ಕನ್ನಡ ನಲ್ಬರಹ ತಾಣ
ಇದು ಏನು ಸೋಜಿಗವೋ ಈ ಜಗದಿ
ಮದೀನದ ರಾಜುಗವೋ || ಪ||
ಕದನ ಕರ್ಬಲಕೋಡಿ ಶರಣರ
ಕುದುರಿ ಕಾಲ್ಕೆದರಲ್ಕೆ ಆದರೊಳು
ಹುದುಗಿದಾನಲೆದ್ದು ಮೆರದಿತು
ಒದಗಿತೊಂದೈಸುರದಲಾವಾ || ಅ. ಪ. ||
ಮೂಲೋಕದೊಳಗೆ ಮೇಲೋ ಕಾಳಗದೊಳು
ಮೂಲಕದೊಳಗೆ ಮೇಲೋ
ಕೋಲಹಾಲಮಾಡಿ ಬಾಲೆರ
ಮೇಲ ಹತ್ತಿ ಯಜೀದನಾಲಯ
ಸಾಲು ಮಾಲುಗಳೆಲ್ಲ ಸುಟ್ಟವೋ
ಹೇಳಲೇನರ್ಭಾಟ ರಣದೊಳು || ೦ ||
ಭೂಮಿಯನಾಳಿದರೋ
ಇಮಾಮಹಸೇನಿ ಹುಸೇನಿಯರೋ
ನೇಮಿಸಿ ನಡದಾರೋ ಸಮರಕೆ
ಈ ಮೊಹೋರುಮ ತಿಂಗಳದಿ ಘನ
ಸ್ವಾಮಿ ಶಿಶುನಾಳೇಶ ಪಾಲಿಸಿ
ನಾಲಶಾ ಎಂದ್ಹೆಸರನಿಟ್ಟರೋ || ೨ ||
*****
“ಮಮ್ಮಿ ! ಮಮ್ಮಿ ! ಬೇಗ ಬಾ” “ಅಡಿಗೆ ಮಾಡುತ್ತಾ ಇದ್ದೇನೆ, ಯಾಕೆ ಕಿರಿಚಿಕೊಳ್ಳುತ್ತಾ ಇದ್ದಿಯಾ ರೋಜಿ? ಬರುತ್ತೀನಿ ತಾಳು” ಎಂದಳು ಕೆಲಸದಲ್ಲಿ ನಿರತ ತಾಯಿ. “ಮಮ್ಮಿ! ಒಂದು ನಿಮಿಷ ಬಂದು ನೋಡು, ಕಾಗೆ ಪುಟ್ಟ ಅಳಿಲನ್ನು ಕುಕ್ಕಿ ನೋವು ಮಾಡುತ್ತಾ ...
“ಭಟ್ಟರೇ, ನಿಮಗೆ ಹೇಳಲೊ? ಇಘ್ನೇಶ್ವರರಾಯರು ಅಂದರೆ ನಮ್ಮ ಜಾತಿಗೇ ಭೂಷಣ. ಅವರು ವಕೀಲಿ ಮಾಡಲು ಸುರು ಮಾಡಿದಂದಿನಿಂದ ಬೇರೆ ಜಾತಿಯವರ ಸೊಕ್ಕು ಮುರಿದಿದೆ. ಈಗ ಶೆಟ್ಟಿ ಶಾನಬೋಗರೆಲ್ಲ ಅವರಿಗೆ ರಾಯರೇ ಎಂದು ಸಲಾಮು ಮಾಡುವವರೇ! ನಿಮಗೆ ಹೇಳಲೊ? ಅದು ಒಬ್ಬೊಬ್ಬರ ಜನ್ಮಕುಂಡಲಿ ಇದ್ದ...
