ಪಂಕಜನೇತ್ರೆ ಬಾ ಅಂಕಿತಸ್ಥಾನಕೆ
ಶಂಕ ನೀಲಾಂಜನ ಪಂಚಾರುತಿ || ಪ ||
ಕಿಂಕರತ್ವದ ತಳಗಿಯೊಳು
ಬೆಂಕಿಯನು ಬೆಳಸಿಟ್ಟು ಕರ್ಪೂರ
ಓಂಕಾರ ಪ್ರಣಮವನು ಜಪಿಸುತ
ವೆಂಕಟೇಶಾನ ಪಾದಕಮಲಕೆ || ೧ ||
ಲಕ್ಷ್ಮಿರಮಣನೆಂಬ ಸಾಕ್ಷಾತನಾಮಕ್ಕೆ
ಲಕ್ಷ ತೆರೆದುನೋಡೋ ಆತ್ಮದೊಳು
ಪಕ್ಷಿವಾಹನಗೆ ಭಕ್ತರ ರಕ್ಷಿಪಗೆ
ಈ ಕ್ಷಣ ಮೋಕ್ಷಹೊಂದುವ ತೈಲಜ್ಯೋತಿಯ
ಸಾಕ್ಷಾತಗೆ ಜಯವೆನುತ ನಮಿಸಿ || ೨ ||
ವಸುಧಿಯೊಳು ಶಿಶುನಾಳ ಅಸಮ ಶ್ರೀಶೈಲದಿ
ಕುಸುಮ ಬತ್ತಿಯ ಹೊಸೆದಿಟ್ಟು ದಿನ
ನಿಶಿಕಿರಣದಿ ಚಾಚಿ ಕುಡಿಯಲು
ವಸುಧಿಯೊಳು ಶಿಶುನಾಳಧೀಶನ
ಪೆಸರಿನೊಳು ಸುಗಂಧ ಅಕ್ಷತಿ
ರಸಿಕರಾಜ ಗೋವಿಂದನಾಜ್ಞದಿ || ೩ ||
*****
