ಇಡ್ಲೀಯ ಗುಂಡಣ್ಣ

(ಮಕ್ಕಳ ಗೀತೆ)

ತಾಯಿ- ಇಡ್ಲೀಯ ಗುಂಡಣ್ಣಾ ಚಟ್ನೀಯ ಚಲುವಣ್ಣಾ
ಹೋಗಣ್ಣಾ ಸುಬ್ಬಣ್ಣಾ ಸಾಲೀಗೆ ||ಪಲ್ಲ||

ಮಗ- ಇಡ್ಲೀಯ ನಾನೊಲ್ಲೆ ಚಟ್ನೀಯ ಒಲ್ಲೊಲೆ
ಮಾಸ್ತರು ಬೈಬೈ ಬೈಯ್ತಾನಾ
ಆ ಸಾಲಿ ಯಾ ಸಾಲಿ ಹಳಸೀದ ಮಸಾಲಿ
ಮಾಸ್ತರು ಬಡಿಬಡಿ ಬಡಿತಾನಾ ||೧||

ತಾಯಿ- ದೋಸಿಯ ಗುಂಡಣ್ಣಾ ಚಕ್ಲೀಯ ಚಲುವಣ್ಣಾ
ಹೋಗಣ್ಣಾ ಸುಬ್ಬಣ್ಣಾ ಸಾಲೀಗೆ ||ಪಲ್ಲ||

ಮಗ- ದೋಸೀಯ ನಾನೊಲ್ಲೆ ಚಕ್ಲೀಯ ಒಲ್ಲೊಲ್ಲೆ
ಹುಡಗೋರು ಕಾಡ್ಕಾಡ ಕಾಡ್ತಾರಾ
ಕೂದಲ ಜಗತಾರ ಕುಂಡೀಯ ಚೂಟ್ತಾರ
ಹಿಡಿಮಣ್ಣು ಅಂಗ್ಯಾಗ ಹಾಕ್ತಾರಾ ||೨||

ತಾಯಿ- ಜೀಲೇಬಿ ಗುಂಡಣ್ಣಾ ಕಾರ್ದಾಣಿ ಚಲುವಣ್ಣಾ
ಹೋಗಣ್ಣಾ ಸುಬ್ಬಣ್ಣಾ ಸಾಲೀಗೆ ||ಪಲ್ಲ||

ಮುಗ- ಜಿಲೇಬಿ ನಾನೊಲ್ಲೆ ಕಾರ್ದಾಣಿ ಒಲ್ಲೋಲ್ಲೆ
ನನ್‌ಹೊಟ್ಟಿ ನೋಯ್‌ನೋಯ್ ನೋಯ್ತೈತೆ
ಎದಿಯಾಗ ಕಪ‌ಐತೆ ತಲಿಯಾಗ ಜ್ವರ‌ಐತೆ
ಕಾಲಾಗ ಮುಳ್‌ಮುಳ್ ನಟ್ಟೈತೆ ||೩||

ತಾಯಿ- ಉಂಡೀಯ ಗುಂಡಣ್ಣ ಪೇಡೇಯ ಚಲುವಣ್ಣ
ಬೇಡಣ್ಣ ಹೋಗ್ಬೇಡ ಸಾಲೀಗೆ ||ಪಲ್ಲ||

ತಾಯಿ- ಡಾಕ್ಟರ ಬರತಾನ ಚೂಜೀಯ ತರತಾನ
ಕುಂಡೀಗೆ ಕಾಲಿಗೆ ಚುಚತಾನ
ರಟ್ಟೀಗೆ ಹೊಟ್ಟೀಗೆ ಚಿಪ್ಪೀಗೆ ಚುರ್ರಂತ
ಕಾಸ್ಕಾಸಿ ಕಚ್ಚಂತ ಚುಚತಾನ ||೪||

ತಾಯಿ- ಬೋಂಡಾದ ಗುಂಡಣ್ಣ ಚೂಡಾದ ಚಲುವಣ್ಣ
ಹೋಗ್ಬ್ಯಾಡ ಹೋಗ್ಬ್ಯಾಡ ಸಾಲೀಗೆ ||ಪಲ್ಲ||

ಮಗ- ಅಯ್ಯಯ್ಯ ನಾನೊಲ್ಲೆ ಚೂಜೀಯ ಮರೆವೊಲ್ಲೆ
ಸಟ್ಟಂತ ಸಾಲೀಗೆ ಓಡ್ತೇನೆ
ಪುಸ್ತಕಾ ಹಿಡಿತೇನೆ ಪುರ್ರಂತ ಹಾರ್‍ತೇನೆ
ಮಾಸ್ತರ್‍ನ ಚಡಿಯೇಟು ತಿಂತೇನೆ ||೫||

ತಾಯಿ- ಇಡ್ಲಿಯ ಗುಂಡಣ್ಣ ಚೆಟ್ನಿಯ ಚಲುವಣ್ಣ
ಬಾಯ್‌ಬಾಯಿ ಗುಡ್‌ಬಾಯಿ ಸಾಲೀಗೆ ||ಪಲ್ಲ||

ಮಗ- ಬಾಯ್‌ಬಾಯಿ ಗುಡ್‌ಬಾಯಿ ಮಮ್ಮೀಗೆ||

ತಾಯಿ- ಬಾಯ್‌ಬಾಯಿ ಗುಡ್‌ಬಾಯಿ ಸಾಲೀಗೆ ||

ಮಗ- ಬಾಯ್‌ಬಾಯಿ ಗುಡ್‌ಬಾಯಿ ಮಮ್ಮಿಗೆ ||
*****

Leave a Reply

 Click this button or press Ctrl+G to toggle between Kannada and English

Your email address will not be published. Required fields are marked *

Previous post ಔಷಧಿ
Next post ಇತ್ಯಾದಿ ಏನಿಲ್ಲ… ಪ್ರೀತಿಯಷ್ಟೆ! – ೬೫

ಸಣ್ಣ ಕತೆ

  • ಹನುಮಂತನ ಕಥೆ

    ಹರಿಹರಯದ ಆ ಸಂದರ ಹುಡುಗಿ ದಿನವೂ ಅರಳೀ ಕಟ್ಟೆಗೆ ಬಂದು ಯಾರಿಗಾಗಿ ಕಾಯುತ್ತಾಳೆ? ಎಂದು ಯೋಚಿಸುವಾಗ ಅವಳ ಪ್ರಿಯತಮ ಬಂದು ಕುಳಿತ. ಅವನು ಅವಳ ತೊಡೆ ಏರಿದ… Read more…

  • ನಿಂಗನ ನಂಬಿಗೆ

    ಹೊಸಳ್ಳಿ ನೋಡುವದಕ್ಕೆ ಸಣ್ಣದಾದರೂ ಕಣ್ಣಿಗೆ ಅಂದವಾಗಿದೆ. ಬೆಳವಲ ನಾಡಿನಲ್ಲಿ ಬರಿ ಬಯಲೆಂದು ಟೀಕೆ ಮಾಡುವವರಿಗೆ ಹೊಸಳ್ಳಿ ಕೂಗಿ ಹೇಳುತ್ತಿದೆ - ತಾನು ಮಲೆನಾಡ ಮಗಳೆಂದು ! ಊರ… Read more…

  • ದೊಡ್ಡವರು

    ಬೀದಿ ಬದಿಯ ಪುಸ್ತಕದ ಅಂಗಡಿ ಪ್ರಭಾಕರನನ್ನು ಅರಿಯದವರು ಬಹಳ ವಿರಳ. ತಳ್ಳೋ ಗಾಡಿಯ ಮೇಲೆ ದೊಡ್ಡ ಟ್ರಂಕನ್ನಿಟ್ಟು ನಿಧಾನವಾಗಿ ತಳ್ಳಿಕೊಂಡು ಬರುವ ಪ್ರಭಾಕರ ಕೆನರಾ ಬ್ಯಾಂಕಿನ ರಸ್ತೆಬದಿ… Read more…

  • ಕಲ್ಪನಾ

    ಚಿತ್ರ: ಟಾಮ್ ಬಿ ಇದು ಇಪ್ಪತ್ತು ವರ್ಷಗಳ ಹಿಂದಿನ ಕಥೆ! ಮಾತನಾಡುವ ಸಿನಿಮಾ ಪ್ರಪಂಚ ಅದೇ ಆಗ ದಕ್ಷಿಣ ಭಾರತದಲ್ಲಿ ತಲೆಯೆತ್ತಿದ್ದಿತು! ಸಿನಿಮಾದಲ್ಲಿ ಪಾತ್ರವಹಿಸುವ ನಟಿನಟಿಯರನ್ನು ಅಚ್ಚರಿಯ… Read more…

  • ವ್ಯವಸ್ಥೆ

    ಮಗಳ ಮದುವೆ ಪಿಕ್ಸ್ ಆಗಿದ್ದರಿಂದ ದೊಡ್ಡ ತಲೆ ಭಾರ ಇಳಿದಂತಾಗಿತ್ತು. ಮದುವೆ ಮುಂದಿನ ತಿಂಗಳ ಕೊನೆಯ ವಾರವೆಂದು ದಿನಾಂಕವನ್ನೂ ನಿಗದಿಪಡಿಸಲಾಗಿತ್ತು. ಗಂಡಿನವರ ತರಾತುರಿಗೆ ಒಪ್ಪಲೇಬೇಕಾದ ಪರಿಸ್ಥಿತಿ ನನ್ನದು.… Read more…