ಇರು ನೀನು ಇಲ್ಲದಿರು ನೀನು
ಸುತ್ತುವೆ ನಿನ್ನಗುಡಿಯ|
ಕೊಡು ನೀನು ಕೊಡದಿರೂ ನೀನು
ಎಂದೆಂದಿಗೂ ನೀನೇ ನನ್ನೊಡೆಯ||
ಸೃಷ್ಟಿಸಿರುವೆ ಈ ಸುಂದರ ಜಗವ
ಕೊಟ್ಟಿರುವೆ ಈ ಎರಡು ಕೈಗಳ
ಕೊಡು ನೀನು ಸದಾ ಧರ್ಮಮಾರ್ಗದಿ
ದುಡಿದು ಉಣ್ಣುವಾ ಛಲವ||
ಕೊಟ್ಟಿರುವೆ ಹೃದಯವನು
ಇತ್ತು ಸುಗುಣ ಶ್ರೀಮಂತಿಕೆಯ
ಬಿತ್ತುನೀ ವಿಶಾಲ ಭಾವನೆಯ
ಎಲ್ಲರೊಳೊಂದಾಗಿ ಬಾಳುವಾತನವ||
ಕೊಟ್ಟಿರುವೆ ಕಣ್ಣುಗಳ
ಇಟ್ಟಿರುವೆ ಬೆಳಕೆಂಬ ದೃಷ್ಟಿಯಾ
ಕೊಡು ನೀನು ಸದಾ ಗೆಲ್ಲುವ
ಜೀವನದ ದೂರದೃಷ್ಟೀಯ||
ಕೊಟ್ಟಿರುವೆ ಚಿತ್ತವನು, ಅದರಿಂದ
ಕೆತ್ತೆನ್ನ ಸುಂದರ ಮೂರುತಿಯ|
ಕೊಟ್ಟು ಕಷ್ಟದನುಭವಗಳ ಪೆಟ್ಟ
ಆನಂದದಿ ಅನುಭವಿಸಿ ರೂಪಗುಳ್ಳುವೆ
ನಿನ್ನಾಸೆಯಂದದಿ ಜಗದಿ|
ಹತ್ತಾರು ಹಿರಿಯರು ಮೆಚ್ಚುವಂದದಿ ಮುದದಿ||
*****
