ಮೌನವಾಗಿಯೇ ಏಕೆ?
ಮನದನ್ನೆ
ನಾ ತಡವಾಗಿ ಬಂದುದಕೆ|
ಓಡೋಡಿ ಬಂದಿಯೇ ನಾ, ಕೊಂಚ
ನಿನಗೆ ಬೇಸರವಾಗಿರುವುದಕೆ||
ಎಲ್ಲಿಯೂ ಅತ್ತ ಇತ್ತ ನೋಡಲಿಲ್ಲ
ಇನ್ನೆಲ್ಲಿಯೂ ಚಿತ್ತ ಹರಿಸಿಲ್ಲಾ|
ಸದಾನಿನ್ನ ಚಿತ್ರ ಮನದಲಿರಿಸಿ
ದುಡಿದು ದಣಿದು ಬಂದಿಹೆ ಬಳಿಗೆ
ಪ್ರೀತಿ ತೋರಿ ಬಳಿಬಾರೆ ನನ್ನೊಲವೇ||
ನಿನಗಾಗಿ ಏನನು ತರಲಿಲ್ಲ ಇಂದು
ನನ್ನನೇ ನಿನಗಾಗಿ ತಂದು|
ಪ್ರೇಮ ಭಿಕ್ಷೆಯ ಬೇಡುತ
ನಿನ್ನ ಬಳಿ ಸುಳಿದಾಡುತಿರುವೆನಿಂದು|
ಒಮ್ಮೆ ಒರೆಗಣ್ಣಲಿನೋಡೆನ್ನ
ಚೆಲುವೆ, ನಾ ಧನ್ಯನಾಗಿಬಿಡುವೆ||
ಇಂದಿನಿಂದಲೇ ಶಪಥ ಮಾಡಿಬಿಡುವೆ
ನಾನು ದಿನಾಲು ಇನ್ನೂ ಬೇಗನೇ ಬರುವೆ|
ಬರುವಾಗ ನೀ ಬಯಸಿದನೆಲ್ಲವ ತರುವೆ
ದಯೆ ತೋರು ಓ ನನ್ನ ಚೆಲುವೇ|
ಬಳಲಿ ಬಾಯಾರಿ ಬಂದಿರುವೆ
ಪ್ರೇಮ ಸುಧೆಯ ನೀಡೆಯಾ ಒಲವೇ||
*****
