ಭಜನೆ

ಇಷ್ಟಿಷ್ಟೆ ಭಜನೆ ಇಷ್ಟಿಷ್ಟೆ ಧ್ಯಾನ
ಇಷ್ಟದಲಿ ಹಾಡು ಗಾನ
ಇಷ್ಟಿಷ್ಟೆ ಶ್ರವಣ ಇಷ್ಟಿಷ್ಟೆ ಮನನ
ಕಷ್ಟದಲಿ ಸುಖದ ತಾನ || ೧ ||

ಹೀಗೊಮ್ಮೆ ತಲೆಯ ತೂಗುತ್ತ ಒಲಿದು
ಹಾಗೊಮ್ಮೆ ತಲೆಯನೆತ್ತಿ
ಬೀಗುತ್ತ ಹೆಣ್ಣ ಮರೆಯದೆಯೆ ಕಣ್ಣ
ಸಾಗಿಸುತ ಮನವನೊತ್ತಿ || ೨ ||

ಝಂಝನನ ಝನನ ತಾಳದಲಿ ಕಲೆತು
ಭಂಜನೆಯ ಬುದ್ದಿ ಹಿಡಿದು
ತರನಾನ ತನನ ಗಾನದಲಿ ಬೆರೆತು
ವರದೇವರನ್ನು ಕರೆದು || ೩ ||

ಹಾಡಿನಲಿ ಮುಳುಗಿ ಅರ್ಥಗಳ ಮುತ್ತು
ಆರಿಸುತ ಮಗುವಿನಂತೆ
ಹಾಡುವರ ಮುಖವ ನೋಡುತ್ತ ಅವರ
ಜಾಡನ್ನು ಹಿಡಿಯುವಂತೆ || ೪ ||

ಇಷ್ಟಗಳು ಮನವ ಅತ್ತಕಡೆ ಎಳೆಯೆ
ಕಷ್ಟದಲಿ ಇತ್ತ ಜಗ್ಗಿ
ಅಷ್ಟಿಷ್ಟು ಕೂಡಿ ಭಕ್ತಿಯಿದು ಬಳೆಯೆ
ಅಷ್ಟರಲೆ ಬಹಳ ಹಿಗ್ಗಿ || ೫ ||

ಥಕಥೈಯ ಎಂದು ನಾದಕ್ಕೆ ಲಯವ
ಸಕಲರಲಿ ಸೇರಿ ದನಿಯ
ವಿಕಲತೆಯ ಅಳಿಯ ಬಾರೆಂದು ಬೇಡಿ
ಅಕಳಂಕನೆಡೆಗೆ ಕೈಯ || ೬ ||
*****

Leave a Reply

 Click this button or press Ctrl+G to toggle between Kannada and English

Your email address will not be published. Required fields are marked *

Previous post ಪ್ರೊ|| ಬುದ್ಧಿ ಜೀವಿಗೆ
Next post ಬುದ್ಧ, ಶರಣರು ಮತ್ತು ದಲಿತಪರ ಚಿಂತನೆ

ಸಣ್ಣ ಕತೆ

  • ಅಹಮ್ ಬ್ರಹ್ಮಾಸ್ಮಿ

    ಬಹುಶಃ ಮೊದಲ ಬಾರಿ ನಾನು ಅವನನ್ನು ನೋಡುತ್ತಿರಬೇಕು. ಅವನು ಅಕಸ್ಮತ್ತಾಗಿ ನನ್ನ ಕಣ್ಣಿಗೆ ಬಿದ್ದನೋ, ಅಲ್ಲಾ ಅವನೇ ನಾನು ಕಾಣುವ ಹಾಗೆ ಎದುರಿಗೆ ಬಂದನೋ ಎಂಬ ವಿಷಯದಲ್ಲಿ… Read more…

  • ಆ ರಾಮ!

    ಮೇಲೆ ವಿಶಾಲವಾದ ನೀಲಮಯ ನಭೋಮಂಡಲ. ಲೋಕವನ್ನೆ ಅವಲೋಕಿಸ ಹೊರಟವನಂತೆ ದಿನಮಣಿಯು ದೀಪ್ತಿಯುಳ್ಳವನಾಗಿ ಮೂಡಣದಲ್ಲಿ ನಿಂತಿದ್ದಾನೆ. ಅವನ ಪ್ರಖರ ಕಿರಣಗಳು ನೀರಿನೆಲೆಗಳ ಮೇಲೆ ಕೆಳಗು ಮೇಲಾಗುತ್ತಿವೆ. ಚಿಕ್ಕವರು ದೊಡ್ಡವರು… Read more…

  • ಧರ್ಮಸಂಸ್ಥಾಪನಾರ್ಥಾಯ

    ಕಪಿಲಳ್ಳಿಯ ಏಕೈಕ ಸಂರಕ್ಷಕ ಕಪಿಲೇಶ್ವರನ ವಾರ್ಷಿಕ ರಥೋತ್ಸವದ ಮುನ್ನಾದಿನ ಧಾರ್ಮಿಕ ಪ್ರವಚನವೊಂದನ್ನು ಏರ್ಪಡಿಸಲೇಬೇಕೆಂದೂ, ಇಲ್ಲದಿದ್ದರೆ ಜಾತ್ರಾ ಮಹೋತ್ಸವಕ್ಕೆ ತನ್ನ ಸಪೋರ್ಟು ಮತ್ತು ಕೋ-ಆಪರೇಶನ್ನು ಬಿಲ್ಲು ಕುಲ್ಲು ಸಿಗಲಾರದೆಂದೂ,… Read more…

  • ಅಂತರಂಗ ಶುದ್ಧಿ ಬಹಿರಂಗ ಶುದ್ಧಿ

    ಸ್ವಾಮೀಜಿಗಳಿಗೆ ಈವತ್ತಂತೂ ಮೈ ತುರಿಸಿಕೊಳ್ಳಲೂ ಪುರುಸೊತ್ತಿಲ್ಲ. ಹಲವು ಕಾರ್ಯಕ್ರಮಗಳ ಒತ್ತಡ, ರಾಜಕಾರಣಿಗಳ ಭೇಟಿ ಜೊತೆಗೆ ತಂಡೋಪತಂಡವಾಗಿ ಆಶೀರ್ವಾದ ಬೇಡಿ ಬರುವ ಭಕ್ತರ ಕಿರಿಕಿರಿ. ಇದರ ಮದ್ಯೆ ಜಪತಪ,… Read more…

  • ಕನಸು ದಿಟವಾಯಿತು

    ಪ್ರಕರಣ ೨ ಸೂರ್ಯೋದಯವಾಯಿತು. ನಿತ್ಯ ಕರ್ಮಗಳನ್ನು ಮುಗಿಸಿಕೊಂಡು ಕಾಫಿ ಸೇವನೆಯನ್ನು ಮಾಡುತ್ತಾ ರಂಗಣ್ಣನು ಹೆಂಡತಿಗೆ ಕನಸಿನ ಸಮಾಚಾರವನ್ನು ತಿಳಿಸಿದನು. ಆಕೆ- ಸರಿ, ಇನ್ನು ಈ ಹುಚ್ಚೊಂದು ನಿಮಗೆ… Read more…