ನನ್ನೊಳಗೆ

ಅನಿರೀಕ್ಷಿತವಾಗಿ ಮಾಡಿದ ಭಾಷಣ,
ವರ್ಷಗಳ ಅನಂತರ ಮಾಡಿದ ನಾಟಕ,
ಆಶು ಭಾಷಣ ಸ್ಪರ್ಧೆಯಲ್ಲಿ ಗಳಿಸಿದ ಬಹುಮಾನ
ಟ್ರೈನಿಂಗ್‌ಗೆ ಹೋಗಿದ್ದಾಗ ಮಾಡಿದ ಉಪನ್ಯಾಸ
ಇವೆಲ್ಲ ಕಂಡಾಗ ಕ್ಷಣ ಹೊತ್ತು ಅನಿಸಿತ್ತು
ನನ್ನೊಳಗಿನ ಕಲಾವಿದ ಇನ್ನೂ ಇದ್ದಾನೆ ಜೀವಂತ.
ಮನೆ ಕಟ್ಟಿಸುವಾಗ ಕಂಟ್ರಾಕ್ಟರ್‌ನೊಂದಿಗೆ ಮಾತುಕತೆ
ತಾಂತ್ರಿಕ, ಆರ್ಥಿಕ ವಿಷಯಗಳ ವಾದ-ವಿವಾದಗಳು
ಹಲವು ಹತ್ತು ಚರ್ಚೆಗಳು, ಚೌಕಾಸಿಗಳು.
ಆ ಸಮಯದಲ್ಲಿ ಅವನು ಹೇಳಿದ್ದ
‘ನೀವು ಸಿವಿಲ್ ಇಂಜಿನಿಯರ್ ಆಗಬೇಕಿತ್ತು’.
ಹಾಗೇನಿಲ್ಲ ಬಿಡಿ, ಆಯಾ ಸಂದರ್ಭಗಳಲ್ಲಿ
ನನ್ನೊಳಗಿನ ಇಂಜಿನಿಯರು, ಲಾಯರು, ಮಾರ್ವಾಡಿ
ಜಾಗೃತರಾಗಿ ತಮ್ಮ ಭೂಮಿಕೆ ನಿಭಾಯಿಸಿದರು.
ಒಮ್ಮೊಮ್ಮೆ ಕೆಲವು ನಯವಂಚಕರ ಕಂಡಾಗ
ವಿಪರೀತ ಸಿಟ್ಟು ನೆತ್ತಿಗೇರಿ, ಕತ್ತಿ ಹಿರಿದು,
ಕತ್ತು ಕತ್ತರಿಸಿ, ನೆತ್ತರು ಹರಿಸಿ…
ಇನ್ನೂ ಏನೇನೋ ಮಾಡಿ ಮುಗಿಸಬೇಕೆನಿಸುತ್ತದೆ.
ಮತ್ತೊಮ್ಮೆ ಶಾಂತವಾಗಿ, ಎಲ್ಲ ತೊರೆದು
ಸಂತನಾಗಿ, ದೂರ ಸಾಗಬೇಕೆನಿಸುತ್ತದೆ.
ನನ್ನೊಳಗೆ ಒಬ್ಬ ವೀರನೋ, ಕೊಲೆಗಾರನೋ,
ಸನ್ಯಾಸಿಯೋ, ಸಮಾಜ ಸುಧಾರಕನೋ,
ಎಷ್ಟೆಲ್ಲ ಮಂದಿ ಮನೆ ಮಾಡಿದ್ದಾರೆ
ಈ ನನ್ನ ಮನ ಮಂದಿರದಲ್ಲಿ!
ಕಾಲ ಕಾಲಕ್ಕೆ ಕಾಣಿಸಿಕೊಳ್ಳುತ್ತಾರೆ
ಕಾರ್ಯ ನಿರ್ವಹಿಸಿ ಕಾಣೆಯಾಗುತ್ತಾರೆ!
ಈ ಎಲ್ಲ ಗುಣ ಪುರುಷರ ಆಗರ,
ಆಗಲಿ ನನ್ನ ಮನ ಶಾಂತ ಸಾಗರ.
*****
೨೬-೧೧-೧೯೯೩

Leave a Reply

 Click this button or press Ctrl+G to toggle between Kannada and English

Your email address will not be published. Required fields are marked *

Previous post ಜಾಣಗೆರೆಯವರ ‘ಅವತಾರ ಪುರುಷ’
Next post ಅಜ್ಞಾನಿ

ಸಣ್ಣ ಕತೆ

  • ರಾಧೆಯ ಸ್ವಗತ

    ಈಗ ಸೃಷ್ಟಿಕರ್ತನ್ನು ದೂಷಿಸುತ್ತಾ ಕಾಲ ಕಳೆಯುತ್ತಿದ್ದೇನೆ ಕೃಷ್ಣಾ. ಹೆಂಗಸರಿಗ್ಯಾಕೆ ಅವರ ಪ್ರಿಯಕರರಿಗಿಂತ ಹೆಚ್ಚು ಆಯುಸ್ಸನ್ನು ಅವನು ಕೊಡುತ್ತಾನೋ? ನೀನು ಹೇಳುತ್ತಿದ್ದುದು ಮತ್ತೆ ಮತ್ತೆ ನೆನಪಾಗುತ್ತಿದೆ: "ರಾಧೆ, ಈ… Read more…

  • ಅಮ್ಮ

    ‘ಅಮ್ಮನ್ಗೆ ಯಿಡೀ ರಾತ್ರೆಲ್ಲ ವಾಂತಿ ಭೇದಿ ವುಬ್ಸ ಆಯಾಸ... ಕುತ್ರೂಸಾ... ಬಾಳಾ ಯೆಚ್ಕುಡ್ಮೆಯಾಗಿ ರಾಮ್ಪಾರ್ದ ಡಾಕಿಟ್ರಾತ್ರ ತೋರ್ಸಿದ್ರು ಗುಣಾಗಿಲ್ಲ! ನೀ ಆದಷ್ಟು ಗಡಾನೇ ವೂರ್ಗೆ ಬಾಣ್ಣ...’ ಸೇಕ್ರಿ,… Read more…

  • ಪ್ರೇಮನಗರಿಯಲ್ಲಿ ಮದುವೆ

    ಜಾರ್ಜ್, ಎಲೆನಾಳನ್ನು ಸಂಧಿಸಿದಾಗ ಅವಳ ಮನೋಸ್ಥಿತಿ ಬಹಳ ಹದಗೆಟ್ಟಿತ್ತು. ಪಾರ್ಕಿನ ಬೆಂಚಿನ ಮೇಲೆ ತಲೆ ಬಗ್ಗಿಸಿ ಕಣೀರನ್ನು ಒರೆಸಿಕೊಳ್ಳುತ್ತಿದ್ದ ಎಲೆನಾಳನ್ನು ಕಂಡು ಅವರ ಮನಸ್ಸು ಕರಗಿತು. "ಹಾಯ್,… Read more…

  • ಮಿಂಚು

    "ಸಾವಿತ್ರಿ, ಇದು ಏನು? ನನ್ನಾಣೆಯಾಗಿದೆ. ಹೀಗೆ ಮಾಡಬೇಡ! ಇದು ಒಳ್ಳೆಯದಲ್ಲ. ಬಿಡು, ಬಿಡು...! ನಾಲ್ಕು ಜನ ನೋಡಿದರೆ ಏನು ಅಂದಾರು?" ಅನ್ನಲಿ ಏನೇ ಅನ್ನಲಿ ನಾನು ಯಾವ… Read more…

  • ತನ್ನೊಳಗಣ ಕಿಚ್ಚು

    ಶಕೀಲಾ ಇನ್ನೂ ಮನೆಗೆ ಬಂದಿಲ್ಲ ಮೈಮೇಲೆ ಮುಳ್ಳುಗಳು ಎದ್ದಂಗಾಗದೆ. ಅಸಲು ಜೀವಂತ ಅದಾಳೋ? ಉಳಿದಾಳೆ ಜಿಂದಾ ಅಂಬೋದಾದ್ರೆ ಎಲ್ಲಿ? ಕತ್ಲೆ ಕವ್ಕತಾ ಅದೆ. ಈಗಷ್ಟೇ ಒಂದು ಗಂಟೆ… Read more…