ಚಿಂತಲ್ ಬಸ್ತಿ

ಚಿಂತಲ್ ಬಸ್ತಿ ಚಿಂತಲ್ ಬಸ್ತಿ
ಬಡವರ ಬಗ್ಗರ ಅಗ್ಗದ ಆಸ್ತಿ
ಸ್ವರ್ಗಕ್ಕಿಂತಲೂ ನೀನೇ ಜಾಸ್ತಿ

ರಾಮುಡು ಭೀಮುಡು ಪರಮೇಶ್ವರುಡು
ಕಾಜಿಬಿ ಗೀಜೀಬಿ ಗೊರಿಬಿಗೆಲ್ಲಾ
ಎಲ್ಲರಿಗೂ ಇದು ಒಂದೇ ಮಾಡು
ಇರುವಂತೆಲ್ಲರಿಗೊಬ್ಬನೆ ಅಲ್ಲಾ!

ಆಚೆಗೆ ಬಯಲು ಈಚೆಗೆ ರೈಲು
ಕೈಕಾಲಿಟ್ಟಲ್ಲೆಲ್ಲಾ ಕೊಳಚೆ
ಆದರು ಬದುಕು ಸಾಗಲೆಬೇಕು
ಹೊಯ್ಯಲೆ ಬೇಕು ಬಂದರೆ ಉಚ್ಚೆ

ಚಿಂತಲ್ ಬಸ್ತಿ ಚಿಂತಲ್ ಬಸ್ತಿ
ಗತಿಯಿಲ್ಲದವರಿಗೆ ನೀನೇ ಆಸ್ತಿ

ಹಗಲೂ ಇರುಳೂ ಬೀದಿಗಳಲ್ಲಿ
ಘನ ಸರಕಾರದ ನಿಯಾನ್ ಬೆಳಕು
ಆಳುವ ಪಕ್ಷಕು ಆಳದ ಪಕ್ಷಕು
ಎಲ್ಲರಿಗೂ ಈ ಮತಗಳು ಬೇಕು

ತೆಲುಗು ದೇಶಂ ಭಾರತ ದೇಶಂ
ಇಂದಿರಾಗಾಂಧಿಯ ಕಾಂಗ್ರೆಸ್ ದೇಶಂ
ಯಾರೂ ಬಿಡರೈ ಈ ಅವಕಾಶಂ
ಸರ್ವರ ಮೈಮೇಲೂ ಆವೇಶಂ

ಚಿಂತಲ್ ಬಸ್ತಿ ಚಿಂತಲ್ ಬಸ್ತಿ
ಗತಿಯಿಲ್ಲದವರಿಗೆ ನೀನೇ ಆಸ್ತಿ
ಗತಿಯಿದ್ದವರಿಗು ನೀನೇ ಆಸ್ತಿ!
*****

Leave a Reply

 Click this button or press Ctrl+G to toggle between Kannada and English

Your email address will not be published. Required fields are marked *

Previous post ಪಾರಿವಾಳಗಳು ಹಾರಿಹೋದವು
Next post ಘಾಟಿ ಹೆಂಗಸು

ಸಣ್ಣ ಕತೆ