ಹೊಟ್ಟೆ

ಈ ನನ್ನ ದೇಹದ
ಎಲ್ಲ ಅವಯವಗಳು
ಒಂದೇ ಆದರೂ
ನಾ ದುಡಿಯುವುದು
ಹೊಟ್ಟೆ-ನಿನ್ನ ತುಂಬಿಸಲು
ಈ ನನ್ನ ಕಾರ್ಯದಲ್ಲಿ
ಮರೆತೆ ಬುದ್ಧಿ ಬೆಳೆಸಲು.
ಬೆನ್ನಿಗಂಟಿದ ಹೊಟ್ಟೆ
ನಿನ್ನ ಮುಂದೆ ತರಲು
ನಾ ಪಟ್ಟ ಪಾಡೇನು?
ಅದಕ್ಕಾಗಿ ನಾನೇನು
ಬೇಕಾದರೂ ಮಾಡೇನು.
ನಿನ್ನ ತುಂಬಿಸಲು
ದುಡಿದ ಫಲದಿಂದ
ತುಂಬಿತು ಮನೆ
ಸಿರಿ ಸಂಪದದಿಂದ!
ಸಿಕ್ಕಿದ್ದನೆಲ್ಲಾ ತಿಂದು
ಹೊಟ್ಟೆ ನಿನ್ನ ತುಂಬಿಸಿದೆ
ಗುಡಾಣದಂತೆ ಬೆಳೆಸಿದೆ
ಈಗದನ್ನು ಕರಗಿಸುವುದೇ
ನನಗೆ ದೊಡ್ಡ ಸಮಸ್ಯೆಯಾಗಿದೆ!
ಆಹಾರ, ಪಾನೀಯ ಮಾತ್ರವಲ್ಲ,
ಇತರರು ಮಾಡಿದ ತಪ್ಪನ್ನೆಲ್ಲಾ
ಹೊಟ್ಟೆಗೆ ಹಾಕಿಕೊಂಡೆ
ಕ್ಷಮಾಗುಣ ಸಂಪನ್ನ
ಎಂಬ ಗೌರವ ಪಡೆದುಕೊಂಡೆ.
ಹೊಟ್ಟೆ, ನನ್ನ-ನಿನ್ನ ಸಂಬಂಧ
ಜನುಮ ಜನುಮಗಳ ಅನುಬಂಧ
ಹುಟ್ಟುವುದಕ್ಕೆ ಮುಂಚೆ
ನಾನಿದ್ದುದೇ ಹೊಟ್ಟೆಯಲ್ಲಿ
ಮರಣಾನಂತರ ಮತ್ತೆ
ನಾ ಹೋಗಿ ಸೇರುವುದು
ಭೂ ತಾಯ ಹೊಟ್ಟೆಯಲ್ಲಿ.
*****
೧೬-೦೬-೧೯೯೨

Leave a Reply

 Click this button or press Ctrl+G to toggle between Kannada and English

Your email address will not be published. Required fields are marked *

Previous post ಪಾಪಿಯೂ – ಅರಿಕೆ
Next post ಶೂನ್ಯ

ಸಣ್ಣ ಕತೆ

  • ಪ್ರಕೃತಿಬಲ

    ಮಕರ ಸಂಕ್ರಮಣದ ಮಹೋತ್ಸವದ ದಿವಸವದು, ಸೂರ್ಯನಾರಾಯಣನು ಉತ್ತರಾಯಣನಾಗಿ ಸೃಷ್ಟಿಶೋಭೆಯೆಂಬ ಮಹಾಪ್ರದರ್ಶನ ಸಮಾರಂಭವನ್ನು ಜಗತ್ತಿಗೆ ತೋರಿಸುವನಾದನು. ಈ ಅದ್ವಿತೀಯವಾದ ಪ್ರದರ್ಶನವನ್ನು ನೋಡಲಪೇಕ್ಷಿಸುವವರು ಪರಮ ರಮಣೀಯವಾದ ಬೆಂಗಳೂರು ಪಟ್ಟಣಕ್ಕೆ ಬಂದು… Read more…

  • ಜೀವಂತವಾಗಿ…ಸ್ಮಶಾನದಲ್ಲಿ…

    ಎರಡು ಮೂರು ವರ್ಷದ ಅಂತರದಲ್ಲಿ ಒಂದಾದ ಮೇಲೊಂದು ಗಂಡು ಮಕ್ಕಳು ಜನನವಾದಾಗ ದೇಬಾನಂದಸಾಹುಗೆ ಅವನ ಪತ್ನಿ ನಿಲಾಂದ್ರಿಗೆ ಬಹಳ ಸಂತಸವಾಗಿತ್ತು. "ಮಕ್ಕಳು ದೊಡ್ಡವರಾಗಿ ವಿದ್ಯಾವಂತರಾಗಿ ಉದ್ಯೋಗ ಮಾಡಿದರೆ… Read more…

  • ಕರಿಗಾಲಿನ ಗಿರಿರಾಯರು

    ಪ್ರಜಾಪೀಡಕನಾದ ಮೈಸೂರಿನ ಟೀಪೂ ಸುಲ್ತಾನನನ್ನು ಶ್ರೀರಂಗ ಪಟ್ಟಣದ ಯುದ್ಧದಲ್ಲಿ ಕೊಂದು ಅವನ ರಾಜ್ಯವನ್ನು ಇಂಗ್ಲಿಶ್ ಸರಕಾರ ದವರು ತಮ್ಮ ವಶಕ್ಕೆ ತೆಗೆದುಕೊಂಡ ಕಾಲಕ್ಕೆ, ಉತ್ತರಕರ್ನಾಟಕದ ನಿವಾಸಿಗಳಾದ ಅನೇಕ… Read more…

  • ಕಳಕೊಂಡವನು

    ಸುಮಾರು ಒಂದು ಗಂಟೆಯ ಪಯಣದಿಂದ ಸುಸ್ತಾದ ಅವನು ಬಸ್ಸಿನಿಂದ ಇಳಿದು ರಸ್ತೆಯ ಬದಿಗೆ ಬಂದು ನಿಂತು ತನ್ನ ಕೈಗಡಿಯಾರ ದೃಷ್ಟಿಸಿದ. ಮಧ್ಯಾಹ್ನ ಒಂದು ಗಂಟೆ. ಒಮ್ಮೆ ಮುಖ… Read more…

  • ರಾಧೆಯ ಸ್ವಗತ

    ಈಗ ಸೃಷ್ಟಿಕರ್ತನ್ನು ದೂಷಿಸುತ್ತಾ ಕಾಲ ಕಳೆಯುತ್ತಿದ್ದೇನೆ ಕೃಷ್ಣಾ. ಹೆಂಗಸರಿಗ್ಯಾಕೆ ಅವರ ಪ್ರಿಯಕರರಿಗಿಂತ ಹೆಚ್ಚು ಆಯುಸ್ಸನ್ನು ಅವನು ಕೊಡುತ್ತಾನೋ? ನೀನು ಹೇಳುತ್ತಿದ್ದುದು ಮತ್ತೆ ಮತ್ತೆ ನೆನಪಾಗುತ್ತಿದೆ: "ರಾಧೆ, ಈ… Read more…