾಳುವ ಆಶೆಯ ಮುಚ್ಚಿರುವೆ || ೫ ||

ವಿಶ್ವದಾಟದಲಿ ಗ್ರಹ ತಾರೆಗಳೇ
ಆಟದ ಗೋಲಿಗಳೆನುವಾಗ
ಜೀವನ ಮಣ್ಣಲಿ ನಾ ನೀ ಎಂಬುದು
ಸಾವಿರವಾಗುವ ಬಿಡಿ ಭಾಗ || ೬ ||

ದ್ವಂದ್ವಾತೀತನೆ ಹೇ ಪರಬೊಮ್ಮನೆ
ದ್ವಂದ್ವ ಮಧ್ಯದಲೆ ನಾನಿರರುವೆ
ಎರಡನು ಮೀರುತ ಒಂದಾಗಲಿಕೆ
ಜನುಮ ಜನುಮಗಳ ಸಾಗಿರುವೆ || ೭ ||
*****

Leave a Reply

 Click this button or press Ctrl+G to toggle between Kannada and English

Your email address will not be published. Required fields are marked *

Previous post ಹುಚ್ಚ ಮುಲ್ಲ
Next post ಹಿಂದೂಮುಸಲ್ಮಾನರ ಐಕ್ಯ – ೭

ಸಣ್ಣ ಕತೆ

  • ಸ್ನೇಹಲತಾ

    ೧೫-೯-೧೯.. ಈಗ ಮನಸ್ಸಿಗೆ ನೆಮ್ಮದಿಯೆನಿಸುತ್ತಿದೆ. ಇಂದಿನಿಂದ ಮತ್ತೆ ನನ್ನ ದಿನಚರಿ ಬರೆಯುವ ಕಾರ್ಯಕ್ರಮವನ್ನು ಆರಂಭಿಸಬೇಕು. ದಿನಚರಿಯೆ ನನ್ನ ಸಹಧರ್ಮಿಣಿ; ನನ್ನ ಸಹ-ಸಂಚಾರಿ; ಅದೆ ನನಗೆ ಸಂತಸ ಕೊಡುವುದು.… Read more…

  • ಹನುಮಂತನ ಕಥೆ

    ಹರಿಹರಯದ ಆ ಸಂದರ ಹುಡುಗಿ ದಿನವೂ ಅರಳೀ ಕಟ್ಟೆಗೆ ಬಂದು ಯಾರಿಗಾಗಿ ಕಾಯುತ್ತಾಳೆ? ಎಂದು ಯೋಚಿಸುವಾಗ ಅವಳ ಪ್ರಿಯತಮ ಬಂದು ಕುಳಿತ. ಅವನು ಅವಳ ತೊಡೆ ಏರಿದ… Read more…

  • ಅಂತರಂಗ ಶುದ್ಧಿ ಬಹಿರಂಗ ಶುದ್ಧಿ

    ಸ್ವಾಮೀಜಿಗಳಿಗೆ ಈವತ್ತಂತೂ ಮೈ ತುರಿಸಿಕೊಳ್ಳಲೂ ಪುರುಸೊತ್ತಿಲ್ಲ. ಹಲವು ಕಾರ್ಯಕ್ರಮಗಳ ಒತ್ತಡ, ರಾಜಕಾರಣಿಗಳ ಭೇಟಿ ಜೊತೆಗೆ ತಂಡೋಪತಂಡವಾಗಿ ಆಶೀರ್ವಾದ ಬೇಡಿ ಬರುವ ಭಕ್ತರ ಕಿರಿಕಿರಿ. ಇದರ ಮದ್ಯೆ ಜಪತಪ,… Read more…

  • ಮಲ್ಲೇಶಿಯ ನಲ್ಲೆಯರು

    ಹೇಮರಡ್ಡಿ ಪ್ರಭುಗಳು ಒಂದು ಊರಿನ ದೇಸಾಯರು. ಆ ಗ್ರಾಮದ ಉತ್ಪನ್ನವು ಆರೇಳು ಸಾವಿರ ರೂಪಾಯಿ ಇರುವದಲ್ಲದೆ ದೇಸಾಯರಿಗೆ ತೋಟ ಪಟ್ಟಿ ಮನೆಯ ಒಕ್ಕಲತನಗಳಿಂದಾದರೂ ಪ್ರಾಪ್ತಿಯು ಚನ್ನಾಗಿತ್ತು. ಅವರೊಂದು… Read more…

  • ಜೋತಿಷ್ಯ

    ತಮಿಳು ಮೂಲ: ಕೊನಷ್ಟೈ "ನೀವು ಏನು ಬೇಕಾದರೂ ಹೇಳಿ, ನನಗೆ ಜ್ಯೋತಿಷ್ಯದಲ್ಲಿ ನಂಬಿಕೆ ತಪ್ಪುವುದಿಲ್ಲ. ಅದರಲ್ಲಿಯೂ ರಾಮಲಿಂಗ ಜೋಯಿಸರಲ್ಲಿ ಪೂರ್ಣ ನಂಬಿಕೆ"ಎಂದಳು ಕಮಲಾ. ಸಮಯ, ಸಂಧ್ಯಾ ಕಾಲ.… Read more…